هەواڵ

عێراق 60 ملیۆن دینار وەکو پێشینەی نیشتەجێبوون دەداتە هاوڵاتیان

Mic
2024-07-10

نەبیل سەفار، گوتەبێژى وەزارەتى ئاوەدانکردنەوە و نیشتەجێکردنى عێراق، لەلێدوانێکدا بۆ رۆژنامەى سەباحى نیمچە فەرمی رایگەیاندووە، وەزارەتەکەیان رەزامەندى دەربڕیووە لەسەر هەموو ئەو مامەڵانەى هاوڵاتیان بۆ وەرگرتنى پێشینەى خانووبەرە پێشکەش بە وەزارەتەکەیان کردووە، بڕى پێشینەکە 60 ملیۆن دینارە. راشیگەیاندووە، لەو چوارچێوەیە وەزارەتى ئاوەدانکردنەوە و نیشتەجێکردن بڕى 750 ملیار دینارى وەکو بودجە بۆ پێشینەکە تەرخانکردووە و بەگوێرەى رێنماییە بەرکارەکانى وەزارەتەکەیان خەرجدەکرێت. نەبیل سەفار ئەوەشیخستووەتەڕوو، پێویستە هەرکەسێک نیازى وەرگرتنى ئەو پێشینەیەى هەیە خاوەنى پارچە زەوییەک بێت کە لە 100 مەتر دووجا کەمتر نەبێت، نەخشەى زەوییەکەى و بەڵگەنامەى تاپۆى زەوییەکەى هەبێت. ئەوەشى ئاشکراکرد، تاوەکو ئێستا شەش هەزار کەس مامەڵەى وەرگرتنى پێشینەکەیان پێشکەش بە وەزارەتەکەیان کردووە و لە ئایندەیەکى نزیکدا پارەکانیان بۆ خەرجدەکرێت

بابەتی لێکچو

More News

Most Popular

هەواڵ

دوو بازرگانی ماددەی هۆشبەر بەهاوکاریی ئاسایشی سلێمانی لە سعودییە دەستگیرکران

Mic
2025-09-15

دوو بازرگانی ماددەی هۆشبەر بە 142 کیلۆگرام ماددەی کریستاڵی شل بە هاوکاری دەزگای ئاسایشی هەرێم، لە وڵاتی سعودییە دەستگیرکران.

بازرگانەکان خەڵکی سەلاحەدینن و کۆمپانیای حەج و عەمرەیان هەیە و لەنێوان عێراق، سعودییە و تورکیا وڵاتانی دیکەی عەرەبی بازرگانی ماددەی هۆشبەریان کردووە.

ئەو دوو بازرگانە بۆ گواستنەوەی ماددەکان سوودیان لە پاسی عومرەکاران وەرگرتووە و  بەوەشێوەیە هیچ گومانێکیان لەسەر نەبووە، خاوەن کۆمپانیای حەجوعەمرەبوون.

دەزگای ئاسایشی هەرێم و بەڕێوەبەرایەتیی رووبەڕووبوونەوەی ماددە هۆشبەرەکانی سلێمانی زانیاریی وردیان لەسەر بازرگانەکان داوە، بە وەزارەتی ناوخۆی عێراق و سعودییە.

لەسەر بنەمای زانیارییەکانی دەزگای ئاسایشی هەرێم و بەڕێوەبەرایەتیی رووبەڕووبوونەوەی ماددە هۆشبەرەکانی سلێمانی لە ئۆپەرسیۆنیكی تایبەتدا بازرگانەکان دەستگیر کراون.

بەوتەی عەقید سەلام عەبدولخالق، وتەبێژی دەزگای ئاسایشی هەرێم، ماددەکە لە جۆری کریستاڵی شلە و کێشەکەی 142 کیلۆگرام بووە، لەناو یەکێک لە پاسەکانی عومرەکاران هەڵگیراوە و بەهاکەی ملیۆنێک و 270 هەزار دۆلاربووە.

لەدوای پێدانی زانیاریی ورد، وەزارەتی ناوخۆی سعودییە داوای لە بەڕێوەبەرایەتیی رووبەڕووبوونەوەی ماددە هۆشبەرەکانی سلێمانی کردووە، کارمەندێکی خۆیان بنێرەنە ئەو وڵاتە بۆ هاوکاریی دەزگا ئەمنییەکانی ریاز.

بازرگانانی ماددە هۆشبەرەکان بیرۆکە و تەکنیکی سەیر بۆ گواستنەوەی ماددەکانیان بەکاردەهێنن و بۆ ئەوەی لە بازگە و خاڵی پشکنینەکان هیچ گومانێکیان نەچێتە سەر.

ماددە هۆشبەرەکان یەکێکە لە هەڕەشە مەترسیدارەکان، سەرەڕای ئاڵودەبوونی بەکارهێنەران و رووبەڕووبوونەوەی ئەگەری مردن-یان؛ هۆکارێکی سەرەکیشن بۆ زۆربوونی رووداوە جۆراو جۆرەکان و هەڵوەشاندنەوەی خێزانەکان.

بەکارھێنانی ماددەی ھۆشبەر بووەتە دیاردەیەکی جیھانی و بنبڕناکرێت چونکە ھەموو سنوورەکانی بڕیووە، لەگەڵ زۆربوونی ئالوودەبووان و بەکارھێنەرانی ماددەی ھۆشبەر، شێوازی بازرگانییکردن و بڵاوبوونەوەیشی تەکنیکی نوێی بەخۆیەوە بینیووە.

سەرەڕای پێشکەوتنی یاساکان بۆ رووبەڕووبوونەوەی، لە ھەمانکاتدا شێوازی بازرگانیکردنیشی پێشکەوتن و شێوازی نوێ بەخۆیەوە بینیوە.

بەپێی ئامارەکانی دەزگای ئاسایشی ھەرێم، لە چوار مانگی یەکەمی ئەمساڵدا 388 تۆمەتباری ماددەی ھۆشبەر دەستگیر کراون، کە 173 کەس بەکارھێنەر بوونە، 143 بازرگانی ئاسایی بوونە، 72 کەس بازرگانی نێودەوڵەتی بوونە.

هەر بە گوێرەی دەزگای ئاسایشی هەرێم، لە ماوەی ساڵی ڕابردووشدا نزیکەی ھەزار تۆمەتبار بەھەر سێ جۆرەکەوە دەستگیر کراون.

بەگوێرەی ناوەندی ستراتیژی بۆ مافەکانی مرۆڤ لە عێڕاق، ژمارەی ئەو بازرگانان و بەکارهێنەرانەی ماددەی ھۆشبەر کە لە ساڵی 2024 لە عێڕاق دەزگیرکراون 14 هەزار کەس بوون.

 هەر لە هەمان ساڵ؛ دەسەڵاتی دادوەری عێراق سزای لەسێدارەدانی بەسەر 144 بازرگانی نێودەوڵەتیی ماددەی ھۆشبەر و سزای زیندانی ھەتاھەتایی بەسەر 434 بازرگانی ناوخۆیدا سەپاندووە.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved