ژیان

لە رێی ئایفۆنەکەتەوە چاودێری گەشتە ئاسمانییەکان بکە

نەرمەکاڵاکان بۆ چاودێری کردنی گەشتە ئاسمانییەکان باون، چونکە کاتێک خۆت ئامادە دەکەیت بۆ گەشتێک یان کەسێکی نزیکت گەشت دەکات، لەوانەیە بتەوێت بزانیت گەشتەکە چۆن بەڕێوە دەچێت، بەڵام ئەگەر مۆبایلەکەت ئایفۆن بێت، پێویستت بە بەکارهێنانی ئەم نەرمەکاڵایانە نییە.
لە "الیوم السابعـ"ـدا هاتووە، توانای بەدواداچوونی گەشتەکان لە iOSدا دەگەڕێتەوە بۆ ئەو ئامرازانەی کە ئەپڵ چەند ساڵێکە لەناو سیستەمەکەیدا دروستی کردووە، بە نموونە دۆزەرەوەی زانیاری وەک کات و بەروار و ناونیشان کە لە کاتی گونجاودا لەسەر شاشە دەیانخاتە روو.
ئەگەر کەسێک ژمارەی گەشتەکەت بۆ بنێرێت "بۆ نموونە U2502" بە نامە، دەتوانیت بە کلیکێک دیمەنی ماوەی کاتی دیاریکراوی راستەقینەی گەشتەکە ببینیت کە لەسەر نەخشەیەک نیشان دراوە.
بژاردەی زانیاری زیاتر بەدەست دەهێنیت بە کلیککردن لەسەرPreview Flight، کە زانیاریت پێدەدات لەسەر کاتی رۆشتن و گەیشتن، تەنانەت دواکەوتن لە هەندێک فڕۆکەخانەدا و وردەکارییەکانی وەرگرتنی جانتا.
بۆ زیادکردنی هەلی دۆزینەوەی ژمارەی گەشتەکە لە iOSـدا باشترە ناوی تەواوی هێڵی ئاسمانی لەگەڵ ژمارەکەدا دابنێیت "بۆ نموونە EasyJet U2502".
بەدواداچوون بۆ گەشتەکان بکە لە گەڕانی سپۆتلایت، هەروەها لە ئایفۆن و ئایپاددا دەتوانیت بەدواداچوون بۆ گەشتەکان بکەیت لە بەشی گەڕاندا.
لە ناوەڕاستی شاشەی سەرەکییەوە سوایپ بکە بۆ خوارەوە و بە سادەیی ژمارەی گەشتەکە لە بواری گەڕانەکەدا دابنێ بۆ ئەوەی زانیاری رۆشتن و گەیشتن بەدەست بهێنیت، بۆ زانینی وردەکارییە زیادەکانی سەرەوە کلیک لەسەر کارتی زانیاری بکە.

هەواڵ

Mic Exclusive : دەسەڵاتی تەمویلی مووچە لە بانکی ناوەندی هەرێم/ سلێمانی سەندرایەوە

وەزارەتی دارایی و ئابوری دەسەڵاتی تەمویلی مووچە لە بانکی ناوەندی هەرێم/ سلێمانی سەندەوە و وەزیری دارایی دەڵێت، "نابێت لە ژێر هیچ بیانوویەکدا پارەی تەرخانکراو بۆ مووچە بۆ هیچ بوارێکی تر بەکاربهێنرێت"

 بەپێی ئەو زانیارییانەی دەست دیجیتاڵ میدیای Mic کەوتوون، بە بڕیاری ئاوات شێخ جەناب وەزیری دارایی و ئابوری هەرێمی کوردستان دەسەڵاتی تەمویلی مووچە لە بانکی ناوەندی هەرێم/ سلێمانی وەرگیراوەتەوە.

هەر بەپێی زانیارییەکان، تەمویلی مووچە لە بانکی ناوەندی هەرێم/ سلێمانی-ـەوە گواستراوەتەوە بۆ بانکی ئاشتی لە سلێمانی لەمەودوا لەو بانکەوە تەمویلی پارەی مووچەخۆرانی سلێمانی دەکرێت.
دیجیتاڵ میدیای Mic، قسەی لەگەڵ بەرپرسانی بانکی ناوەندی هەرێم/ سلێمانی کردووە، لەگەڵ پشتراستکردنەوەی هەواڵەکەدا پابەندی خۆشیان بە بڕیارەکانی وەزارەتیی دارایی و ئابورییەوە راگەیاند.

بەپێی بڕیارەکەی وەزارەتی دارایی و ئابوری، تەمویلی موچەی موچەخۆران و فەرمانبەران راستەوخۆ لە بانكی منارەوە دەنێردرێت بۆ بانكی ئاشتی لەوێشەوە بۆ بانكەكانی سنوری پارێزگای سلێمانی و هەڵەبجە و ئیدارەكانی راپەڕین و گەرمیان.

بەپێی بەدواداچوونەکان، هۆکاری بڕیارەکەی وەزارەتی دارایی و ئابوری هەرێمی کوردستان بۆ ئەو کێشانەی رابردووی دەگەڕێتەوە کە لە بانکی ناوەندی هەرێم/ سلێمانی بۆ دابەشکردنی مووچە دروست بووە، لەناویاندا دەستکاریکردنی پارەی نەختینەیی مووچە. 

رۆژی 18ـی ئازاری 2025، ئاوات شێخ جەناب وەزیری دارایی و ئابوری لە کۆبونەوەی لەگەڵ بەڕێوەبەری بانکەکان و گەنجینەکانی سنوری پارێزگای سلێمانی و هەڵەبجەو ئیدارەی گەرمیان و ڕاپەڕین رایگەیاند، نابێت لە هیچ بانکێک کێشە و گرفت بۆ هاووڵاتیان و فەرمانگەکان و بەڵێندەران دروست بکرێت، بەپێچەوانەوە هەر کێشەیەکی نەخوازراو بەدەر لە یاسا و ڕێنماییەکان دروست بکرێت ئیجرائاتی پێویست لەگەڵ بەڕێوەبەری بانکەکان دەکرێت.                

هەر لەو کۆبونەوەیەدا بڕیاردرا نابێت لە هیچ بانکێک دەستکاری پارەی هاووڵاتیان ( ئەمانات، وەدائیع، توفیر، هتد) بکرێت بەپێچەوانەوە ڕووبەڕووی لێپرسینەوەی یاسایی دەبنەوە.      
بڕیاردریش درا، بەهیچ جۆرێک نابێت لە ژێر هیچ بیانوویەکدا پارەی تەرخانکراو بۆ مووچە بۆ هیچ بوارێکی تر بەکاربهێنرێت، لە حاڵەتی دووبارە بوونەوەی سەرپێچیەکان و هەرکەس و لایەنێک پێچەوانەی ئەم ڕێنماییانە جوڵایەوە،ڕێکاری پێویستی لە دژ دەگیرێتبەر بگرینەبەر.   

پێشتر، بانکەکان دەسەڵاتیان هەبووە بڕی دیاریکراو خەرج بکەن، بەڵام ئێستا ئەو دەسەڵاتە لێیان سەندراوەتەوە و دەبێت راپۆرتی هەفتانە رادەستی وەزارەتی دارایی بکەن.