-18
شەڕی نێوان منداڵەكانت كۆنتڕۆڵ بكە
2024-09-01
ئەو بنەماڵانەی خاوەن چەند منداڵێكن، رۆژانە دەبینن شەڕ و ناكۆكی لەنێوان منداڵەكانیان دروست دەبێت و بێ گومان چۆنیەتیی مامەڵەكردن لەگەڵ حاڵەتی وا پێویستی بە پەروەردەی جیاواز و دایك و باوكی هۆشیار و ژیر هەیە.
دەبێت لەسەرەتاوە منداڵەكانت فێر بكەیت، ژیرانە كێشە و ناكۆكیی نێوان خۆیان چارەسەر بكەن و لەجیاتی جنێودان و شەڕی دەستەویەخە، هەوڵ بدەن گوێ بۆ یەكتر شل بكەن و گوێیان لە ڕای جیاوازی یەكتر بێت.
ئێوەی دایك و باوك پێویستە منداڵەكانتان لە گرنگیی بنەماڵە تێبگەیەنن و فێریان بكەن پەیوەندیی باش لەنێوان خوشك و براكان پێویستە و بنەماڵە لەیەكتر نزیك دەكاتەوە، بەپێچەوانەوە، هەر ناكۆكییەك كاریگەریی نەرێنیی خۆی دەبێت لەسەر بنەماڵە. كاتێك منداڵەكانتان بە شەڕ هاتن، پێویستە بێ لایەن بن و گوێبیستی قسەكانی هەر دوولا بن و هەڵسەنگاندنی دادپەروەرانە بكەن سەبارەت بە كێشە و ناكۆكییەكانی نێوان منداڵەكان و منداڵێكت فەرز نەكەی بەسەر ئەوانی دیكەدا، بۆ ئەوەی كاردانەوەی خراپیان نەبێت.
لە كۆتاییدا منداڵ دەڕوانێتە خۆشەویستیی نێوان دایك و باوكی و دەربڕینی خۆشەویستی بۆ یەكتر و لە ئەوانەوە فێری خۆشەویستی و میهرەبانی و لەخۆبووردەیی دەبێت.
More News
 copy.jpg)
Most Popular
-
بەشە ئاردی 700 هەزار کەس دەبڕدرێت
هەواڵ2025-09-14
1
-
دامەزراوەی ڤیژن و ناوەندی نەهرین یاداشتنامەیەکیان واژۆکرد
هەواڵ2025-09-15
2
-
دیواری رۆژئاوا، ئەو شوێنەی جولەکەکان لە ئەقسا بە پیرۆزتری دەزانن
هەواڵ2025-09-14
3
-
قەیرانی بێ مووچەیی کاریگەری دەبێت؟ عێراق و هەرێم دەچنە ناو پرۆسەی بانگەشە و هەڵبژاردنەوە
هەواڵ2025-09-13
4
-
دوو بازرگانی ماددەی هۆشبەر بەهاوکاریی ئاسایشی سلێمانی لە سعودییە دەستگیرکران
هەواڵ2025-09-15
5
-
مووچە زامنکرا.. بەستەڵەکی نێوان هەرێم و بەغدا توایەوە
هەواڵ2025-09-16
6
-
ئەنجوومەنی دەوڵەت وەڵامی ئەنجوومەنی وەزیرانی عێراق دەداتەوە
هەواڵ2025-09-18
7
-
موقتەدا سەدر هەڵبژاردن رەتدەکاتەوە و چاوەڕێی دوو ئەگەرە
هەواڵ2025-09-17
8
هەواڵ
ئەنجوومەنی دەوڵەت وەڵامی ئەنجوومەنی وەزیرانی عێراق دەداتەوە
2025-09-18
کۆبوونەوەی ئەنجوومەنی دەوڵەت لەبارەی
داهاتی نانەوتیی هەرێمی کوردستان کۆتایی هات و چاوەڕوان دەکرێت ئەمڕۆ وەڵامی ئەنجومەنی
وەزیرانی عێراق بداتەوە.
بەگوێرەی زانیارییەکان لە کۆبوونەوەکەدا شاندێکی
هەرێمی کوردستان بەشداربوون، کۆبوونەوەکە بە هەنگاوێکی گرنگ بۆ چارەسەری گرفتی
مووچەی هەرێمی کوردستان دادەنرێت.
ئەنجوومەنەکە ئەمڕۆ چوارەم کۆبوونەوەی لەسەر پرسی داهاتی ناوخۆی هەرێمی کوردستان ئەنجامدا و، تێیدا تاوتوێی پرسی داهاتی نانەوتیی
هەرێم، کە یەکێکە لە خاڵە ناکۆکانی نێوان حکومەتی هەرێم و عێراق.
هەر بەگوێرەی زانیارییەکان؛ پێشبینیدەکرێت
ئەمڕۆ ئەنجوومەنی دەوڵەت ئەنجامی کۆبوونەوەکە بە راپۆرتێک بۆ ئەنجوومەنی وەزیرانی
عێراق بەرزبکاتەوە.
رای ئەنجوومەنەکە لە بارەی کێشەی هەولێر و
بەغدا لەسەر داهاتی ناوخۆ بە یەکلاکەرەوە ناو دەبرێت و بۆ چارەسەری پرسی داهاتیی
ناوخۆی هەرێمی کوردستان لەنێوان هەولێر و بەغدا.
لە کاتێکدا ژمارەیەک لە چاودێران پێیان وایە، ئەو ئەرکەی
بە ئەنجوومەنی دەوڵەت سپێردراوە؛ کاری ئەو نییە و ناتوانێت چارەسەر بۆ کێشەکە
بدۆزێتەوە، بەڵکو دەبێت کێشەی داهاتی ناوخۆی هەرێم، دادگای باڵای فیدراڵی بڕیاری
لەبارەوە بدات.
