ژیان
كاریگەریی پەنجەرەی ژووری خەوتن لەسەر مێشك
2024-09-04
لە توێژینەوە زانستییەكەدا كە تێیدا تاقیكردنەوە لەسەر 40 كەس كراوە، دەركەوتووە هەوای پاكژ لەناو ژووری خەوتندا بە شێوەیەكی بەرچاو هاوكاردەبێت لەسەر خەوتن بە باشیی لەكاتەكانی شەودا، ئەوەش بە كردنەوەی پەنجەرەكانی ژووری خەوتن دەبێت.
دكتۆر پاوڵ وارگۆكی، گەورەنووسەری توێژینەوە زانستییەكە كە لە زانكۆی تەكنیكیی دانیمارك ئەنجامدراوە لەوبارەیەوە روونیكردووەتەوە " كوالیتی و جۆری هەوای ناو ژووری خەو كاریگەریی دروستدەكات لەسەر هێز و تواناكانی مێشك وەك توانای سەرنجدان، تێگەیشتن و كاردانەوە، هەر بۆیە خەوتن لە ژوورێكی هەواپاكژ سوود بە مێشك دەگەیەنێت".
ئەو 40 كەسەی توێژینەوەكەیان لەسەر ئەنجامدراوە بۆ ماوەیەك لە ژوورێكدا خەوتوون كە پەنجەرەكانی داخراو بووە، پاشان بۆ ماوەیەكی دی لە ژوورێكدا خەوتوون هەواپاكژتر بووە بەهۆی ئەوەی پەنجەرەیان لەكاتی خەوتندا كردووەتەوە.
سەرەنجام دەركەوتووە، كاتێك پەنجەرەكانیان كردووەتەوە لەكاتی خەوتندا، بۆ رۆژی دواتر خەواڵوو نەبوون، بەڵكو چالاكتر بوون لە بەیانیان هەتا كاتژمێرەكانی ئێوارە، رێژەی لەسەدا 87ی بەشداربووەكانی ئەو توێژینەوەیە رایانگەیاندووە "بە پەنجەرەی كراوە خەوەكانیان قووڵتر بووە و زووتریش لەخەو رابوون".
لە توێژینەوەیەكی دیكەشدا كە لە رابردوودا ئەنجامدراوە، جەختكراوەتەوە لەسەر ئەوەی كردنەوەی پەنجەرەی ژووری خەو لەكاتی خەوتندا دەبێتە هۆی كەمكردنەوەی پرخە بۆ ئەو كەسانەی دەپرخێنن.
More News
 copy.jpg)
Most Popular
تەندروستی
بەکارهێنانی مەیکەپی دژە ئاو مەترسیدارە؟
2025-10-04
توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.
ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.
