هەواڵ
ناوی ئەو بانکانە بڵاوکرایەوە کە دەتوانن مووچەی فەرمانبەرانی هەرێم دابەشبکەن
2024-09-05
بانکی ناوەندی عێراق ناوی سەرجەم ئەو بانکانەی بڵاوکردەوە کە مۆڵەتپێدرون و دەتوانن مووچەی مووچەخۆرانی هەرێم دابەشبکەن، واتە د.نه‌رمین مه‌عروف ئه‌ندامی لیژنه‌ی دارایی پەرلەمانی عێراق رایگه‌یاند، له وه‌ڵامی نووسراوێكی دادگای باڵای فیدڕاڵی، په‌یوه‌ست به پرسی به‌بانكیكردنی مووچه‌ی فه‌رمانبه‌رانی ھه‌رێم، بانكی ناوه‌ندی لیستی ژماره و ناوی ئه‌و بانكانه‌ی ناردووه بۆ دادگای فیدڕاڵی كه مۆڵه‌تپێدراون و له‌ھه‌رێمی كوردستان لقیان ھه‌یه و كارده‌كه‌ن. به‌پێی نووسراوه‌كه‌ی بانكی ناوه‌ندی، له كۆی 66 بانكی مۆڵه‌تپێدراو 34 بانك له شاری ھه‌ولێر و 18 بانك له سلێمانی و 11 بانك لقیان له شاری دھۆك ھه‌یه. راشیگه‌یاندووه كه ھه‌ربه‌پێی لیسته‌كه له كۆی حه‌وت بانكی حكومه‌تی فیدڕاڵ، ته‌نیا یه‌ك بانك كه بانكی بازرگانی عیراقه لقی له شاره‌كانی ھه‌ولێر و سلێمانی و دھۆك ھه‌یه.
بابەتی لێکچو
-
ئەمساڵ زیاتر لە ملیۆنێک و 300 هەزار قوتابی سودمەند دەبن لە سیستمی (ئی - هەڵسەنگاندن)
هەواڵ2025-05-31
-
بانکی رافیدەین: کارتەکانی ماستەر و ڤیزا کارت لە دەرەوە وڵات کاردەکەن و دوای "پروپاگەندەی ئامانجدار" مەکەون
هەواڵ2025-05-31
-
لایەنەکانی هەرێمی کوردستان هەڕەشەی وەرگرتنی هەڵوێست دژی بەغدا دەکەن
هەواڵ2025-05-29
-
جەمال کۆچەر: نابێت هیچ كه‌سێك پێش 60 ساڵی خانەنشین بكرێت
هەواڵ2025-05-29
More News
 copy.jpg)
Most Popular
-
لایەنەکانی هەرێمی کوردستان هەڕەشەی وەرگرتنی هەڵوێست دژی بەغدا دەکەن
هەواڵ2025-05-29
1
-
مالیکی باس لە کڕینی دەنگی دەنگدەر دەکات بۆ هەڵبژاردنی پەرلەمانی عێراق
هەواڵ2025-05-29
2
-
دابەزینی بەهای دۆلار بازاڕی کارتەکانی بانکی نەهێشتووە
هەواڵ2025-05-28
3
-
د.سەربەست محەمەد: لە 24 ساڵدا نزیکەی هەزار و 800 تەرمی کۆچبەرانمان ناردوەتەوە
هەواڵ2025-05-27
4
-
ئەردۆغان: هەنگاوی گرنگمان بڕیوە بۆ تورکیایەکی بێ تیرۆر
هەواڵ2025-05-27
5
-
بانکی رافیدەین: کارتەکانی ماستەر و ڤیزا کارت لە دەرەوە وڵات کاردەکەن و دوای "پروپاگەندەی ئامانجدار" مەکەون
هەواڵ2025-05-31
6
-
بەغدا لە پلەی یەکەمدایە.. ملیۆنێک 613 هەزار کەس کارتی دەنگدانیان نوێ کردووەتەوە
هەواڵ2025-05-28
7
-
جەمال کۆچەر: نابێت هیچ كه‌سێك پێش 60 ساڵی خانەنشین بكرێت
هەواڵ2025-05-29
8
هەواڵ
ئەمساڵ زیاتر لە ملیۆنێک و 300 هەزار قوتابی سودمەند دەبن لە سیستمی (ئی - هەڵسەنگاندن)
2025-05-31
وەزارەتی
پەروەردەی هەرێمی کوردستان ئاشکرایکرد، لەمڕۆوە نمرەی تاقیکردنەوەکانی کۆتایی
وەرزی دووەم بۆ پۆلە ناکۆتاکان بەردەست دەبێت و زیاتر لە ملیۆنێک و 300 هەزار
قوتابی دەتوانن بەشێوەی ئۆنلاین نمرەکانیان وەربگرنەوە.
ئەمساڵ جیاواز
لە ساڵانی رابردوو، قوتابیان بەپێی ئەژماری تایبەتی خۆیان لە سیستمی ( ئی - هەڵسەنگاندن) و بە داخڵکردنی
پاسۆرد و یوزەرنەیم، دەتوانن نمرەکانیان وەربگرنەوە، کە ئەوەش ئەپڵیکەیشن و
وێبسایتێکی تایبەتە و بەشێکە لە خزمەتگوزاری (ئی-پەروەردە) کە کاروباری کارگێڕیی قوتابخانەکان
رێکدەخات.
بەپێی
راگەیاندراوەکەی وەزارەتی پەروەردە، ئەمساڵ "زیاتر لە یەک ملیۆن و سێسەد
هەزار (١،٣٠٠،٠٠٠) قوتابی پۆلە ناکۆتاکان ( پۆلی ٤ ی بنەڕەتی تا ١١ ی ئامادەیی )
دەتوانن ئەنجامی کۆتایی وەرزی دووەم ( خولی یەکەم) وەربگرنەوە" و چەندین
رێنمایی دیکە لەوبارەوە خراوەڕوو.
بەکارهێنەران، دەتوانن
ئەپڵیکەیشنی ( ئی -
هەڵسەنگاندن) (e-halsangandin) لە مۆبایلەکانیان
دابەزێنن و کۆد و ژمارەی نهێنی قوتابییەکە بەکاربهێنن بۆ داخڵبون لە سیستمەکە، کە
پێشتر بەسەر قوتابیاندا دابەشکراوە.
دەقی راگەیاندراوەکە:
نمرەی هەموو پۆلە ناکۆتاکان(
قوتابخانە حکومییەکان) ئێستا لە ئەپڵیکەیشنی ( ئی - هەڵسەنگاندن) بەردەستە:
زیاتر لە یەک ملیۆن و سێسەد هەزار (١،٣٠٠،٠٠٠)
قوتابی پۆلە ناکۆتاکان ( پۆلی ٤ ی بنەڕەتی تا ١١ ی ئامادەیی ) دەتوانن ئەنجامی
کۆتایی وەرزی دووەم ( خولی یەکەم) وەربگرنەوە.
بەسوپاسەوە بەووریایی و دڵنیایی
کۆدی بەکارهێنەر و وشەی نهێنی بەکاربهێنە بۆ ئەوەی بتوانی بە دروستی ئەنجامەکانت
وەربگریتەوە.
نوسینی ژمارەکان بەنوسینی ژمارەی
ئینگلیزی دەبێت بێ سپەیس و هیچ ئاماژەیەک ، لە ئەنجامی پۆلی نۆی بنەڕەتی ژمارەیەکی
زۆر لە قوتابیان بە نوسینی ژمارەی کوردی و بەکارهێنانی سپەیس و هەندێک ئاماژە و
ژمارەی هەڵەی وشەی نهێنی هەوڵی داخڵ بوونیان دەدا کە ڕاستەوخۆ سیستم هەژمارەی لۆک
دەکردن. بۆیە پێویستە دڵنیابیت لە بەکارهێنانی دروست.
بەهیوای سەرکەوتنتان.
وەزارەتی پەروەردە- بەڕێوەبەرایەتی
گشتیی تاقیکردنەوەکان.
٣١ ی ٥ ی ٢٠٢٥
