ژیان
9 وانەی ژیان كە تا زوتر بیزانیت درەنگە
2024-09-23
هەمو كاتێك ژیان بەوشێوەیە ناڕوات كە دەتەوێت، هەندێك كات پێچەوانەی ویست و خواستەكانتە، بەرزی و نزمی تێدایە، ئەمەش ئەزمونت پێدەبەخشێت و وانەیەكت فێردەكات، مەرج نییە هەمو كاتێك چاوەڕێی ژیان بكەیت ئەو وانەیەت پێبدات، هەندێك كات دەبێت خۆت لە سەرەتاوە بیزانیت و خۆتی بۆ ئامادە بكەیت.
تا زوتر ئەم چەند وانەیەی ژیان بزانیت، درەنگە:
1. هەرگیز مەكەوەرە داوی خۆشەویستییەوە تا ئەوكاتەی كەسەكە بە باشی دەناسیت.
2. ئەو كەسەی یەكجار خیانەتت لێبكات، بە دڵنیایی دوبارەی دەكاتەوە.
3. پارە ئەگەر بتوانێت كێشەی ماددیەكانیشت بۆ چارەسەر بكات، خۆشبەختیت بۆ ناكڕێت.
4. هەرگیز كێشەكانت بە كەسانی دیكە مەڵێ، خۆت هەوڵی چارەسەركردنی بدە.
5. هەمیشە گرنگی بە خێزانەكەت بدە، هیچ كاتێك كەسانی بێگانە پێش خێزانەكەت مەخە.
6. رێزگرتنی كەسانی دیكە لە رێزگرتنی خۆتەوە دەستپێدەكات، تا خۆت رێزی خۆت نەگریت، كەسانی دیكە ئەو رێزەت بۆ دانانێن.
7. ژیری، هێز، زیرەكی و وزە سودی نییە ئەگەر تەندروستییەكی باشی لەگەڵدا نەبێت، هەربۆیە پێش هەر شتێك بایەخ بە تەندروستیت بدە.
8. ترس راستەقینە نییە، بەڵكو هەستێكە كە مێشك دروستی دەكات، هیچ كەسێك بە زانیارییەكی زۆرەوە لەدایك نابێت، بەڵكو تۆ خۆت تاقیدەكەیتەوە و ئەزمون وەردەگریت، رێگە مەدە ترس بەسەرتدا زاڵ بێت و ببێت بە خاڵی لاوازت، بەڵكو روبەڕویان بەرەوە و بەسەر ترسەكەتدا زاڵ بە.
9. بەرامبەر هەڵە و نادادپەروەری بێدەنگ مەبە، چونكە رۆژێك ئەو دۆخە روبەڕوت دەبێتەوە و كەسانی دیكە لە ئاستیدا بێدەنگ دەبن.
More News
 copy.jpg)
Most Popular
-
"یەکەم بارانی ئەمساڵ لە کۆتایی ئەم هەفتەیە دەبارێت"
هەواڵ2025-09-13
1
-
نەخۆشی ناسۆر چییە و نیشانەکانی کامانەن؟
تەندروستی2025-09-13
2
-
بەشە ئاردی 700 هەزار کەس دەبڕدرێت
هەواڵ2025-09-14
3
-
ئەم هەفتەیە ئەنجوومەنی دەوڵەت چارەنووسی مووچە یەکلایی دەکاتەوە
هەواڵ2025-09-13
4
-
دامەزراوەی ڤیژن و ناوەندی نەهرین یاداشتنامەیەکیان واژۆکرد
هەواڵ2025-09-15
5
-
قەیرانی بێ مووچەیی کاریگەری دەبێت؟ عێراق و هەرێم دەچنە ناو پرۆسەی بانگەشە و هەڵبژاردنەوە
هەواڵ2025-09-13
6
-
دیواری رۆژئاوا، ئەو شوێنەی جولەکەکان لە ئەقسا بە پیرۆزتری دەزانن
هەواڵ2025-09-14
7
-
دوو بازرگانی ماددەی هۆشبەر بەهاوکاریی ئاسایشی سلێمانی لە سعودییە دەستگیرکران
هەواڵ2025-09-15
8
هەواڵ
مووچە زامنکرا.. بەستەڵەکی نێوان هەرێم و بەغدا توایەوە
2025-09-16
دوای چەندین کۆبونەوە، لە کۆتایی کۆبونەوەی ئەمڕۆی
ئەنجومەنی وەزیرانی عێراقدا، رێککەوتنی هەرێم و بەغدا لەسەر هەناردەکردنەوەی نەوتی
هەرێم پەسەندکرا، بەمەش بەستەڵەکی کێشەکانی نێوان هەرێم و بەغدا توایەوە و هیچ
بیانویەک بەدەست عێراقەوە نەما بۆ ناردنی مووچە.
لە کۆتایی کۆبوونەوەی ئەمڕۆیدا، ئەنجومەنی وەزیرانی عێراق
دەنگی لەسەر دوو بڕیاردا سەبارەت بە میکانیزمی مامەڵەکردن لەگەڵ کۆمپانیا نەوتییە
بیانییەکان و پرسی نەوتی هەرێمی کوردستان.
یەکەم: ئەنجومەنی وەزیران بڕیاریدا کە کرێی دەرهێنانی نەوت
بۆ کۆمپانیا بیانییەکان، کە بۆ هەر بەرمیلێک بە 16 دۆلار دیاریکراوە، چیتر بە پارەی
کاش نەدرێت.
بەپێی بڕیارەکە، لە بری پێدانی پارە، بڕی ئەو نەوتەیان پێدەدرێت
کە هاوتای شایستە داراییەکانیانە و کۆمپانیاکان خۆیان بەرپرس دەبن لە فرۆشتنی ئەو
نەوتە لە بازاڕەکاندا.
دووەم: ئەنجومەنی وەزیرانی عێراق رەزامەندیی سەرەتایی نیشاندا
لەسەر ئەنجامدانی گرێبەستێکی سێقۆڵی لەنێوان (حکومەتی هەرێمی کوردستان - حکومەتی فیدراڵی
عێراق - کۆمپانیا نەوتییە بیانییەکان).
مەرجی جێبەجێکردنی ئەم بڕیارە ئەوەیە کە حکومەتی عێراق
گرێبەستەکە بەرز بکاتەوە بۆ لیژنەی راوێژکاریی وەزارەتی نەوتی عیراق.
چاوەڕوان دەکرێت لیژنەکە لە ماوەی 48 کاتژمێری داهاتوودا
وەڵامی کۆتایی خۆی بداتەوە، تاوەکو گرێبەستە سێ لایەنییەکە بە فەرمی ئەنجام بدرێت
و بچێتە بواری جێبەجێکردنەوە.
ئەم دوو بڕیارە بە هەنگاوی گرنگ دادەنرێن بۆ کردنەوەی گرێکوێرەی
هەناردەکردنەوەی نەوتی هەرێمی کوردستان و چارەسەرکردنی کێشە هەڵپەسێردراوەکانی نێوان
هەولێر و بەغدا.
بە جێبەجێکردنی
بڕیارەکان، حکومەتی عێراق هیچ بیانویەکی بەدەستەوە نامێنێت بۆ نەناردنی مووچەی
هەرێم و دەبێت قۆناغ بەقۆناغ موچەی مانگەکانی مووچە خۆرانی هەرێم بنێرێت، کە تا
کۆتایی ئەمساڵ دەکاتە شەش مووچە.
