هەواڵ

به‌غدا پاره‌ى ته‌واوكار بۆ مووچه‌ ده‌نێرێت و كاتى دابه‌شكردنى مووچه‌ ئاشكرا كرا

وەزارەتی دارایی عێڕاق بڕیاریدا کە سبەی یەکشەممە پارەی تەواوکاری مووچەی مانگی هەشت بۆ مووچەخۆرانی هەرێم بنێرێت.
ماڵپەڕی (بغداد الیوم) لە زاری سەرچاوەیەکەوە بڵاویکردووەتەوە، بەغدا بەڵێنی داوە رۆژی یەکشەممە 29ی ئەیلول پارەی تەواوکاری بۆ مووچەی مانگی هەشتی مووچەخۆرانی هەرێم رەوانە بکات، لەگەڵ گەیشتنی پارەکە بۆ هەرێم.
ئەوەشی خستۆتە ڕووکە، لە هەمان رۆژدا لیستی مووچەی مانگی هەشتی مووچەخۆرانی هەرێم بڵاو دەکرێتەوە و دەست بە دابەشکردنی مووچە دەکرێت و چەند رۆژێک دواتر مووچەی مانگی ئەیلول دەنێرێت.
هەتیەیەکە بەغدا نزیکەی ٨٠٠ ملیار دیناری بۆ هەرێم ناردووە بەڵام بەرپرسانی هەرێم بە بیانووی کورتهێنان تائێستا مووچەی مانگی هەشتیان دابەش نەکردووە.

هەواڵ

دامەزراوەی ڤیژن و ناوەندی نەهرین یاداشتنامەیەکیان واژۆکرد

دامەزراوەی ڤیژن لە بڵاوکراوەیەکدا رایگەیاندووە، دامەزراوەی ڤیژن و ناوەندی نەهرین یاداشتنامەیەکیان بۆ کاریی هاوبەش و پێکەوەیی واژۆکرد.

لە بڵاوکراوەکەدا ئەوەش هاتووە، رۆژی دووشەممە 15ـی ئەیلوولی 2025 یاداشتنامەیەکی لێکتێگەشتن لە نێوان دامەزراوەی ڤیژن بۆ لێکۆڵینەوەی ستراتیجی و ناوەندی نەهرەین بۆ لێکۆڵینەوەی ستراتیجی لە شاری بەغدا واژۆکرا.

ئەوەشی خستووەتەڕوو، بە گوێرەی یاداشتنامەکە، هەردوو دامەزراوەکە وەک دوو خانەی بیری گرنگ و کاریگەر، هەماهەنگی و هاوبەشی دەکەن دەربارەی ئەنجامدانی توێژینەوە و پڕۆژە و چالاکی هاوبەش لە سەرتاسەری عێراقدا.

باسی لەوەشکردووە، ئامانجی یاداشتنامەکە دەستنیشانکردنی کێشە و گرفتەکان لە هەرێمی کوردستان و عێراق و خستنەڕووی چارەسەرەکان.