ژیان

دەزانیت چ پەیوەندییەک لە نێوان دڵخۆشی و تیشکی خۆر هەیە؟

ئایا تا ئێستا سەرنجت داوە کەشوهەوای دەرەوە دەتوانێت کاریگەری قوڵی لەسەر ژیانی رۆژانەمان و تێپەڕاندنی رۆژەکەمان هەبێت، بۆ نمونە هەندێک کەس هەن بە بینی تیشکی خۆر دڵخۆش دەبن و تەواوی رۆژەکە دەتوانن هەست بە مەزاجێکی باشتر بکەن و کاریگەری تەواوی لەسەر باری دەرونییان دەبێت، لێرە باسی ئەو پەیوەندییە بەهێزە دەکەین کە لە نێوان تیشکی خۆر و هەستی دڵخۆشی هەیە.


بەپێی هەواڵیک کە لە ماڵپەڕی (HEALTH SHOTS) بڵاوکراوەتەوە، راستییەکی ئاشکرا هەیە کە تیشکی خۆر کاریگەرییەکی زۆری لەسەر بەرزکردنەوەی باری دەرونی هەیە، دەبێتە هۆی دەردانی هۆڕمۆنی (سیرۆتۆنین) کە پەیام لە نێوان خانە دەمارییەکانی مێشک و هەمو جەستەدا دەگوازێتەوە و پەیوەندی قوڵی بە زیادکردنی هەستەکانی دڵخۆشییەوە هەیە.

ئەوەش هاتوە، دەتوانین تێبینی گۆڕانکاری لە باری دەرونییمان بکەین لەو رۆژانەی کەمتر تیشکی خۆر دەردەکەوێت، ئەو جۆرە لە گۆڕانکاریە لە باری دەرونی بە شێوەیەکی باو بە تێکچونی سۆزداری وەرزی (SAD) ناسراوە، کە جۆرێکە لە خەمۆکی و لە هەندێک کاتی دیاریکراوی ساڵدا رودەدات، بەتایبەت لە مانگەکانی پایز و زستان کە رۆژەکان کورتترن، کەم دەرکەوتنی تیشکی خۆر لەو کاتانەدا لە هەندێک کەسدا، دەبێت هۆی تێکچونی سروشتی رۆژەکە و دابەزینی ئاستی (سیرۆتۆنین)، ئەوەش وادەکات کەسە زیاتر هەست بە بێهێزی و دڵتەنگی بکات.

بەرکەوتنی زیاتر بە تیشکی خۆر، بە تایبەتی لە کاتژمێرەکانی سەرەتای بەیانیدا، پەیوەندی بە بەرهەمهێنانی بەرزی ئاستی میلاتۆنین و سیرۆتۆنین-ەوە هەیە.

کاتێک تیشکی سروشتی خۆر زۆرە، هەستی دڵخۆشیمان زیاد دەکات، زیاتر هاندەرە بۆئەوەی زیاتر خۆمان بە چالاکییە جەستەییەکانەوە سەرقاڵ بکەین و چێژی زیاتر وەربگرین و فشاری دەرونی کەم دەکاتەوە.

هەواڵ

ئەنجومەنی وەزیرانی عێراق بۆ بڕیاردان لەسەر مووچەی هەرێم کۆدەبێتەوە

بڕیارە ئەمڕۆ ئەنجومەنی وەزیرانی عێراق، بۆ تاوتوێکردنی پرسی نەوت و پارەدارکردنی مووچەی هەرێمی کوردستان؛ کۆببێتەوە.

کۆبونەوەکەی ئەنجومەنی وەزیرانی عێراق، کۆبونەوەیەکی نائاساییە و تایبەتە پرسی هەناردەی نەوت و مووچەی فەرمانبەرانی هەرێمی کوردستان و تێیدا بڕیار لەسەر خەرجکردنی مووچەی هەرێم دەدرێت.

ڕۆژی چوارشەممە ئەنجومەنی وەزیرانی هەرێمی کوردستان ڕەزامەندی لەسەر جێبەجێکردنی ئەو لێکتێگەیشتەدا کە لەبارەی چارەسەری مووچە لە نێوان هەردو حکومەت هاتوەتە ئاراوە.

پێشەوا هەورامانی، وتەبێژی حکومەتی هەرێمی کوردستان لەبارەی ڕێککەوتنەکەوە بە دیجیتاڵ میدیای Micـی راگەیاند، بەپێی ئەو لێکتێگەیشتنە سەرەتاییە، حکومەتی عێراق مووچەی ئەم چەند مانگە دەنێرێت و هیچ موچەیەکیش نا فەوتێت.

هەورامانی وتیشی: لێکتێگەیشتنەکە سەرەتاییە دوای تێپەڕاندنی ئەم قۆناغە ڕێیکەوتنی فراوانتر لەنێوان هەردوو حکومەتی فیدراڵ و هەرێمی کوردتان دەکرێت..

بەپێی زانیارییەکانی MIC لێکتێگەیشتنەکە بەم شێوەیەیە، هەولێر پابەند دەبێت بە ڕادەستکردنی 230 هەزار بەرمیل نەوتی ڕۆژانە و 120 ملیار دینار داهاتی ناوخۆ بۆ هەموو مانگێک، حکومەتی عێراق-یش مووچەی فەرمانبەرانی هەرێمی کوردستان دەنێرێت.

چاوەکان لەسەر کۆبوونەوەکەی ئەمڕۆی ئەنجومەنی وەزیرانی عێراق-ن، بۆ خەرجکردنی مووچەی مانگەکانی ئاب، حوزەیران و تەمموزی فەرمانبەرانی هەرێمی کوردستان.