هەواڵ

"وەڵامى ئیسرائیل بۆسەر ئێران نزیکە و ئەمەریکاش پشتیوانى تەواوى ئیسرائیل دەکات"

رۆژنامەى یەدیعۆت ئەحرنوت،ى ئیسرائیلى لە زارى بەرپرسێکى ئەمەریکییەوە بڵاویکردوەتەوە کە وەڵامدانەوەى ئیسرائیل بۆ ئێران زۆر نزیکە و ئاشکرایشیکردوە کە فڕۆکەکانى ئەمەریکا بە ئەگەرێکى زۆرەوە بەشدارى لە وەڵامدانەوەکەدا ناکەن، بەڵام هەماهەنگى لەنێوان ئیسرائیل و ئەمەریکادا دەبێت.

هەروەک ئاماژە بۆ ئەوەشکراوە کە هەمو هەوڵێک دەدەن گرژییەکان سەر بۆ جەنگى هەرێمى نەکێشێت، بەڵام بە ئەگەرێکى زۆرەوە ئەمەریکا لەم ئاڵۆزییەدا تێوەدەگلێت.

ئەوەش باسکراوە کە وەڵامى ئیسرائیل بۆ ئێران هێندە ئاسان نییە و ناتوانن ژێرخانى ئەتۆمیی ئێران بە یەک هێرش لەناو ببەن و کارەکە زۆر ئاڵۆزە و جەختیشیکردوەتەوە کە ئیسرائیل پشتیوانى تەواوى ئەمەریکاى هەیە.

هەر لەبارەى وەڵامى ئیسرائیل بۆ ئێران، بەرپرسێکى باڵاى ئەمەریکا بە تۆڕى هەواڵى سی ئێن ئێن،ى وتوە، نازانرێت ئیسرائیل لە 7ـى ئەیلول و لە هەمان رۆژى هێرشى حەمماس بۆسەر ئیسرائیل وەڵامى بۆ ئێران دەبێت، دەکرێت پێش یان پاش ئەو وادەیە هێرشەکان دەستپێبکات.

هەواڵ

درۆنەکانی ئیسرائیل ئەحمەد حاجی رەشید راپێچی بەردەم دادگای هەولێر دەکەن

دادگای لێکۆڵینەوەی هەولێر بە تۆمەتی هەڵبەستن و مامەڵەکردن دژی ئاسایشی نیشتمانی فەرمانی دەستگیرکردنی بۆ ئەحمەدی حاجی ڕەشید، ئەندامی پێشووی فراکسیۆنی کۆمەڵی دادگەریی کوردستان لە پەرمانی عێراق دەرکرد.

 دادگای لێكۆڵینه‌وه‌ی هه‌ولێر لە نوسراوێکدا سه‌رجه‌م هێزه‌ ئه‌منییه‌كان و لایه‌نی په‌یوه‌ندیدار ئاگادار کردوەتەوە، "له‌هه‌ر شوێنێك ئه‌حمه‌د حاجی ڕه‌شید، ئه‌ندامی مه‌كته‌بی سیاسی كۆمه‌ڵی دادگه‌ریتان بینی ده‌ستگیری بكه‌ن، چونكه‌ له‌ دادگا سكاڵای له‌سه‌ر تۆمار كراوه‌ و فه‌رمانی ده‌ستگیركردنی بۆ ده‌رچووه‌".

فەرمانگەی لێکۆڵەرەوەی دادوەری لە دادگای لێکۆڵینەوەی هەولێر، بە نووسراوی 1980، داوای لە دادگای لێکۆڵینەوەی سلێمانی کردووە تۆمەتبارەکەیان بە دەستگیرکراوی ڕادەست بکات.

فەرمانی دەستگیرکردنەکە بە پێی ماددەی 226ـی یاسای سزادانی عێراقی دەرچووە، ئەوەیش دوای ئەوەی کەناڵی "عەهد " لە زاری ئەحمەد حاجی رەشیدەوە بڵایکردەوە،" هەندێک لایەنی کوردی خزمەتێکی گەورەیان پێشکەشی ئیسرایل کردووە و ئاسانکارییان بۆ ناردنی 10 هەزار درۆن بۆ خاکی ئێران کردووە". 

لە ماددەی 226 لەیاسای سزادانی عێراقیدا هاتوە"هەر كەسێك بەشێوەیەكی ئاشكرا سوكایەتی بە ئەنجومەنی گەل، حكومەت، دادگاكان، هێزە چەكدارەكان یان هەر دەستەیەكی نیزامی‌و دەسەڵاتێكی گشتی، بەرژەوەندی یان فەرمانگەیەكی فەرمی‌ و نیمچە فەرمی بكات، سزا دەدرێت بە زیندانیكردن بۆ ماوەیەك كە لە حەوت ساڵ زیاتر نەبێت یان حەبسكردنی یاخود غەرامەكردنی". 

دوای ده‌رچوونی فەرمانی دەستگیرکردنەکە، ئه‌حمه‌دی حاجی ره‌شید لە رونکردنەوەیەکدا بڵاویکردەوە"کەناڵی عەهد لێدوانیکی منیان بەشێواوی بڵاوکردووەتەوە، دوای قسەکردن لەگەڵ کەناڵی ناوبراو و ئاگادارکردنەوەیان، سکاڵای یاساییان لەسەر تۆمار دەکەم"، هەر بۆیە داوای لێبووردنیان کردووه‌، دوو سەرنووسەری کەناڵەکەیان لەکار دورخستووەتەوە و سەرجەم هەواڵەکەشیان لەته‌واوی گرووپی تیلیگرام و سۆشیال میدیاكانیان سڕییەوە.