-18

نوێترین توێژینەوە: زۆینەى منداڵانى ئەم سەردەمە 100 ساڵ ناژین

رۆژنامەى گاردیانى بەریتانى بڵاویکردوەتەوە؛ توێژینەوەکە تێکڕاى تەمەنى لە ئەمەریکا شیکار کردوە، ئەو وڵاتانەش کە زۆرترین تێکڕاى تەمەنیان هەبوە ئوسترالیا و فەرەنسا و هۆنگ کۆنگ و ئیتاڵیا و ژاپۆن و کۆریاى باشور و سوید و سویسرا بون لەنێوان ساڵانى 1990 بۆ 2019.

بەپێى توێژینەوەکە؛ ئەو منداڵانەى لەو ناوچانە لەدایک دەبن کە تەمەنی بەساڵاچوانیان گەیشتوەتە 100 ساڵى، زۆر دورن لەوەى هەمان تەمەن بژین و هێندە تەمەن بکەن.

ئەوەش خراوەتەڕو کە کچانى ئەو ناوچانە چانسى تەنها 5.3%یان هەیە 100 ساڵ بژین و کوڕەکانیشیان 1.8%.

لەوبارەیەوە جاى ئۆلشانسکى، نوسەرى سەرەکى توێژینەوەکە دەڵێت: 30 ساڵ چاوەڕێی ئەم توێژینەوەیە بوین، بەرزبونەوەى تێکڕاى تەمەن بەهیچ شێوەیەک لەئاست چاوەڕوانییەکانمان نەبوە و لە ئێستادا هەوڵدەدەین بگەینە هۆکارى ئەم دابەزینە.

ئەوەشى ئاشکرا کردوە کە تێکڕاى تەمەنى کرۆڤ لە نزیک 85 ساڵیدا وەستاوە.

هەواڵ

راپرسییەک بۆ پێوانەکردنی ئاستی دابڕانی کلتوریی لە هەرێمی کوردستان

دامەزراوەی ڤیژن فاوندەیشن، بۆ لێکۆڵینەوەی ستراتیژی، کار لەسەر پرۆژەیەک دەکات بۆ پێوانەکردنی ئاستی دابڕانی کلتوریی لە ناوچە جیاجیاکانی لە هەرێمی کوردستان، بۆ ئەومەبەستە فۆرمێکی ئەلیکترۆنی بڵاودەکاتەوە.

لە پێناسەی پرۆژەکەدا دامەزراوەی ڤیژن ئاماژە بەوەدەکەن، "کۆمەڵگای کوردستانی لە هەرێمی کوردستان سەرەڕای بوونی ژێرخانێکی دەوڵەمەندی کلتووری و تۆڕێک پەیوەندی هەمەجۆر لەناو کۆمەڵگاکەماندا، بەڵام هێشتا بەربەست و گرفتی گەورەی ناوخۆیی و بگرە جۆرێک لەدابڕانی کلتوریش هەیە، کە دەکرێ وەکو مەترسی سەیر بکرێ، بۆ هاوبەشی و یەکگرتویی کۆمەڵگا".

ئاماژە بەوەکراوە کە ئەو ناوچانەی هەرێمی کوردستان کە بە "شێوەزاری بادینی" دەدوێن و دەنوسن و دەخوێننەوە، لەگەڵ ئەو ناوچانەی کە بە "سۆرانی" دەدوێن و دەنوسن و دەخوێننەوە دابڕانە کلتورییەکە زیاتر بەدیدەکرێت.

ئامانجی پرۆژەکە دەرخستنی راستی و روونی و قەبارەی ئەو دابڕانە کلتووریەی لە نێوان ناوچە جیاوازەکانی هەرێمی کوردستاندا هەن، بۆ دەستنیشانکردنی بەربەست و رێگرییەکانی بەردەم ئاڵوگۆڕی کلتوورییە.

بەپێی پرۆژەکەی دامەزراوەی ڤیژن، لەکۆتاییدا پەڕاوێکی پێشنیاز بۆ حکومەتی هەرێمی کوردستان و پەرلەمان ئامادەدەکرێت و لەپێناوی "گەشەپێدانی کلتووری و چارەسەرکردنی گرفت و لابردنی بەربەستەکان". 

لێرە دەتوانیت فۆرمەکە پڕبکەیتەوە:

https://docs.google.com/forms/d/e/1FAIpQLSdJmmTCgpRhFI-5XhJlNMNmci6tLRQdgDAm7DtiRf_pbr5sHw/viewform?pli=1