ژیان
72 كەسی بەكرێگرتوە بۆئەوەی دەستدرێژی بكەنە سەر ژنەكەی
2024-10-13
پۆلیسی فڕەنسا ئاشكرایانكرد، پیاوێكی خانەنشینكراو بەناوی دۆمەنیك پی، لە باشوری شاری ئەڤه‌نیۆن، دادگایی دەكرێت و تۆمەتبارە بەوەی دەیان پیاوی بێگانەی بەشێوەی ئونلاین بەكرێگرتوە، بۆئەوەی دەستدرێژی بكەنە سەر ژنەكەی، لەگەڵیدا ماددەی هۆشبەری داوە بە ژنەكەی و بێهۆشبوە.
دۆمەنیك تەمەنی 71 ساڵە، 50 پیاوی دیكە لە شاری ئەڤەنیۆن لەگەڵ تۆمەتباری سەرەكی دادگایی دەكرێن.
پارێزەرێكی خانمەكە ئاشكرایكردوە، ئەو ماددە هۆشبەرەی بە خانمەكە دراوە، هێندە بەهێزبوە، ئاگاداری ئەو دەستدرێژییانە نەبوە كە كراوەتەسەری.
ئەنتۆنی كامۆ، یەكێكی دیكەیە لە پارێزەرانی خانمەكە دەڵێت، ئەم دادگاییە ترسناك دەبێت بۆ ئەو خانمە، كە ئێستا لە تەمەنی 70 ساڵیدایە و نایەوێت ناسنامەی ئاشكرابێت، ئەو هیچ بیرەوەرییەكی لەگەڵ ئەو دەستدرێژیانە نییە، تەنها لە ساڵی 2020 بۆی ئاشكرابوە.
هەروەها ئاماژەی بەوەشكرد، خانمەكە نەیویست دادگاییەكە بەشێوەیەكی نهێنی و لە پشتی دەرگا داخراوەكان بەڕێوەبچێت، چونكە "دەستدرێژیكارەكان دەیانویست ئاشكرا نەبن"، بڕیاریداوە روبەڕوی دەستدرێژیكارەكان و هاوسەرەكەشی بێتەوە كە 50 ساڵ لەگەڵی ژیاوە.
بە پێی لێكۆڵینەوەكانی پۆلیس، 92 جار دەستدرێژی سێكسی كراوەتە سەر ئەو خانمە لەلایەن 72 پیاوەوە، تەنها ناسنامەی 51 كەسیان بە فەرمی ئاشكراكراوە.
دۆمەنیك پی دانی بەوەداناوە كە لە ساڵی 2011ـەوە ئەو روداوی دەستدرێژی سێكسییە دەستی پێكرد، دەرمانی هێوركەرەوەی بەهێزی بە هاوسەرەكەیداوە.
تۆمەتبارەكە باسیلەوەشكردوە، بۆئەوەی تاوانەكەی ئاشكرانەبێت، داوای لە پیاوەكان كردوە ریشیان نەتاشن و جگەرە نەكێشن، دەبو دەستەكانیان گەرم بكەنەوە پێش ئەوەی دەست لە هاوسەرەكەی بكەن، هەروەها دەبو لە چێشتخانەكە جلەكانیان لەبەربكەنەوە بۆ ئەوەی بە هەڵە جلەكانیان لە ژوری نوستن جێنەهێڵن.
هەندێك لەو پیاوە دەستدرێژیكارانە سینگڵ بون، هەندێكی دیكەیان هاوسەرداربون، زۆربەیان تەنها یەكجار بەشداریان لەو تاوانە قێزەونە كردوە، هەندێكی دیكەیان تا شەش جار بەشدارییان كردوە.
ڕەنگە ئەم دادگاییە دوا دادگاییکردنی نەبێت، چونكە دۆمەنیك بە تۆمەتی کوشتن و دەستدرێژی سێکسی لە ساڵی 1991 تۆمەتبار کراوە، "کە ڕەتیدەکاتەوە"، هەروەها تۆمەتبارە بە هەوڵی دەستدرێژی سێکسی لە ساڵی 1999، دوای پشکنینی یەکلاکەرەوەی DNA دانی بەوەدا ناوە.
بڕیارە دادگاییکردنەکە بەردەوام بێت
More News
 copy.jpg)
Most Popular
-
نەخۆشی ناسۆر چییە و نیشانەکانی کامانەن؟
تەندروستی2025-09-13
1
-
بەشە ئاردی 700 هەزار کەس دەبڕدرێت
هەواڵ2025-09-14
2
-
دامەزراوەی ڤیژن و ناوەندی نەهرین یاداشتنامەیەکیان واژۆکرد
هەواڵ2025-09-15
3
-
قەیرانی بێ مووچەیی کاریگەری دەبێت؟ عێراق و هەرێم دەچنە ناو پرۆسەی بانگەشە و هەڵبژاردنەوە
هەواڵ2025-09-13
4
-
دوو بازرگانی ماددەی هۆشبەر بەهاوکاریی ئاسایشی سلێمانی لە سعودییە دەستگیرکران
هەواڵ2025-09-15
5
-
مووچە زامنکرا.. بەستەڵەکی نێوان هەرێم و بەغدا توایەوە
هەواڵ2025-09-16
6
-
دیواری رۆژئاوا، ئەو شوێنەی جولەکەکان لە ئەقسا بە پیرۆزتری دەزانن
هەواڵ2025-09-14
7
-
موقتەدا سەدر هەڵبژاردن رەتدەکاتەوە و چاوەڕێی دوو ئەگەرە
هەواڵ2025-09-17
8
هەواڵ
موقتەدا سەدر هەڵبژاردن رەتدەکاتەوە و چاوەڕێی دوو ئەگەرە
2025-09-17
سەرەڕای کشانەوەی لە پرۆسەی سیاسی و بەشدارینەکردنی لە هەڵبژاردنی
داهاتووی پەرلەمانی عێراق، بەڵام موقتەدا سەدر هێشتا مۆتەکەی دەسەڵاتدارانی
عێراقە، ئەمەش وایکردووە لەلایەک چاویان لەسەر هەڵبژاردن بێت و لەلایەکیش چاویان
لەسەر سەدر بێت، خودی موقتەدا سەدریش چاوەڕێی روودانی دوو ئەگەرە لە عێراق.
موقتەدا سەدر سەرکردەی ڕەوتی سەدر، هێشتا یەکێکە لە گەورەترین مەتەڵە
سیاسییەکان، کە ڕووبەڕووی نەیارەکانی دەبێتەوە لە چوارچێوەی هەماهەنگیدا، یان تەنانەت
لایەنگران و هاوپەیمانە نزیکەکانی.
لەدوای بڕیارە بەناوبانگەکەی سەدر بۆ کشانەوەی کوتلە پەرلەمانییەکەی
کە خاوەنی 72 کورسی پەرلەمانی بوو، لە هاوینی 2022 و راگەیاندنی ڕەتکردنەوەی
کارکردن لەگەڵ "گەندەڵکاران" کە مەبەستی چوارچێوەی هەماهەنگی بوو، پێشبینیەکان
سەبارەت بە هەنگاوی داهاتووی سەدر بەردەوام مشتومڕی لە نێوان سیاسەتمەداران و شیکەرەوەکان
و تەنانەت هاوڵاتیانی ئاسایی دروستکردووە.
موقتەدا سەدر لە هەموو پەیامەکانیدا سەبارەت بە کشانەوەی لە پرۆسەی
سیاسی و هەڵبژارد، تەنها ئاماژەی بە چینێکی گەندەڵی دەسەڵاتدار کردووە، بەبێ ئەوەی
هیچ نیازێکی تری خۆی بخاتەڕوو، بەڵام سەرکردەویەکەی چوارچێوەی هەماهەنگی خواستی
سەدر ئاشکرا دەکات.
سەرکردەیەک لە چوارچێوەی هەماهەنگی کە نەیویست ناوی ئاشکرا بکرێت، بە ڕۆژنامەی
«الشرق الأوسط»ـى راگەیاندووە، سەدر سیستەمێکی دەوێت کە لەگەڵ تێڕوانینی خۆیدا
بگونجێت، کە لەوانەیە لەگەڵ تێڕوانینی ئەوانی تردا نەگونجێت.
ئەو سەرکردەیەی چوارچێوەی هەماهەنگی پێیوایە، کشانەوەی ئێستای موقتەدا
سەدر لە پرۆسەی سیاسی و بایکۆتی هەڵبژاردن، لەم دیدگایەوە سەرچاوە دەگرێت نەک ڕق لە
کاری سیاسی.
ئاماژە بە پێگە و بەهێزی سەدر دەکات لە دەرەوەی پرۆسەی سیاسی و دەڵێت:
لەوانەیە یارییەکە بە تەواوی بگۆڕێت تەنانەت ئەگەر لە پێشبڕکێی هەڵبژاردنیش دوور بێت،
هەر بۆیە، چوارچێوەی هەماهەنگی چاوێکیان لەسەر هەڵبژاردنەکان و چاوەکەی دیکەش لەسەر
سەدرە.
لەگەڵ ئەوەی لایەنەسیاسییەکان و چاودێرانی سیاسی پێیانوابوو، سەدر لە
چوار ساڵی رابروودا، شەقامی لە بەرژەوەندی خۆی ساز و ئامادەکردووە بۆ چوونە سەر
سندوقەکانی دەنگدان، بەڵام لە بڕیارێکی چاوەڕواننەکراودا، سەدر بایکۆتکردنی
هەڵبژاردنی راگەیاند، هەرچەندە سەرۆک کۆماری عێراق بە فەرمی داوای لێکرد بە
بڕیارەکەیدا بچێتەوە، بەڵام ئەو سوربوو لەسەر بڕیارەکەی.
لە ناوەڕاستی مانگی تەمووزی ساڵی ڕابردوودا، موقتەدا سەدر بڕیارێکی دەرکرد
بۆ دوورخستنەوەی 31 کەس لە بزووتنەوەکە و باڵی سەربازی سەرایا سەلام، بەهۆی ئاماەکارییان
بۆ بەشداریکردنیان لە هەڵبژاردنەکانی داهاتوودا.
سەرکردەیەکی رەوتی سەر بە رۆژنامەی «الشرق الأوسط»ـى
وتووە، ڕەوتی سەدر پشتگیری لە هیچ لیست و کاندیدێک ناکات لە هەڵبژاردنەکانی
داهاتوودا، ئەو سەرکردەیە ڕەتی دەکاتەوە پێشبینی هەنگاوەکانی داهاتووی سەدر بکات و
دەڵێت: هەموو شتێک دەگونجێت، بەڵام کەس نازانێت چۆن و کەی ڕوودەدات.
ئەو سەرکردەیە ئاماژەی بەوەکردووە، کە سەدر درکپێدەکات و گرەو لەسەر ئەگەری
داڕمانی چوارچێوەی هەماهەنگی دەکات بە تێپەڕبوونی کات، چونکە بڕوا وایە سیستەمی سیاسی
ئێستا بە ئاسانی چاکسازی ناکرێت.
دەشڵێت: سەدر هەموو جۆرە کارێکی سیاسی تاقیکردۆتەوە. بەشداری کردن لە
پەرلەمان و کشانەوەی لێی و بەشداریکردن لە حکومەت و کشانەوەی لێی و هەروەها دژایەتیکردنی
چالاکی لە شەقامدا و پێدەچێت گەیشتووەتە ئەو ئەنجامەی کە ئەم سیستەمە توانای
چاکسازی نییە.
یەکێکی تر لەو ئەگەرانەی کە سەدر چاوەڕێی دەکات، شوێنگرتنەوەی عەلی
سیستانی مەرجەعی باڵای شیعەکانە لە عێراق، خودی سەدریش خواستی خۆی بۆ جێگرتنەوەی
نەشاردووەتەوە و بەپێی بنەماکانی مەزهەبی شیعە، موقتەدا سەدر هەموو مەرجەکانی
تێدایە.
