-18

ئەگەر منداڵ ددانی کەوت پێویستە چی بکەیت؟

-ئەگەر منداڵەکە خوار تەمەن شەش ساڵ بوو دەست بخە سەرشوێنی ددانە کەوتوەکە و ھەوڵبدە ئازارەکەی کەم بکەیتەوه.

-ئەگەر منداڵەکە سەروو ٦ ساڵ بوو ددانە ھەمیشەیەکانی ھاتبوو و ئەو ددانەی کەوتبوو ھەمشەیی بوو ،ئەوا پێویستە ئەم خاڵانە جێبەجێ بکەی.

١-راستەوخۆ ددانەکە ھەڵبگرەوە و دەست مەدە لە ڕەگی ددانەکە.

٢-پێویستە ددانەکە بیپارێزیت لە وشکبوونەوە بەم رێگایایەنی لای خوارەوە:-

-ددانەکە ھەڵبگرەو لە ناو شیردا (شیرەکە گەرم نەبێ و سروشتی بێ)

-گەر ئەوەت دەست نەکەوت لە ناو normal saline(مغەزی) ھەڵی بگرە.

-ئەگەر ئەوەش نەبوو پەرداخێک بێنەو داوا لە منداڵەکە بکە تف بکاتە ناو پەرداخەکە و پاشان ددانەکەی بخە ناو.

-دەتوانرێ لەناو دەمی منداڵەکەش ھەڵبگیرێ بەڵام ترسی ئەوە ھەیە قوتی بدات.
 
-پاشان بە زووترین کات بیگەیەنە لای پزیشکی ددان لە ماوەی کەمتر لە سەعاتێکدا و لەوێ دەتوانرێ ددانەکەی بۆ دابنرێتەوە.

تێبینی

دەتوانرێ راستەوخۆ دوای کەوتنی ددانەکە ،ددانەکە بخرێتەوە شوێنی خۆی  بەڵام واباشترە بگەیەنرێتە لای پزیشکی ددان ،چونکە ئەگەری ئەوە ھەیە بە خواری بۆی دابنرێتەوە یاخود لە بەرزوو نزمی موشکیلەی ھەبێت و نەچوبێتەوە جێگای خۆی!!
 
بەڵام ئەگەرر لە جێگایەک بویت گەیشتن بە دکتۆر قورس بوو و کاتێکی زۆری ویست ،ھەوڵبدە بەشێوەیەکی رێک ددانەکەی بۆ دابنێیەوە 
بەڵام ددانی شیری پێویست ناکات دابنرێتەوە.

Tech

"homeOS"... ئەپڵ بە ڕۆبۆتێکی ناوازە بازاڕی ئامێرە زیرەکەکانی ماڵەوە دەکاتە ئامانج

بەپێی ڕاپۆرتێکی نوێی بلومبێرگی ئەمریکی، ئەپڵ هەوڵدەدات بوونی خۆی لە بازاڕی ئامێرە زیرەکەکانی ماڵەوە لە ڕێگەی ستراتیژییەکی نوێ و گەورە مەبەستەوە بەهێز بکات.

ئێستا کۆمپانیای ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، لەگەڵ شاشەیەکی زیرەک و ئامێرێکی پێشکەوتووی ڕۆبۆتی سەر مێز.

بلومبێرگ ئاماژەی بەوەدا کە گرنگیدانی ئەپڵ بە بازاڕی ئامێرە زیرەکەکانی ماڵەوە لەسەر بنەمای سێ پێکهاتەی سەرەکییە کە بریتین لە شاشە، زیرەکی دەستکرد و نەرمەکاڵا.

کۆمپانیاکە بەنیازە شاشەی ماڵەوە بە نرخێکی گونجاو بخاتە بازاڕەوە، هاوشێوەی ئایپاد، کە دەتوانرێت لە دەوروبەری ماڵەکەدا دابنرێت، هاوشێوەی بڵندگۆکانی HomePod.

ئەم شاشانە ڕێگە بە بەکارهێنەران دەدەن دەستیان بگات بە چەندین تایبەتمەندی وەک سەیرکردنی ناوەڕۆک و پەیوەندیکردنی FaceTime و گەڕان بە ئینتەرنێتدا.

پێشبینی دەکرێت زیرەکی دەستکرد ڕۆڵێکی گرنگ بگێڕێت لە ستراتیژی ئەپڵ بۆ ئامێرە زیرەکەکانی ماڵەوە، هەروەها سیستەمی زیرەکی ئەپڵ ڕێگە بە بەکارهێنەران دەدات بە وردی کۆنترۆڵی ئامێر و بەرنامەکان بکەن، هەروەها ئۆتۆماتیکی پێشکەوتوو لە ئامێرەکانی ماڵەوە بەدەست بهێنن.

بلومبێرگ ئاماژه ی به وه دا که ئه م ئامێره ڕۆبۆتییه که پێشبینی ده کرێت به نرخی هه زار دۆلار بخرێته بازاڕه وه ، یه که م به ڕهه م ده بێت که به ته واوی له سه ڕ پلاتفۆرمی زیره کی ده ستکردی Apple Intelligence پەرەی پێبدرێت، بەو پێیەی دەتوانێت لە ژینگەی دەوروبەری تێبگات و... بە شێوازی زیرەکتر کارلێک لەگەڵ بەکارهێنەران بکەن.

لە بەرەی نەرمەکاڵا، ئەپڵ خەریکی پەرەپێدانی سیستەمێکی نوێی کارپێکردنە کە بە homeOS ناسراوە، کە لەسەر بنەمای سیستەمی tvOS دەبێت کە لە تەلەفزیۆنە زیرەکەکانی ئەپڵ تیڤیدا بەکاردێت کۆمپانیاکە لەم دواییانەدا دیزاینی بەرنامەی Home ی کردووەتەوە، ئەمەش ڕەنگدانەوەی پابەندبوونیەتی بە باشترکردنی ئەزموونی بەکارهێنەر لەگەڵ ئامێرە زیرەکەکانی ماڵەوە.

شایانی باسە کە هەوڵەکانی پێشووی ئەپڵ لە بازاڕی ئامێرە زیرەکەکانی ماڵەوە تا ئێستا سەرکەوتنی خوازراویان بەدەست نەهێناوە، بەڵام زۆر کاردەکات بۆ پەرەپێدانی پرۆتۆکۆڵی Matter بۆ ئامێرە زیرەکەکان بە مەبەستی پشتگیریکردنی پەیوەندی فراوانتر لەگەڵ ئامێرەکانی کۆمپانیاکانی تر.

پێدەچێت ئەپڵ دەرفەتی ئەوەی هەیە بۆ بەدەستهێنانی سەرکەوتن لەم بازاڕەدا، بە لەبەرچاوگرتنی ئەوەی کە ڕکابەرەکانی وەک ئەمازۆن و گووگڵ هێشتا نەیانتوانیوە زاڵ بن بەسەر ئەم بوارەدا. ڕەنگە ئەپڵ سوود لە ناوبانگە بەهێزەکەی وەربگرێت و سەرنجی لەسەر ئەزموونی بەکارهێنەر بێت بۆ بەدەستهێنانی سوودێکی کێبڕکێ بەسەر کۆمپانیاکانی تردا.