تەندروستی

سێ سود و یەک زیانی زەیتی کونجی

Mic
2024-10-16

ماڵپەڕی (Eating Well) بڵاویکردوەتەوە، زەیتی کونجی کە لە کونجی دەرهێنراوە، و بە شێوەیەکی باو لە خواردنی ئاسیا و ڕۆژهەڵاتی ناوەڕاستدا بەکاردەهێنرێت، چەندین سودی تەندروستی بۆ مرۆڤ هەیە کە دەتوانرێت لە خواردنەکان بەکاربهێنرێت، بەڵام لە هەمان کاتیشدا هۆشداری دەدات بە کەسانێک کە نابێت بەکاریبهێنن.


زەتی کونجی دەوڵەمەندە بە چەوری ناتێر، کە دەتوانێت، یارمەتیدەربێت بۆ باشترکردنی ئاستی کۆلیسترۆڵی باش (HDL )و دابەزاندنی ئاستی کولیسترۆڵی خراپ LD، هەروەها زەیتی کونجی فیتۆستیرۆلی تێدایە کە پێکهاتەی روەکییە و تایبەتمەندێتی دژە ئۆکسان و پاراستنی تەندروستی دڵیان هەیە.

کەمکردنەوەی پەستانی خوێن: کونجی و زەیتی کونجی پێکهاتەی تایبەتمەند بە دژە ئۆکسێنەر و دژە هەوکردنییان هەیە کە خانەکان لە زیان دەپارێزێت و هەوکردن کەم دەکاتەوە، خواردنی کونجی بە بەردەوامی پەیوەندی بە دابەزینی پەستانی خوێنی سیستۆلیک و دیاستۆلیکەوە هەیە، هەروەها کەمبوونەوەی کێشی لەش و کەمبونەوەی چەوری دەوری کەمەر، ئەمەش دەتوانێت یارمەتیدەر بێت بۆ کەمکردنەوەی پەستانی خوێن.

خۆپاراستن لە هەندێک جۆری شێرپەنجە: ئەنجامە سەرەتاییەکانی هەندێک لێکۆڵینەوە پێشنیاری ئەوە دەکەن کە لیگنینەکان لە تۆی کونجیدا ڕەنگە تایبەتمەندی خۆپاراستن لە شێرپەنجە پێشکەش بکەن، هەروەها لیگنینی کونجی دەتوانێت یارمەتی هێورکردنەوەی هەوکردن و فشاری ئۆکسجینی بدات، هەروەها لە تێکچونی خانەکان بپارێزێت کە ڕەنگە ببنە هۆی شێرپەنجە.

لەگەڵ ئەم سودانەشدا زەیتی کونجی مەترسییەکی هەیە..
 
کونجی و بەرهەمەکانی دەبنە هۆی هەستیاری، ئەو کەسانەی هەستیاری کونجییان هەیە پێویستە خۆیان بەدور بگرن لەبەکارهێنانی زەیتی کونجی و هەر بەرهەمێک کە کونجی تێدابێت، ئیدارەی خۆراک و دەرمانی ئەمریکا (FDA) داوا دەکات کە لیبێڵەکانی سەر پاکەتەکانی بەرهەمە خۆراکیەکان و تەواوکەرە خۆراکیەکان بریتی بن لەوەی کە ئایا بەرهەمەکە کونجی تێدایە یان نا، ئەمەش بە مەبەستی پاراستنی تەندروستی و ژیانی کەسەکان.









بابەتی لێکچو

More News

Most Popular

هەواڵ

دوو کۆبونەوەی باڵا نەیتوانی مووچە دابەشبکات و ئەنجامی دوو کۆبونەوەی دیکە ماوە

Mic
2025-07-14


کۆبونەوەی دادگای باڵای فیدراڵی و کۆبونەوەی لوتکەی یەکێتی و پارتی هیچ هەواڵێکی خۆشیان بۆ مووچە خۆران پێنەبوو، بڕیارە لە 24 کاتژمێری داهاتوودا دوو کۆبونەوەی باڵا لە بەغدا بەڕێوەبچێت و تێدا پرسی موچەی هەرێم تەوەری سەرەکی دەبێت.

ئەمڕۆ 14ـى تەمموز، دادگای باڵای فیدراڵی عێراق تایبەت بە دوو سکاڵا لەبارەی نەناردنی مووچەی هەرێمی کوردستانەوە کۆبووەوە، هەرچەندە موچە خۆران چاوەڕێبوون دادگا بڕیاری ناردنی مووچە بدات، بەڵام دادگاکە بڕیاردانی لەسەر سکاڵاکان بۆ 28ـی تەمموز دواخست.

پرسی مووچەی مووچە خۆرانی هەرێم، ئەمڕۆ پارتی و یەکێتی لە ئاستی باڵادا کۆکردەوە، شاندی یەکێتی بە سەرۆکایەتی بافڵ تاڵەبانی، سەرۆکی یەکێتی لەگەڵ شاندی پارتی بە سەرۆکایەتی مەسعود بارزانی، سەرۆکی پارتی کۆبونەوە.

دوای کۆتاییهاتنی کۆبونەوەکە، راگەیەندراوێکیان بڵاوکردەوە کە بەشێکی تایبەتبوو بە پرسی مووچە و ئاماژە بەوەکراوە، هەموو هەوڵەکان چڕ بکرێنەوە بۆ چارەسەری کێشە و دابینکردنی مووچە شایستە داراییەکانی هەرێمی کوردستان
وابڕیارە ئەمشەو، کۆبونەوەی چوارچێوەی هەماهەنگیی بەڕێوەدەچێت، کە لە لایەنە سەرەکیە شیعەکانی ناو حکومەت پێکهاتووە، سەرۆک وەزیرانی عێراق ئامادەی کۆبونەوەکە دەبێت و پرسی ناردنی مووچەی هەرێم تەواوەرێکی کۆبونەوەکە دەبێت.

سبەینێ، ئەنجومەنی وەزیرانی عێراق کۆدەبێتەوە و تاوتوێی ئەو راپۆرتە دەکات، کە لیژنە وەزارییەکەی حکومەتی عێراق ئامادەی کردووە لەسەر پرسی مووچەی هەرێم.

شێروان دووبەردانی، پەرلەمانتاری فراکسیۆنی پارتی لە پەرلەمانی عێراق بە میدیای حزبەکەی راگەیاندووە، دواخستنی دانیشتنەکەی ئەمڕۆی دادگای فیدراڵی هیچ یاسایی نەبوو، تەنیا نەیانویست بڵێن لە تواناماندا نییە بڕیار بدەین، دواخستنی دادگای فیدراڵی بۆ 28 مانگ پەیامێکی ناراستەوخۆیە کە ناتوانن مووچە بنێرن.

لەبارەی هەڵوێستی فراکسیۆنی پارتی لە بەرامبەر دواخستنی مووچەی فەرمانبەرانی هەرێمی کوردستان وتی: کۆتا وادەی چاوەڕوانیمان یەک هەفتەی دیکەیە و ئەگەر تا ئەو کاتە پرسی مووچەی فەرمانبەرانی هەرێمی کوردستان چارەسەر نەکرێت، هەڵوێستمان دەبێت.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved