هەواڵ
تۆڕی شەمس: زیاتر لە 120 سکاڵا تۆمارکراوە
2024-10-21
ئەمڕۆ دووشەممە، هۆگر چەتۆ، سەرۆکی ڕێکخراوی تۆڕی شەمس ڕایگەیاند، لە جێبەجێكردنی رێوشوێنەكانی كۆمسیۆندا جیاوازی تۆماركراوە، كە بە پێشیلكاری ئەژمار دەكرێت.
ئاماژەشیدا بەوەی لە هەندێک بنکە و وێستگە دورخستنەوەی بریكاری لایەنی سیاسی و چاودێرانی ڕێکخراوەکەیان تۆمار كراوە و ئەوەشی خستەڕوو کە بە هۆی گرفتی نەخوێندنەوەی پەنجەمۆرەوە خەڵكێك لە دەنگدان بێبەشبوون.
سەبارەت بە ژمارەی سەرپێچییەکانیش هۆگر چەتۆ ڕایگەیاند، 124 سکاڵای لایەنە سیاسییەکانیان تۆمار کردوە کە لە نێویاندا سکاڵا هەبووە لەسەر کۆی پرۆسەی دەنگدانەکە.
بڕیارە ئێوارەی ئەمڕۆ کۆمسیۆنی باڵای سەربەخۆی هەڵبژاردنەکانی عێراق ئەنجامی بەرایی فەرمی هەڵبژاردنی پەرلەمانی کوردستان ڕابگەیەنێت کە ڕێژەی بەشداربوون تێیدا 72٪ بووە.
بابەتی لێکچو
-
بەڕێوەبەرى سۆمۆ: گرێبەستەکانى کڕینى نەوتى هەرێمى کوردستانمان کۆتایی پێهێنا
هەواڵ2025-09-16
-
بۆچی نیپاڵییەکان گەورەترین سووکایەتیان بە وەزیری دارایی وڵاتەکەیان کرد؟
هەواڵ2025-09-16
-
چاوەڕوان دەکرێت ئەمڕۆ ئەنجوومەنی وەزیرانی عێراق بڕیار لە مووچەی هەرێم بدات
هەواڵ2025-09-16
-
دامەزراوەی ڤیژن و ناوەندی نەهرین یاداشتنامەیەکیان واژۆکرد
هەواڵ2025-09-15
More News
 copy.jpg)
Most Popular
-
"یەکەم بارانی ئەمساڵ لە کۆتایی ئەم هەفتەیە دەبارێت"
هەواڵ2025-09-13
1
-
نەخۆشی ناسۆر چییە و نیشانەکانی کامانەن؟
تەندروستی2025-09-13
2
-
بەشە ئاردی 700 هەزار کەس دەبڕدرێت
هەواڵ2025-09-14
3
-
ئەم هەفتەیە ئەنجوومەنی دەوڵەت چارەنووسی مووچە یەکلایی دەکاتەوە
هەواڵ2025-09-13
4
-
دامەزراوەی ڤیژن و ناوەندی نەهرین یاداشتنامەیەکیان واژۆکرد
هەواڵ2025-09-15
5
-
شاسوار عەبدولواحید: لەم هەڵبژاردنەدا تەپڵ بەم دەسەڵاتە لێ دەدەین
هەواڵ2025-09-11
6
-
حکومەتی هەرێم هەڕەشەی کشانەوە لە پرۆسەی سیاسی عێراق دەکات
هەواڵ2025-09-11
7
-
قەیرانی بێ مووچەیی کاریگەری دەبێت؟ عێراق و هەرێم دەچنە ناو پرۆسەی بانگەشە و هەڵبژاردنەوە
هەواڵ2025-09-13
8
هەواڵ
بەڕێوەبەرى سۆمۆ: گرێبەستەکانى کڕینى نەوتى هەرێمى کوردستانمان کۆتایی پێهێنا
2025-09-16
کۆمپانیای
سۆمۆ رایگەیاند، تەواوی گرێبەست و پابەندییەکانی لەگەڵ ئەو کۆمپانیایانەی نەوتی
بەرهەمهێنراوی هەرێمی کوردستانیان دەکڕی، کۆتایی پێهێناوە.
ئەمڕۆ یەکشەممە 16ـی ئەیلولی 2025 کۆمپانیای بەبازاڕکردنی نەوتی
عیراق- سۆمۆ رایگەیاند، هەموو گرێبەست و پابەندییەکانی لەگەڵ ئەو کۆمپانیایانەی
نەوتی بەرهەمهێنراوی هەرێمی کوردستانیان دەکڕی، کۆتاییپێهێناوە.
باسی لەوەشکردووە، دەستپێکردنەوەی
هەناردەی نەوتی هەرێم، شکۆی عێراق وەک سەرچاوەیەکی سەرەکی بۆ "بازاڕی تینووی
ئەوروپا" دەگەڕێنێتەوە.
عەلی نەزار شەتەری، بەڕێوەبەری گشتیی
کۆمپانیاکە، بە ئاژانسی هەواڵی عیراقی- واعی راگەیاندووە، ئەوەی لە هەرێمی
کوردستان روویدا، بابەتی لێکتێگەیشتن و دانانی میکانیزمی کارکردنە،" و
ئاماژەی بەوەشکرد کە "یاسا بەسەر هەموواندا جێبەجێ دەبێت.
روونیکردەوە کە "وەزارەتی نەوتی
فیدراڵی و وەزارەتی سامانە سروشتییەکانی هەرێمی کوردستان لە چوارچێوەی یەک
ستراتیژدا کاردەکەن، بەو پێیەی نەوتی بەرهەمهێنراو نەوتی عیراقییە، و
تایبەتمەندییەکە تەنها لە سروشتی پەیوەندیی نێوان حکومەتی هەرێم و ئەو
کۆمپانیایانەدایە کە لەوێ کاردەکەن.
ئەوەشی خستووەتەڕوو، حکومەتی فیدراڵی
و حکومەتی هەرێم و کۆمپانیا بەرهەمهێنەرەکان پێویستیان بە تەواوکردنی میکانیزمی
جێبەجێکردنی یاسای بودجەیە، و لەم بارەیەوە گەیشتوونەتە لێکتێگەیشتنی
هاوبەش،" و رونیکردەوە کە "هەوڵەکان بەردەوامن بۆ گەیشتن بە رێککەوتنێکی
کۆتایی کە رێگە بدات بە دەستپێکردنەوەی هەناردەکردنی نەوتی خاو بۆ بەندەری جەیهانی
تورکی.
شەتەری راشیگەیاندووە، نەوتی خاوی
بەرهەمهێنراو لە هەرێمی کوردستان لە ئێستادا هەناردە ناکرێت، بەڵکو لەناوخۆی
هەرێمدا بەکاردەهێنرێت، و ئێمە بەپێی یاسای بودجەی ساڵی 2025 کاردەکەین بۆ ئەوەی
بڕە زیادەکان لە دوای بەکاربردنی ناوخۆیی بگۆڕدرێن بۆ هەناردە،" و ئاماژەی
بەوەشکرد کە "کۆمپانیای بەبازاڕکردنی نەوت (سۆمۆ) هەموو گرێبەست و
پابەندییەکانی لەگەڵ کۆمپانیا کڕیارەکاندا کۆتاییپێهێناوە و ئامادەیە بۆ وەرگرتنی
بڕەکان هەر کاتێک لەلایەن کۆمپانیا بەرهەمهێنەرەکان و حکومەتی هەرێمەوە هەناردە
بکرێن
لە کۆتاییشدا ئاماژەی بەوەکردووە، تا
ئێستا (سۆمۆ) هیچ بڕە نەوتێکی لە وەزارەتی سامانە سروشتییەکانی هەرێم وەرنەگرتووە،
و پەیوەندییە گرێبەستییەکە لەنێوان وەزارەت لە کوردستان و کۆمپانیا
بەرهەمهێنەرەکاندا دەمێنێتەوە.
