هەواڵ

ئەنجومەنی وەزیرانی هەرێم ئەمڕۆ كۆدەبێتەوە

ئەنجومەنی وەزیرانی هەرێم ئەمڕۆ چوارشەممە كۆبونەوەی ئاسایی خۆی ئەنجامدەدات و یەكێك لە تەوەرە سەرەكییەكانی كۆبونەوەكەش، گفتوگۆی بابەتی دەستپێکردنەوەی هەناردەی نەوتی هەرێم، هاوكات گفتوگۆی موچەی موچەخۆران و بابەتی ژمارەی وەزیفی فەرمانبەران.
بەگوێرەی ئەو زانیارییەكانەی كە دەست خەندان كەوتوە، ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسرور بارزانی، سەرۆكی ئەنجومەنی وەزیران و ئامادەبونی قوباد تاڵەبانی و تیمی یەكێتی، جێگری سەرۆكی ئەنجومەنی وەزیران، كۆ دەبێتەوە.

بەگوێرەی زانیارییەكان، ئەنجومەنی وەزیرانی هەرێمی کوردستان لەسەر سێ تەوەر کۆدەبێتەوە و گفتوگۆ ده‌كات، كە تەوەری یەكەم گفتوگۆکردنە لەسەر پرۆسەی سەرژمێری گشتی لە عێراق.

ئاماژەی بەوەشكرد، موچەی موچەخۆران و بابەتی ژمارەی وەزیفی فەرمانبەران، یەكێكی دیكە دەبێت لە تەوەرەكانی كۆبونەوەكە و لە تەوەرەی دوەمی كۆبونەوەكەدا باسیان لێوە دەكرێت.

باسی لەوەشكردوە، "لە تەوەرەی سێیەم و كۆتاییدا، بابەتی دەستپێکردنەوەی هەناردەی نەوتی هەرێم گفتوگۆ دەكرێن".
ئەوە لەكاتێكدایە كۆبونەوەكە یەکەم کۆبونەوەیە دوای پرۆسەی هەڵبژاردنی خولی شەشەمی پەرلەمانی کوردستان، كە لە ڕۆژی 20ی مانگی ڕابردو بەڕێوەچو.

تەندروستی

بەکارهێنانی مەیکەپی دژە ئاو مەترسیدارە؟

توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.

ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.