زانست

چەند کۆمپانیایەکی جیهانی هەزاران کارمەند دوردەخەنەوە و بە تەکنەلۆژیا جێگەیان دەگرنەوە

چەند کۆمپانیایەکی جیهانی هەزاران کارمەند دوردەخەنەوە و بە تەکنەلۆژیا جێگەیان دەگرنەوە، کۆمپانیای بی پی بەریتانی یەکێکە لەو کۆمپانیایانەی کە زۆرترین کارمەندی دەردەکات کە دەگاتە نزیکەی 5 هەزار کەس. 
لە چەند مانگی ڕابردوودا ژمارەیەکی بەرچاو لە کۆمپانیا دیارەکان لە سەرانسەری کەرتە جیاوازەکاندا دەرکردنی بەرچاوی کارمەندانیان ڕاگەیاندووە، بەهۆی تێکەڵەیەک لە فشارە ئابوورییەکان و پێشکەوتنی تەکنەلۆژیا و گۆڕانکاری لە ستراتیژییەکان یاندا.
کۆمپانیایەکی نەوت و گازی فرە نەتەوەییەی بەریتانییە، دەیەوێت لە ڕێگەی دەرکردنی 4 هەزار و 700 کارمەند توانای کێبڕکێی کارمەندانی بەرز بکاتەوە و تەکنەلۆژیاش بۆ جێگرتنەوەی کارمەندە دورخراوەکان بخاتەگەڕ. 
کۆمپانیای مێتا کە خاوەنداری بەشێک لە تۆڕە کۆمەڵایەتییەکان دەکات لەناویاندا فەیسبوک، ئینستاگرام و وەتسەپ دەیەوێت نزیکەی 5%ـی کارمەندانی کۆمپانیاکەی لە کارەکانیان دوور بخاتەوە ، وەک هەوڵدان  بۆ بەرزکردنەوەی توانای کارایی و پێشبڕکێیی بەرهەمهێنان لە کارمەدەکانیدا.
کۆمپانیای بۆینگ کە لەبواری دیزاین و بەرهەم هێنانی موشەک و فڕۆکەو مانگی دەستکرد کاردەکات، بەنیازە 400 کارمەند لە پۆستی پەیوەندیدار بە پرۆگرامی ئارتمیسی ناسا دوربخاتەوە. 
تۆڕی میدیای سی ئێن ئێن پلانی هەیە نزیکەی 200 پۆست کەم بکاتەوە کە نزیکەی 6%ـی کارمەندانی پێکدەهێنێت، بە ئامانجی گۆڕانکاری لە ستراتیژی پلاتفۆرمە دیجیتاڵییەکان.
کۆمپانیای ستارباکس بڕیارە لە مانگی ئازاردا کۆمپانیای ستاربەکس دەرکردنی کارمەندان لە کۆمپانیاکەیدا ڕابگەیەنێت، کە ئامانج لێی ڕێکخستنی کارەکانی و باشترکردنی پرۆسەی بڕیاردانە لە کۆمپانیاکەدا.
مایکرۆسۆفت پلانی کەمکردنەوەی هێزی کاری دیارینەکراوی داناوە کە گرنگی بە کارمەندانی ناکرا دەدات و جەخت لەسەر گرنگی پاراستنی کلتوری کارایی بەرزی کارمەندانی  دەکاتەوە. 

هەواڵ

پەرلەمانی کوردستان دەخرێتەوە ژێر رەحمی چەکوشی دادگای فیدراڵی عێراق

دوو سکاڵا بۆ هەڵوەشاندنەوەی ئەم خولەی پەرلەمانی کوردستان لە دادگای فیدراڵی تۆمار دەکرێت، کە ئەنجامدانی هەڵبژاردنەکەی بە بڕیاری هەمان دادگا بووە.  

 هەڵبژاردنی خولی شەشەمی  پەرلەمانی کوردستان دوای دوو ساڵ دواخستن لە وادەی خۆی، دواجار بە بڕیاری دادگای فیدراڵی کۆتایی ساڵی رابردوو ئەنجام درا.

دادگای فیدراڵی بەشێکی چیرۆکی دواخستنی هەڵبژاردنی پەرلەمانی کوردستان بوو، نزیکەی ساڵێک تاتوێی سکاڵایەکی لەبارەی هەڵبژاردنەکەوە کرد، کە دواجار بە هەڵوەشاندنەوە و دواتر کەمکردنەوەی ژمارەی کورسی کۆتایی پێکهاتەکان کۆتاییهات.

ئێستا جارێکی دیکە ئەنجامی ئەو هەڵبژاردنە خراوەتەوە بەر دەستی دادگای فیدراڵی عێراق، کۆمەڵی دادگەری کوردستان و جوڵانەوەی نەوێ نوێ رایگەیاندووە، لە دادگای فیدراڵی سکاڵایان بۆ هەڵوەشاندنەوەی خولی شەشەمی پەرلەمانی کوردستان تۆمارکردووە.
سکاڵاکەی کۆمەڵی دادگەری کە یەکەم سکاڵایە بۆ هەڵوەشاندنەوەی خولی شەشەم لەلایەن عومەر گوڵپی کاندیدی سەرکەتووی حزبەکە دژی پەرلەمانی کوردستان تۆمار کراوە.

عومەر گوڵپى سەبارەت بە تۆمارکردنی ئەو سکاڵایە رایگەیاندووە،"داوامان لە دادگاى فیدراڵی کردووە، خولەکە هەڵوەشێندرێتەوە و هەڵبژاردن دووبارە بکرێتەوە، هەروەها هەموو ئەو ئیمتیازە ماددییانەى لە پێنج مانگى ڕابردوودا پەرلەمانتاران وەریان گرتووە، لێیان وەربگیرێتەوە".

کۆمەڵى دادگەرى کە لە هەڵبژاردنى خولى شەشەمى پەرلەمانى کوردستاندا سێ کورسیى بەدەستهێنا، دواتر هەڵبژاردنەکەی بە" دیزاینکراو" وەسفکرد و بڕیاریدا بایکۆتی خولەکە بکات.

دوای چوار رۆژ لە سکاڵاکەی کۆمەڵی دادگەری، جوڵانەوەی نەوەی نوێش رایگەیاند، سکاڵایان بۆ هەڵوەشاندنەوەی پەرلەمانی کوردستان تۆمار کردووە. 

نەوەی نوێ رایگەیاندووە، سکاڵاکەی ئەوان دژی سەرۆکی هەرێمی کوردستان، ئەوەیش بەهۆی ئەوەی تا ئێستا بڕیاری هەڵوەشاندنەوەی پەرلەمانی کوردستانی دەرنەکردووە.

ڕۆژی 20ـی تشرینی یەکەمی 2024، هەڵبژاردنی خولی شەشەمی پەرلەمانی کوردستان ئەنجام درا، بەپێی ئەنجامی کۆتایی هەڵبژاردن کە لەلایەن کۆمسیۆنەوە بڵاوکراوەتەوە، پارتی 39 کورسی، یەکێتی 23 کورسی، نەوەی نوێ 15 کورسی، یەکگرتوو 7 کورسی، هەڵوێست 4 کورسی، کۆمەڵ 3 کورسی، بەرەی گەل 2 کورسی و هەریەک لە گۆڕان و هاوپەیمانی کوردستانیش یەکی کورسییەکیان بەدەستهێناوە.

دوای نزیکەی حەوت مانگ لە ئەنجامدانی هەڵبژاردن، تا ئێستا پەرلەمانی کوردستان کارا نەبووە و تەنها پەرلەمانتاران سوێندی یاسایان خواردووە، بەڵام هەموو مانگێک مووچە وەردەرگن.