ژیان
بەفر و باران دەست پێدەکاتەوە
2025-03-17
سەبارەت بە کەشی سبەینێ سێشەممە کەشناسی هەرێم دەڵێت: ئاسمان نیمچە هەور بۆ هەوری تەواو دەبێت، لەکاتەکانی ئێوارە دابارین بەشێوەی نمەباران لە ناوچەکانی رۆژئاوای هەرێم دەستپێدەکات پاشان کاریگەرییەکەی درێژدەبێتەوە بۆ ناوچە سونرییەکانی باکورلەگەڵ کەمێک بەفربارین وە لەکاتەکانی درەنگانی شەوی نمەباران زۆربەی ناوچەکانی هەرێم دەگرێتەوە، هەندێک جار هەورەبروسکە و تاوە بارانی لەگەڵ دەبێت.
ئاماژەی بەوەشکردوە، پلەکانی گەرما بەنزیکەی دوو تـــا چوار پلە بەراورد بە ئەمڕۆ نزم دەبێتەوە بەتایبەت لە ناوچە شاخاوییەکان.
بەرزترین پلەکانی گەرمای پێشبینیکراو بە پلەی سیلیزی:
هەولێر : 27 پلەی سیلیزی
سلێمانی : 22 پلەی سیلیزی
دهۆک : 22 پلەی سیلیزی
کەرکوک : 28 پلەی سیلیزی
زاخۆ : 23 پلەی سیلیزی
هەڵەبجە : 23 پلەی سیلیزی
سۆران : 24 پلەی سیلیزی
حاجی ئۆمەران : 12 پلەی سیلیزی
گەرمیان : 27 پلەی سیلیزی
More News
 copy.jpg)
Most Popular
-
"نەبونی شەفافیەتی هەرێمی کوردستان هۆکاری نەناردنی موچەیە"
هەواڵ2025-06-21
1
-
وەزارەتی ناوخۆی عێراق: وەڵامی پەیوەندییە نێودەوڵەتییە نەناسراوەکان و لینکەکان مەدەنەوە
هەواڵ2025-06-21
2
-
جەنگی ئێران و ئیسرائیل ناوی ئۆپنهایمەر بیری خەڵک دەهێنێتەوە
هەواڵ2025-06-23
3
-
دەستلەکارکێشانەوەی ئەندامانی دادگای باڵای فیدراڵی کێشە بۆ هەڵبژاردنی پەرلەمانی عێراق دروست دەکات
هەواڵ2025-06-21
4
-
چی روویدا؟ ئەمریکا هێرشی کردە سەر ئێران
هەواڵ2025-06-22
5
-
.jpg)
کونسوڵی چین لە هەرێمی کوردستان: تەنها یەک چین لە جیهاندا هەیە و هەرێمی تایوان بەشێکە لە چین و وڵات نییە
هەواڵ2025-06-22
6
-
دابخرێت عێراق ناتوانێت موچە دابەشبکات.. ئێران گەروی هورمز دادەخات
هەواڵ2025-06-22
7
-
ئیسرائیل خۆی بۆ قەرەبوو وەرگرتنەوە لە ئێران ئامادە دەکات
هەواڵ2025-06-23
8
هەواڵ
بۆ یەکەمجار شەڕ و جەنگ گرانی لە هەرێمی کوردستان دروست نەکرد
2025-06-24
لە 12 رۆژی جەنگی ئیسرائیل و ئێراندا، بازاڕەکانی
هەرێمی کوردستان بۆ یەکەمجار توشی هیچ شڵەژانێک و بەرزبونەوەی نرخی کاڵاو شمەک
نەبوو، لە کاتێکدا زۆرینەی کاڵای بازاڕەکانی ئێرانین.
بەرەبەیانی 13ـى حوزەیران ئیسرائیل هێرشێکی چڕ و
فراوانی کردە سەر کۆماری ئیسلامی ئێران، هێرشەکە یەکەم هێرشی ئاشکرا و راستەوخۆی
ئیسرائیل بوو بۆ سەر ئێران.
ئیسرائیل گورزی کوشندەی لە ئێران وەشاند، جگە لە
کوژرانی سوپاسالاری ئێران و فەرماندەی سوپای پاسداران و فەرماندەی هێزی ئاسمانی
ئێران، چەندین فەماندەی پلەباڵای ئێران کوژران، هەروەها زیاتر لە 10 زانای ئەتۆمی
ئێران کوژران.
ئێران هەمان رۆژ وەڵامی هێرشەکانی دایەوە و بەچڕی
ئیسرائیلی موشەک باران کرد، دوای 12 رۆژ شەڕەکە بە کاتی وەستێندراوە و بڕیارە
ئاگربەستی درێژخایەنیش بکرێت.
هەرێمی کوردستان لە نێوان بەرداشی ئێران و
ئییسرائیلدا بوو، بەشێک لە موشەک و درۆنەکانی هەر دوولا بەسەر ئاسمانی هەرێمدا
تێدەپەڕین و لە چەند ناوچەیەکیش کەوتنەخوارەوە.
ئەوەی بۆ هەرێمی کوردستان جیاوازبوو لەم جەنگەدا،
سەقامگیری دۆخی بازاڕەکانی بوو، نەک شتومەک گرانن نەبوو، بازاڕ هیچ شڵەژانێکی
بەخۆیەوە نەبینی، بەڵکو بەشێک لە شمەک و پێداویستییەکان نرخەکانیان دابەزی.
گراننەبوونی کاڵا و پێویستی هاوڵاتیان
لەکاتێکدابوو، بەشێکی زۆری ئەو بەرهەمانەی لە بازاڕەکانی هەرێمدان، بەرهەمی
ئێرانییە، لە 12 رۆژ ئەو جەنگە قورسەی بەرۆکی ئێرانی گرتبوو، سنورەکان دانەخران و
ئاڵوگۆڕی بازرگانی وەک خۆی بەردەوام بوو.
یەکێکی تر لەو هۆکارانەی کە وایکرد، لە بازاڕەکاندا
هیچ شڵەژانێک روونەدات، دابەشنەکردنی مووچە بوو، کاتێک جەنگەکە دەستیپێکرد، 43
رۆژبوو مووچە دابەشنەکرابوو، ئەمەش وایکرد هاوڵاتیان بە لێشاو و زیاد لە پێویست
شتومەک نەکڕن.
هاوڵاتیانی هەرێمی کوردستان لە کاتی ئەنجامدانی
ریفراندۆم و بڵاوبونەوەی کۆرۆنا و قەدەغەی هاتووچۆ لەکاتی سەرژمێریدا، بەلێشاو
روویان لە بازاڕەکان دەکرد بۆ کڕینی شتومەک، ئەمەش سڵەژانی لە بازاڕدا دروستت کرد
و بووەهۆی بەرزبونەوەی نرخ، بەڵام تێپەڕاندنی ئەم جەنگە بەبێ شڵەژانی بازاڕ،
هاوڵاتییانی هەرێم رادەهێنێت بۆ چۆنێتی مامەڵەکردنن لەگەڵ کێشە و قەیرانەکاندا.
