-18

پێنج خۆراک بۆ بەهێزکردنی مێشکی منداڵان

ماڵپەڕی "العربیة" راپۆرتێکی لوڤنیت باترا پسپۆڕی خۆراکی بڵاوکردووەتەوە، لیستی ئەو خۆراکانەی دیاریکردووە کە یارمەتیدەرن لە بەرزکردنەوەی ئاستی گەشەی مێشکی منداڵان، لەوانەش :

١. ماست: پڕە لە چەندین ماددەی خۆراکی وەک پرۆتین و زینک و بی ١٢ و سیلینیۆم کە گرنگن بۆ گەشکردنی مێشکی منداڵان.
٢. سەوزە: وەک سپێناخ و کاهوو کە یارمەتی گەشکردن و پاراستنی مێشکی منداڵان دەدات.
٣. پاقلەمەنیەکان: کۆمەڵێک مادەی خۆراکی تێدایە کە بۆ مێشک بەسوودن، لەوانە مەگنیسیۆم، زینک، ریشاڵ، دژە ئۆکسێنەر و ترشی فۆلیک، کە هەموو ئەمانە یارمەتیدەرن بۆ باشترکردنی باری دەروونی و تەندروستی مێشک.
٤. دانەوێڵەکان: وەک گەنم و جۆ و برنج کە ڤیتامین B ی تێدایە و یارمەتی پاراستنی مێشک دەدات.
٥. گوێز: ماددەی چەوری و ئۆمیگا ٣ ی تێدایە، یارمەتی گەشەکردنی مێشک دەدات

هەواڵ

وەزارەتی نەوتی عێراق: گرێبەستە ئیمزاکراوەکان پوچەڵ و ناشەرعین

وەزارەتی نەوتی عێراق، هەڵوێستی خۆی لەبارەی نوێترین گرێبەستە واژۆکراوەکانی حکومەتی هەرێمی کوردستان راگەیاند، کە لە دوو رۆژی رابردوودا مەسرور بارزانی، سەرۆکی حکومەتی هەرێمی کوردستان لە ئەمریکا ئیمزای کردبوون.

وەزارەتی نەوتی عێراق، لە راگەیاندراوێکدا، ئاماژە بەوەدەکات، لە هەندێک دامەزراوەی میدیاییەوە ئەوە بڵاوکراوەتەوە کە گرێبەستی نوێ لەگەڵ کۆمپانیا ئەمریکییەکان واژۆکراوە کە بەهای بڕەکەی دەگاتە دەیان ملیار دۆلار.

وەزارتی نەوت ئەوە دەڵێت، مامەڵەی تاکلایەنەی وەزارەتی سامانە سروشتییەکانی هەرێمی کوردستان رەتدەکەینەوە بۆ ئەنجامدانی گرێبەست لە کێڵگەکانی "میران" و "تۆپخانە - گردەمیر" لە پارێزگای سلێمانی، لەبەرئەوەی پێچەوانەی بڕیاری دادگای فیدراڵیی عێراقە کە رێگە دەگرێت لە ئەنجامدانی گرێبەستی نوێ.

بەپێی داوای یاسایی ژمارە 59ی فیدراڵیی لە ساڵی 2012 و پاشکۆی ژمارە 110ی فیدراڵی لە 2019، سەرجەم دەسەڵاتەکان لە هەرێمی کوردستان دەسەنێتەوە بۆ ئەنجامدانی گرێبەستی نوێ لەبواری سامانە سروشتییەکاندا و ئەو دەسەڵاتە دەگەڕێنێتەوە بۆ وەزارەتی نەوتی حکومەتی فیدراڵیی.

وەزارەتی نەوت لە راگەیاندراوەکەدا، ئاماژە بەوەدەکات، ئەگەرچی عێراق پێوستییەکی زۆری بە قەبەکردنی وەبەرهێنان لە کەرتی غازدا، بۆ کارپێکردنی یەکەکانی بەرهەمهێنانی کارەبا لە وڵاتدا، بەڵام رێکارەکانی حکومەتی هەرێم لەوبوارەدا بە "بە ئاشکرا دژی یاساکانی عێراقە"، لەبەرئەوەی سامانە سروشتییەکان بە موڵکی هەموو خەڵکی عێراق ئەژمار دەکرێن و هەموو مامەڵەیەک لەو بوارەدا دەبێت لەرێگەی حکومەتی عێراقەوە بێت.

لە کۆتایی رونکردنەوەکەی وەزارەتی نەوتی عێراقدا ئاماژە بەوەکراوە، سەرجەم ئەو گرێبەستانە پوچەڵن، بە پشتبەستن بە دەستوری عێراق و بڕیارەکانی دادگای فیدراڵیی.
حکوومەتی هەرێمی کوردستان و (کۆمپانیای ئێچ كه‌ی ئێن و گرووپی ئۆنێکس) لە ڕاگەیەندراوێكی هاوبەشی رۆژنامەوانیدا رایانگەیاند، بە مەبەستی پەرەپێدان بە کێڵگەی غازی میران، گرێبەستیان واژۆکردووە. 

راگه‌یه‌نراوه‌كه‌ ئاشکراشی دەکات، له‌ كێڵگه‌كه‌دا مه‌زنده‌ ده‌كرێت هه‌شت ترلیۆن پێ سێجا غازی سروشتی هه‌بێت و ئەم گرێبەستە رێگەخۆشکەر دەبێت لە درێژخایەندا داهاتی بگاتە 40 ملیار دۆلار.