هەواڵ
دوای جەژن یەکێتی و پارتی لەسەر دابەشکردنی پۆستەکان کۆدەبنەوە
2025-03-18
شاندی باڵای
دانوستانکاری یەکێتی و پارتی گەیشتینە دواڕەشنوسی دیدگای هاوبەش بۆ قۆناغی داهاتوو،
لە دوای جەژنیش لەسەر دابەشکردنی پۆستەکان کۆبونەوەکانیان دەستپێدەکات.
ئێوارەی ئەمڕۆ، کۆبوونەوەی
شاندی باڵای دانوستانکاری یەکێتی و پارتی کۆتاییهات و راگەیەندراوێکی هاوبەشیان بڵاوکردەوە
رایانگەیاند، کە گەیشتونەتە دواڕەشنوسی دیدگای هاوبەش بۆ قۆناغی داهاتوو، کە دەبێتە
ئامرازێک بۆ پێکهێنانی حکومەت و دامەزراوەکانی تر و باشتر خزمەتکردنی هاوڵاتییان.
بە پێی ئەو زانیاریانەی mic لە
لیژنەی دانوستانکاری پارتی و یەکێتییەوە دەستی کەوتووە، لە کۆبونەوەی داهاتوی
یەکێتی و پارتیدا گفتوگۆ لەسەر دابەشکردنی پۆستەکان دەستپێدەکات.
لەبارەی وادەی کۆبەنوەی داهاتووی یەکێتی و پارتی، mic زانیویەتی، هیچ وادەیەک بۆ کۆبونەوەی داهاتوو دیاری نەکراوە، بەڵام کۆبونەوەی
داهاتووی ئەو دوو لایەنە دەکەوێتە دوای جەژی رەمەزانەوە.
زیاتر لە دوو مانگە یەکێتی و پارتی کۆبونەوەکانیان بەردەوامە لەسەر بەرنامەی
داهاتووی حکومڕانی لە هەرێمی کوردستان، ئەمڕۆ ئەو قۆناغە کۆتاییهات و رێککەتن
لەسەر رەشنوسێک.
رۆژی 16ی ئازار،
بافڵ تاڵەبانی و مەسرور بارزانی، كۆبوونەوە و ناوەڕۆکی کۆبونەوەکە تایبەتبوو بە پێکهێنانی
کابینەی نوێی حکومەتی هەرێم و هەردوولا رایانگەیاند، کە کۆبونەوەکە ئەرێنی بووە.
زیاتر لە پێنج
مانگە هەڵبژاردنی پەرلەمانی کوردستان ئەنجامدراوە و ئەندامانی پەرلەمانی کوردستان
سوێندی یاساییان خواردووە، بەڵام یەکێتی و پارتی لە پێکهێنانی حکومەت دواکەوتن و لە
ئێستادا فشاری ئەمریکا بۆ سەر یەکێتی و پارتی چرکراوەتەوە، بۆیە هەردولا دەیانەوێت
بە زووترین کات حکومەتی نوێ پێکبهێنرێت.
بابەتی لێکچو
More News
 copy.jpg)
Most Popular
-
بەشە ئاردی 700 هەزار کەس دەبڕدرێت
هەواڵ2025-09-14
1
-
دامەزراوەی ڤیژن و ناوەندی نەهرین یاداشتنامەیەکیان واژۆکرد
هەواڵ2025-09-15
2
-
قەیرانی بێ مووچەیی کاریگەری دەبێت؟ عێراق و هەرێم دەچنە ناو پرۆسەی بانگەشە و هەڵبژاردنەوە
هەواڵ2025-09-13
3
-
دوو بازرگانی ماددەی هۆشبەر بەهاوکاریی ئاسایشی سلێمانی لە سعودییە دەستگیرکران
هەواڵ2025-09-15
4
-
دیواری رۆژئاوا، ئەو شوێنەی جولەکەکان لە ئەقسا بە پیرۆزتری دەزانن
هەواڵ2025-09-14
5
-
مووچە زامنکرا.. بەستەڵەکی نێوان هەرێم و بەغدا توایەوە
هەواڵ2025-09-16
6
-
موقتەدا سەدر هەڵبژاردن رەتدەکاتەوە و چاوەڕێی دوو ئەگەرە
هەواڵ2025-09-17
7
-
ئەنجوومەنی دەوڵەت وەڵامی ئەنجوومەنی وەزیرانی عێراق دەداتەوە
هەواڵ2025-09-18
8
هەواڵ
ئەنجوومەنی دەوڵەت وەڵامی ئەنجوومەنی وەزیرانی عێراق دەداتەوە
2025-09-18
کۆبوونەوەی ئەنجوومەنی دەوڵەت لەبارەی
داهاتی نانەوتیی هەرێمی کوردستان کۆتایی هات و چاوەڕوان دەکرێت ئەمڕۆ وەڵامی ئەنجومەنی
وەزیرانی عێراق بداتەوە.
بەگوێرەی زانیارییەکان لە کۆبوونەوەکەدا شاندێکی
هەرێمی کوردستان بەشداربوون، کۆبوونەوەکە بە هەنگاوێکی گرنگ بۆ چارەسەری گرفتی
مووچەی هەرێمی کوردستان دادەنرێت.
ئەنجوومەنەکە ئەمڕۆ چوارەم کۆبوونەوەی لەسەر پرسی داهاتی ناوخۆی هەرێمی کوردستان ئەنجامدا و، تێیدا تاوتوێی پرسی داهاتی نانەوتیی
هەرێم، کە یەکێکە لە خاڵە ناکۆکانی نێوان حکومەتی هەرێم و عێراق.
هەر بەگوێرەی زانیارییەکان؛ پێشبینیدەکرێت
ئەمڕۆ ئەنجوومەنی دەوڵەت ئەنجامی کۆبوونەوەکە بە راپۆرتێک بۆ ئەنجوومەنی وەزیرانی
عێراق بەرزبکاتەوە.
رای ئەنجوومەنەکە لە بارەی کێشەی هەولێر و
بەغدا لەسەر داهاتی ناوخۆ بە یەکلاکەرەوە ناو دەبرێت و بۆ چارەسەری پرسی داهاتیی
ناوخۆی هەرێمی کوردستان لەنێوان هەولێر و بەغدا.
لە کاتێکدا ژمارەیەک لە چاودێران پێیان وایە، ئەو ئەرکەی
بە ئەنجوومەنی دەوڵەت سپێردراوە؛ کاری ئەو نییە و ناتوانێت چارەسەر بۆ کێشەکە
بدۆزێتەوە، بەڵکو دەبێت کێشەی داهاتی ناوخۆی هەرێم، دادگای باڵای فیدراڵی بڕیاری
لەبارەوە بدات.
