هەواڵ

خۆپیشاندان دژی دەستگیرکردنی ئیمامئۆغڵو دەستیپێکردەوە و ئەردۆغان بێدەنگە

سەرچین ساڵح رۆپیتەن
2025-03-20


دژی دەستگیرکردنی سەرۆکی گەورە شارەوانی ئەستەنبووڵ، خوێندکارانی زانکۆی ئیستەنبووڵ هاتنە سەر شەقام و دروشمی دژ بە گرتنی ئەکرەم ئیمامئۆغڵو دەڵێنەوە و سەرۆک کۆماری تورکیایش، دوای زیاتر لە 24 کاتژمێر لە دەستگیرکردنی ئیمام ئۆغڵو بێ دەنگە.

رۆژی 19ى ئازار، ئەکرەم ئیمامئۆغڵو، سەرۆکی گەورە شارەوانی ئەستەنبووڵ بە تۆمەتی سەركردایەتی كردنی رێكخراوێكی تاوانكاری و بەرتیل وەرگرتن و ساختەكاری و گەندەڵی، دەستگیرکرا.

بە درێژایی شەوی رابڕدوو، هەزاران کەس رژانە سەر شەقامەکانی ئەستەنبووڵ و ئەنقەرە و ئزمیر و پشتیوانی خۆیان بۆ ئەکرەم ئیمامئۆغڵو دووپاتکردەوە و دروشمی جیاوازیان دژ بە دەستگیرکردنی وتەوە.

لە ئێستادا و لە درێژەی ناڕەزایەتییەکاندا، خوێندکارانی زانکۆی ئەستەنبووڵ گردبونەوەیەکی بەرفراوانیان رێکخستووە و دورشم بۆ پشتیوانی ئیمامئۆغڵو دەڵێنەوە.

ئیمام ئۆغڵو بە گەورەترین ڕکابەری سیاسی رەجەب تەیب ئەردۆغان سەرۆک کۆماری تورکیای ناسراوە، هەرچەنە ئەرۆغان تۆمەتباردەکرێت بەوەی، لەپشت دەستگیرکردنی سەرۆک شارەوانی ئەستەنبووڵەوەیە، بەڵام ئەردۆغان تائێستا بێدەنگە و هیچ قسەیەکی لەسەر ئەو پرسە نەکردووە.

دوای دەستگیرکردنی ئیمام ئۆغڵو، ئۆزگور ئۆزێل، سەرۆكی جەهەپە هەڵوێستی پارتەكەی لەسەر دەستگیركردنی راگەیاند و وتی: دەسەڵاتێك هەیە بۆ ڕێگریكردن لە وڵات لە دیاریكردنی سەرۆكی داهاتوو، ئێمە رووبەڕووی هەوڵی كودەتا دەبینەوە لە دژی سەرۆكی داهاتوومان.

دەستگیرکردنی سەرۆکی گەورە شارەوانی ئەستەنبووڵ تورکیای بردووەتە قۆناغێکی نوێوە و لە دەستپێکی رووداوەکەوە کاریگەری لەسەر دابەزینی بەهای لیرەی تورکی هەبووە و لە ئەگەری بەردەوامی ناڕەزایەتییان، رووداو گەلی نوێ بەدوای خۆیدا دەهێنێت.

بابەتی لێکچو

More News

Most Popular

هەواڵ

هەڵبژاردن شەڕی نەوەی نوێ و کۆمەڵ گەرم دەکات

Mic
2025-07-01

شەڕی میدیایی جوڵانەوەی نەوەی نوێ و کۆمەڵی دادگەریی لەگەڵ نزیکبوونەوە لە هەڵبژاردن گەرمتردەبێت، بەشێکیش وەک هۆکارێک بۆ پەرتبوونی دەنگی ناڕازی پێناسەی دەکەن.

نزیکبونەوەی لە هەڵبژاردنی پەرلەمانی کوردستان شەڕی میدیایی جوڵانەوەی نەوەی نوێ بە سەرۆکایەتی شاسوار عەبدولواحید و کۆمەڵی دادگەریی کوردستان بە سەرۆکایەتی عەلی باپیر گەرم دەکات.

دەستپێکردنی پشووی هاوینەی پەرلەمانی کوردستان کە سەرۆکە بەتەمەنەکەی لە لیستی نەوەی نوێیە، دیسانەوە بووەتە بابەتێکی دیکەی جەنگی میدیایی نێوان نەوەی نوێ و کۆمەڵی دادگەریی.

کۆمەڵی دادگەریی، تاکە هێزی سیاسی هەرێمی کوردستانە کە بەهۆی ناڕازیبوونی بە ئەنجامەکانی هەڵبژاردن بایکۆتی پەرلەمانی کوردستانی کردووە.

نەوەی نوێ ترسی هەیە هەڵوێستەکەی کۆمەڵ کاریگەری لەسەر شەقام هەبێت و بەشێکی دەنگی ناڕازی لە رێگەی ئەو هەڵوێستەوە بۆ خۆی ببات بە تایبەت کە تائێستا پەرلەمان کارا نەبووە. 

ئەوەی وایکردووە ئەو گریمانەیە بەهێزبێت، هێرشی توندی میدیایی نەوەی نوێیە بۆ سەر بڕیارەکەی کۆمەڵ بۆ بایکۆتکردنی پەرلەمانی کوردستان.

 نەوەی نوێ، کۆمەڵی دادگەری بەوە تۆمەتبارکردووە کە کۆتا هەڵبژاردن بەهۆی ساختەکاریی رۆژی هەڵبژاردن و جیاکردنەوەی دەنگەکانەوە بایکۆتی پەرلەمانی کردووە، کەچی دیسان بەشداریی هەڵبژاردن دەکاتەوە. 

کۆمەڵ لەسەرەتاوە بێدەنگیی هەڵبژارد، بەڵام دواتر وەڵامی هێرشەکەی نەوەی نوێی دایەوە و جوڵانەوەکەی بە "ئاڕاستەکراو" تۆمەتبار کرد.

کۆمەڵی دادگەری بە تایبەت رەخنەی لەو هەڵوێستەی نەوەی نوێ گرتووە کە لە پەرلەمانی عێراق دەنگی بە یاسای "بە تاوانکردنی هاوڕەگەزخوازیی و ڕەگەز گۆڕین" نەداوە. 

هاوڵاتییان رای جیاوازییان لەسەر شەڕی میدیایی نەوەی نوێ و کۆمەڵی دادگەری هەیە، بەشێکیان وەک بابەتێکی ئاسایی و هەڵمەتێکی پێشوەختەی هەڵبژاردن لێی دەڕوانن، بەڵام زۆرن ئەوانەشی پێیان وایە شەڕی میدیایی حزبە ئۆپۆزسیۆنەکان کاریگەری لەسەر پەرتکردنی دەنگە ناڕازییەکان دەبێت. 

نەوەی نوێ و کۆمەڵی دادگەری لە کاتێکدا شەڕی میدیایان دژ بە یەکتر گەرمکردووە کە دوو پارتەکە لەگەڵ لایەنە ئۆپۆزسیۆنەکانی دیکەدا لە هەوڵی دروستکردنی یەک لیست بوون بۆ هەڵبژاردنی پەرلەمانی عێراق، بەڵام هەوڵەکەیان شکستی هێنا. 

جوڵانەوەی نەوەی نوێ لە پەرلەمانی کوردستان خاوەنی 15 کورسییە و لە پەرلەمانی عێراقیش خاوەنی 9 کورسییە، کۆمەڵی دادگەری لە پەرلەمانی عێراق خاوەنی یەک کورسییە، ئەگەرچی لە پەرلەمانی کوردستان 3 کورسی بەدەستهێناوە، بەڵام وەک خۆیان رایانگەیاندووە، بەهۆی " ساختەکاری"یەوە بایکۆتی خولی شەشەمی پەرلەمانی کوردستانیان کردووە.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved