هەواڵ
دابەشکردنی مووچەی مانگی نیسان دوا دەکەوێت؟
2025-04-27
بەغدا تا ئێستا وردبینی لە لیستی مووچەی مووچەخۆرانی هەرێمی کوردستان تەواو نەکردووە، بڕیارە پرسەکە ببرێتە ئەنجومەنی وەزیرانی عێراق لەوێ پەسەند بکرێت و هەفتەی داهاتوو دابەشکردنی مووچە دەست پێ بکات.
وەزارەتی دارایی هەرێمی کوردستان ماوەی پێنج رۆژە لیستی مووچەی رەوانەی بەغدا کردووە و چاوەڕوانی وەزارەتی دارایی عێراقە پەسەندی بکات و پارەی مووچەی مانگی نیسانی بۆ رەوانە بکات.
وەزارەتی دارایی عێراق لە دوای دابەشکردنی مووچەی فەرمانبەرانی پارێزگاکانی دیکە پارە رەوانە دەکات، بەڵام وێرای ئەوەی دابەشكردنی مووچەی فەرمانبەرانی عێراق لە کۆتا رۆژدایە، بەڵام دەنگی ناردنی پارە بۆ هەرێمی کوردستان نییە.
بەپێی زانیارییەکان، تا ئێستا وردبینی لە لیستی مووچەی مووچەخۆراندا تەواو نەبووە، بەغدا چەند تێبینییەکی لەسەر لیستەکە هەیە کە تایبەتن بوونی ناوی ئەو خانەنشینانەی کە تازە خانەشین کراون و ناوەکانیان دەرنەهێنراوە.
بەشی وردبینی وەزارەتی دارایی عێراق، تێبینییەکانیان داوەتە ئەو شاندەی وەزارەتی دارایی و ئابوری هەرێمی کوردستان کە لیستەکەیان رادەست کردوون و تا ئێستا لە بەغدا ماونەتەوە.
بڕیارە شاندەکەی وەزارەتی دارایی هەرێمی کوردستان لیستی مووچەی مانگی نیسان چاک بکەن، دواتر جارێکی دیکە پێشکەشی وەزارەتی دارایی عێراقی بکەنەوە تا ئەم هەفتەیە پارە رەوانەی هەرێمی کوردستان بکرێت.
رۆژانی سێشەممە کۆبونەوەی ئەنجومەنی وەزیرانی عێراق بەڕێوەدەچێت، چەند سەرچاوەیەکی ئاگادار لە بەغدا رایانگەیاندووە، پرسی ناردنی پارە بۆ هەرێمی کوردستان لە کۆبونەوەی ئەم هەفتەیەی ئەنجومەنەکە بڕیاری لێ دەدرێت.
ئەگەرچی هیچ گرەنتییەک بۆ دیاریکردنی کاتی ناردنی پارە و دابەشکردنی مووچەی مانگی نیسان نییە، بەڵام بەپێی بەدواداچوونەکانی دیجیتاڵ میدیای Mic نزیکترین وادە بۆ ناردنی پارەی مووچە کۆتایی ئەم هەفتەیە دەبێت.
هەر بەپێی بەدواداچونەکانی دیجیتاڵ میدیای Mic، دابەشکردنی مووچە لەو وادەیە زیاتر دوا دەکەوێت کە وەزارەتی دارایی هەرێمی کوردستان بۆ دابەشكردنی مووچە دیاریکردووە کە دابەشکردنییەتی لە مانگەدا.
بەپێی زانیارییەکانی دیجیتاڵ میدیای Mic، ئەگەر لەم هەفتەیەشدا پارە رەوانەی هەرێمی کوردستان بکرێت، دابەشکردنی مووچە دەکەوێتە هەفتەی داهاتووەوە کە سەرەتای مانگی ئایار دەکات.
بابەتی لێکچو
More News
 copy.jpg)
Most Popular
-
تەیف سامی: بەمشێوەیە پارەی مووچەی مانگی چوارم دابینکردووە
هەواڵ2025-05-04
1
-
ئێران و ئەمریکا، دوژمن بەتامی دۆست
هەواڵ2025-05-04
2
-
ماکرۆن سەدانی عێراق دەکات و گرێبەستی فرۆشتنی چەک بە عێراق لەگەڵ سودانی ئیمزا دەکات
هەواڵ2025-05-04
3
-
ترەمپ بەهەشتەکەی ئەلیکتراز دەکاتەوە بە دۆزەخ
هەواڵ2025-05-05
4
-
لە کەرکوک "مەترسیدارترین تۆمەتبار" دەستگیرکرا
هەواڵ2025-05-04
5
-
یەکێتی داوای یەک لیستی دەکات
هەواڵ2025-05-05
6
-
شەڕی هیندستان و پاکستان ئاسایشی جیهان دەخاتە مەترسییەوە
هەواڵ2025-05-07
7
-
عێراق ڕۆژانه ملیۆنێک دۆلار له دەستدەدات بەهۆی خۆڵبارینەوه
هەواڵ2025-05-07
8
هەواڵ
پەرلەمانی کوردستان دەخرێتەوە ژێر رەحمی چەکوشی دادگای فیدراڵی عێراق
2025-05-08
دوو سکاڵا بۆ هەڵوەشاندنەوەی ئەم خولەی پەرلەمانی کوردستان لە دادگای فیدراڵی تۆمار دەکرێت، کە ئەنجامدانی هەڵبژاردنەکەی بە بڕیاری هەمان دادگا بووە.
هەڵبژاردنی خولی شەشەمی پەرلەمانی کوردستان دوای دوو ساڵ دواخستن لە وادەی خۆی، دواجار بە بڕیاری دادگای فیدراڵی کۆتایی ساڵی رابردوو ئەنجام درا.
دادگای فیدراڵی بەشێکی چیرۆکی دواخستنی هەڵبژاردنی پەرلەمانی کوردستان بوو، نزیکەی ساڵێک تاتوێی سکاڵایەکی لەبارەی هەڵبژاردنەکەوە کرد، کە دواجار بە هەڵوەشاندنەوە و دواتر کەمکردنەوەی ژمارەی کورسی کۆتایی پێکهاتەکان کۆتاییهات.
ئێستا جارێکی دیکە ئەنجامی ئەو هەڵبژاردنە خراوەتەوە بەر دەستی دادگای فیدراڵی عێراق، کۆمەڵی دادگەری کوردستان و جوڵانەوەی نەوێ نوێ رایگەیاندووە، لە دادگای فیدراڵی سکاڵایان بۆ هەڵوەشاندنەوەی خولی شەشەمی پەرلەمانی کوردستان تۆمارکردووە.
سکاڵاکەی کۆمەڵی دادگەری کە یەکەم سکاڵایە بۆ هەڵوەشاندنەوەی خولی شەشەم لەلایەن عومەر گوڵپی کاندیدی سەرکەتووی حزبەکە دژی پەرلەمانی کوردستان تۆمار کراوە.
عومەر گوڵپى سەبارەت بە تۆمارکردنی ئەو سکاڵایە رایگەیاندووە،"داوامان لە دادگاى فیدراڵی کردووە، خولەکە هەڵوەشێندرێتەوە و هەڵبژاردن دووبارە بکرێتەوە، هەروەها هەموو ئەو ئیمتیازە ماددییانەى لە پێنج مانگى ڕابردوودا پەرلەمانتاران وەریان گرتووە، لێیان وەربگیرێتەوە".
کۆمەڵى دادگەرى کە لە هەڵبژاردنى خولى شەشەمى پەرلەمانى کوردستاندا سێ کورسیى بەدەستهێنا، دواتر هەڵبژاردنەکەی بە" دیزاینکراو" وەسفکرد و بڕیاریدا بایکۆتی خولەکە بکات.
دوای چوار رۆژ لە سکاڵاکەی کۆمەڵی دادگەری، جوڵانەوەی نەوەی نوێش رایگەیاند، سکاڵایان بۆ هەڵوەشاندنەوەی پەرلەمانی کوردستان تۆمار کردووە.
نەوەی نوێ رایگەیاندووە، سکاڵاکەی ئەوان دژی سەرۆکی هەرێمی کوردستان، ئەوەیش بەهۆی ئەوەی تا ئێستا بڕیاری هەڵوەشاندنەوەی پەرلەمانی کوردستانی دەرنەکردووە.
ڕۆژی 20ـی تشرینی یەکەمی 2024، هەڵبژاردنی خولی شەشەمی پەرلەمانی کوردستان ئەنجام درا، بەپێی ئەنجامی کۆتایی هەڵبژاردن کە لەلایەن کۆمسیۆنەوە بڵاوکراوەتەوە، پارتی 39 کورسی، یەکێتی 23 کورسی، نەوەی نوێ 15 کورسی، یەکگرتوو 7 کورسی، هەڵوێست 4 کورسی، کۆمەڵ 3 کورسی، بەرەی گەل 2 کورسی و هەریەک لە گۆڕان و هاوپەیمانی کوردستانیش یەکی کورسییەکیان بەدەستهێناوە.
دوای نزیکەی حەوت مانگ لە ئەنجامدانی هەڵبژاردن، تا ئێستا پەرلەمانی کوردستان کارا نەبووە و تەنها پەرلەمانتاران سوێندی یاسایان خواردووە، بەڵام هەموو مانگێک مووچە وەردەرگن.
