هەواڵ
بەرەیەکی سیاسی نوێ لە هەرێمی کوردستان دروست دەکرێت
2025-04-27
لایەنە ئۆپۆزسیۆنەکانی
هەرێمی کوردستان سەرقاڵی دروستکردنی بەرەیەکی سیاسی نوێ بۆ هەڵبژاردنی پەرلەمانی عێراق
و زۆرینەیان پشتیوانی دەکەن، چاوەڕوان دەکرێت دروستکردنی بەرەکە پارتی و یەکێتیش
ناچار بە یەک لیستی بکات.
کۆمەڵی دادگەری
کوردستان پڕۆژەیەکی بۆ کۆکردنەوەی لایەنە ئۆپۆزسیۆنەکانی هەرێمی کوردستان ئامادەکردووە
و دەیەوێت لایەنەکانی دەرەوەی پارتی و یەکێتی لە بەرەیەکدا کۆبکاتەوە.
ئامانجی پڕۆژەکە،
بەشداریکردنی لایەنەکانی نەوەی نوێ، یەكگرتوو، هەڵوێست، كۆمەڵ، بەرەی گەل-ە، بە یەک
لیستی هاوبەش بۆ هەڵبژاردنی داهاتووی پەرلەمانی عێراق.
زۆرینەی لایەنە
ئۆپۆزسیۆنەکان پشتیوانی پڕۆژەکە دەکەن، بەڵام تا ئێستا رێککەوتنی کۆتاییان لەسەر پڕۆژەکە
نەکردووە و سەرقاڵی تاوتوێکردنی ئەگەرە چاوەڕوانکراوەکانن.
ئامانجی
دروستکردنی ئەو بەرەیە بە دەستهێنانی زۆرترین کورسی پەرلەمانی عێراق لە هەڵبژاردنی
داهاتوودا، چونکە ئەو یاسایەی هەڵبژاردنەکەی پێ ئەنجام دەدرێت لە بەرژوەندی لایەنە
بچوکەکان نییە.
پارتی و یەکێتش
دەیانەوێت یەک لیست بن:
هاوشانی هەوڵی
لایەنە ئۆپۆزسیۆنەکان، پارتی و یەکێتیش دەیانەوێت پرسی یەک لیستی تاوتوێ بکەن، بافڵ
تاڵەبانی سەرۆكی یەكێتی لە دیدارێکدا لەگەڵ میدیای حزبەکەی رایگەیاند، حەز دەکەم بۆ
هەڵبژاردنی عێراق لەگەڵ پارتی بە یەک لیست بەشداربین ئەمجارە لەگەڵ مەسرور بارزانی
دابنیشم پێشنیازی یەك لیستی لەگەڵ دەكەم.
یەکێتی دەیەوێت،
ئەگەر لە هەرێمی کوردستانیش نەتوانێت لەگەڵ پارتی یەک لیست بۆ هەڵبژاردن دروست
بکات، ئەوە لە ناوچە کوردستانییەکانی دەرەوەی ئیدارەی هەرێمی کوردستان ببنە یەک لیست.
چاوەڕوان دەکرێت،
دروستکردنی بەرەی سیاسی و یەک لیستی لایەنە ئۆپۆزسیۆنەکان، پارتی و یەکێتی بە یەک
لیستی لە هەرێمی کوردستان و ناوچە کوردستانییەکانی دەرەوەی ئیدارەی هەرێمیش ناچار
بکات.
هەڵبژاردنى پەرلەمانى
عێراق:
هەڵبژاردنی ئەمجارەی
ئەنجومەنی نوێنەرانی عێراق، دەبێتە شەشەمین هەڵبژاردن لە دوای ساڵی 2004ـەوە، سیستمى
یەک بازنەیی و دواتر فرەبازنەیی لەسەر ئاستی پارێزگاکانە چوار هەڵبژاردندا پەیڕەوکرا،
لە کاتێکدا دوایین هەڵبژاردنى ساڵی 2021 بەپێی سیستمى فرە بازنەیی ئەنجامدرا و عێراق
بۆ سەر 83 بازنەی هەڵبژاردن دیاری کرا.
بابەتی لێکچو
-
سەنتەری میترۆ: رێکخەرەکەمان کەوتووەتە بەر هێرشی سوپایەکی ئەلیکترۆنی
هەواڵ2025-10-02
-
ئیلۆن مەسک یەکەم کەسە لە مێژوودا سامانەکەی گەیشتە 500 ملیار دۆلار
هەواڵ2025-10-02
-
ئەمریکا فشارەکانی چڕکردووەتەوە.. یەکێتی دەیەوێت ئەم سێ پۆستە یەکلایی بکاتەوە
هەواڵ2025-09-30
-
چاوەڕوان دەکرێت ئەمڕۆ بەغدا مووچەی مانگی حەوت خەرجبکات
هەواڵ2025-09-30
More News
 copy.jpg)
Most Popular
تەندروستی
بەکارهێنانی مەیکەپی دژە ئاو مەترسیدارە؟
2025-10-04
توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.
ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.
