هەواڵ
ترەمپ بەهەشتەکەی ئەلیکتراز دەکاتەوە بە دۆزەخ
2025-05-05
رۆژی 5ی ئایاری 2025،
دۆناڵد ترەمپ، سەرۆکی ئەمریکا ئاشکرایکرد، دووبارە دورگەی ئەلیکتراز لە نۆکەندی
سان فرانسیسکۆی ئەمریکا، دەکاتەوە بە زیندان، ئەگەرچی 62
ساڵە ئەمریکا بڕیاریدابوو تەنها وەکو شوێنێکی گەشتیاریی بەکاربهێنرێت.
دورگەی ئەلکتراز، دوو
کیلۆمەتر لە کەناراوی سان فرانسیکۆ دوورە، لە ویلایەتی کالیفۆرنیای ئەمریکا، پاش
دۆزینەوەی خاکی ئەمریکا، ئەم دوورگەیە بە چۆڵکراوی مایەوە هەتا ساڵی 1847 حاکمی
سەربازیی کالیفۆرنیا لە وڵاتی مەکسیکی دەکڕێتەوە و تاوەرێکی چاودێریی دەریاوانیی
لەسەر دروستکرد، دواتر سوپای ئەمریکا وەکو سەربازگە و پەناگەیەک بەکاریدەهێنا، لە
نێوان ساڵانی 1934 بۆ 1963 وەکو تۆکمەترین و مەترسیدارترین زیندانیی بەکاردەهێنرا.
لێکۆڵەران پێیان وایە
جێکەوتی زیندانییەکە هۆکارێکە بۆئەوەی وەکو مەترسیدارترین و ئازاربەخشترین
زیندانیی لێی بڕوانرێت، لەبەرئەوەی هەر زیندانییکراوێک ئەگەر هیچ ئەشکەنجەیەک
نەدرێت لە ئەلیکتراز، ئەوە ئازاربەخشترینە کە بێبەشبیت لە بینینی جوانیی و روناکی
شاری سان فرانسیسکۆ و روانین بەسەر دۆڵی سلیکۆن-دا کە دەوڵەمەندترین کۆمپانیاکانی
جیهان بارەگای سەرەکییان لەوێیە، وەکو (فەیسبوک، گوگڵ، ویکیپیدیا، مایکرۆسۆفت،
ئەپڵ، ئیبەی، ئەمەزۆن... هتد).
پێشتر حكومەتی ئەمریکا
ئەم زیندانییە فیدراڵییە مەترسیدارە ناوبانگخراپەی داخست، بە پاساوی گرانیی
خەرجییەکان و سەختی دابینکردنی ئاوی خواردنەوە و خزمەتگوزارییەکانی دیکە، بەڵام
ئیدارەی ترەمپ پرۆژەیەکی هەیە بۆ دووبارە گێڕانەوەی ئەم دوورگەیە بۆ ژێر دەسەڵاتی
وەزارەتی داد و زیندانییکردنی کەسانی مەترسیدار لەو دورگەیە.
زیندانەکە لە 378 هۆڵ و
ژووری زیندانی پێکهاتووە، کە 42 دانەی بۆ زیندانی تاکەکەسییە، هێندە تۆکمە و
بەهێزدروستکراوە، بابەتی هەڵاتنی تاوانباران لەو دورگەیە زۆر دەگمەن بووە، بەپێی
راپۆرتە فیدراڵییەکانی ئەمریکا، لە مێژووی زیندانەکەدا تەنها 36 زیندانیی هەوڵی
هەڵاتنیانداوە و زۆرینەیان دەستبەجێ دەستگیرکراونەتەوە.
لە ساڵی 1972 لەسەر
بودجەی کۆنگرێس، پرد و ناوچەی گەشتیاری گۆڵدن گەیت لە بەرامبەر زیندانیی ئەلیکتراز
دروستکرا، دواتر لە ساڵی 1973 زیندانییە داخراوەکە بەڕوی گەشتیاراندا کرایەوە و
بووە یەکێک لە شوێنە گەشتیارییە دڵڕفێنەکان و ساڵانە دوو ملیۆن گەشتیار لە هەموو
جیهانەوە سەردانی دەکەن.
ترەمپ
لە نوسینێکدا لە تۆڕی کۆمەڵایەتی (تروس سۆشیاڵ) نوسیویەتی: "ئەو
بەندینخانەیەی دەکەوێتە سەر دورگەیەکی بچوک لە کەناراوەکانی سانفرانسیکۆ،
تایبەتدەکرێت بە تاوانبارە زۆر توندوتیژ و مەترسیدارەکان لە ئەمریکا، هەر بۆیە کار
بۆ فراوانکردنی زیندانییەکە دەکرێت".
چیرۆکەکانی ئەم زیندانییە
مەترسیدارە، لەلایەن هۆڵیودەوە چەندین فیلمی لەسەر بەرهەمهێنراوە، بەتایبەتی فیلمی
(بەردەکە - The Rock - 1996)
لە نواندنی شۆن کۆنری و کیکۆلاس کەیدج، (پیاوی باڵندەکانی ئەلکتراز - Birdman of Alcatraz - 1962)
و (زنجیرەی تەلەفیزیۆنی ئەلکتراز – 2011 کە باسی هەڵاتنی دەگمەنی زیندانییەکان
دەکات).
More News
 copy.jpg)
Most Popular
-
تەیف سامی: بەمشێوەیە پارەی مووچەی مانگی چوارم دابینکردووە
هەواڵ2025-05-04
1
-
ئێران و ئەمریکا، دوژمن بەتامی دۆست
هەواڵ2025-05-04
2
-
ماکرۆن سەدانی عێراق دەکات و گرێبەستی فرۆشتنی چەک بە عێراق لەگەڵ سودانی ئیمزا دەکات
هەواڵ2025-05-04
3
-
یەکێتی داوای یەک لیستی دەکات
هەواڵ2025-05-05
4
-
سڕی سورەیا ئۆندەر.. ئەو تورکمانەی لەپێناو ئاشتیدا بۆ کورد و تورک، مرد
هەواڵ2025-05-03
5
-
لە کەرکوک "مەترسیدارترین تۆمەتبار" دەستگیرکرا
هەواڵ2025-05-04
6
-
ترەمپ بەهەشتەکەی ئەلیکتراز دەکاتەوە بە دۆزەخ
هەواڵ2025-05-05
7
-
رۆژی ئازادی کاری رۆژنامەوانیی
هەواڵ2025-05-03
8
هەواڵ
یەکێتی داوای یەک لیستی دەکات
2025-05-05
یەکێتی نیشتمانی کوردستان داوای یەک لیستی بۆ هەڵبژاردنی پەرلەمانی
عێراق دەکات، پارتی دیموکراتی کوردستان لاری نییە، بە مەرجێک ئەو بابەتە
لەسەر ئاستی هەرێمی کوردستان نەبێت.
پارتی دیموکراتی کوردستان و یەکێتیی نیشتمانی کوردستان سەرقاڵی
گفتوگۆکردنن بۆ دروستکردنی لیستێکی هاوبەش لە هەڵبژاردنی داهاتووی پەرلەمانی عێراق
تا زۆرترین دەنگ کۆبکەنەوە.
دەزگای هەڵبژاردنی هەردوو حزبەکە بۆ تاوتوێکردنی هاوپەیمانێتی لە
هەڵبژاردنی داهاتوو یەک کۆبوونەوەی بێ ئەنجامیان کردووە، ئەوەیش تەنها بۆ
تاوتوێکردنی پرسەکە.
پەنابردنی پارتی و یەکێتی بۆ لیستی هاوبەش، لەبەر ئەو یاسایەیە کە
هەڵبژاردنی داهاتووی پەرلەمانی عێراقی پێئەنجام دەدرێت، چونکە یاساکە لە بەرژەوەندیی
حزب و هاوپەیمانێتییە گەورەکانە.
دروستکردنی لیستی هاوبەش لەم هەڵبژاردنەدا بیرۆکەی یەکێتییە، بە
تایبەت لە ناوچە کوردستانییەکانی دەرەوەی ئیدارەی هەرێمی کوردستان، وەک بافڵ
تاڵەبانی رایگەیاندووە، "خۆی ئەو پێشنیازە بۆ پارتی دەکات".
پارتی بۆ دروستکردنی هاوپەیمانێتی لەگەڵ یەکێتی ئامادەیی بۆ
گفتوگۆکردن دەبڕیووە، دەسەڵات دەداتە مەکتەبی سیاسیی تا ئەوان بڕیاری کۆتایی بدەن.
ئەشواق جاف، ئەندامی کۆمیتەی ناوەندی پارتی لە کۆنگرەیەکی
رۆژنامەوانیدا رایگەیاند، بەشداریکردنی کورد لە ناوچە دابڕێندراوەکان بە یەک لیست
زۆر گرنگە، چونکە کورد کێبڕکێ لەگەڵ لایەنە "غەیر" کوردییەکان
دەکات و یەک دەنگیش بۆ کورد زۆرە.
لە لێدوانی بەرپرسانی باڵای پارتییەوە دەبینرێت، حزبەکە لە
ناوخۆی هەرێمی کوردستان چاوی لە یەک لیستی نییە، وەک ئەشواق جاف وتی،"
کورسییەکان لە هەرێمی کوردستان دابەشکراون، کێبڕکێکە لە نێوان حزبە
کوردییەکاندایە".
یەکێتی تەبایی لە بەغدا بە کلیلی سەرکەوتن دەبینێت، لەتیف نێروەیی،
ئەندامی سەرکردایەتی یەکێتی لە کۆنگرەیەکی رۆژنامەوانیدا رایگەیاند، "لە
هەڵبژاردنەکانی رابردوودا کە یەک لیست نەبوون کورد بەشێکی دەنگەکانی فەوتاوە و
کورسی کەمتریشی بە دەستهێناوە".
یەکێتی خوازیارە لە سەرجەم بازنەکانی هەڵبژاردندا، کە بڕیارە لە 11ی تشرینی دووەمی
ئەمساڵ بەڕێوەبچێت، پارتی و یەکێتی بە یەک لیست بەشداریی بکەن، بەڵام وەک لەتیف نێروەیی وتی، "دروستکردنی لیستی هاوبەش لە
ناوچە دابڕێندراوەکان گرنگترە".
هەڵبژاردنی ئەمجارەی پەرلەمانی عێراق، دەبێتە شەشەمین هەڵبژاردن لە
دوای ساڵی 2004ـەوە، سیستمى یەک بازنەیی و دواتر فرەبازنەیی لەسەر ئاستی
پارێزگاکانە چوار هەڵبژاردندا پەیڕەوکرا، لە کاتێکدا دوایین هەڵبژاردنى ساڵی 2021
بەپێی سیستمى فرە بازنەیی ئەنجامدرا و عێراق بۆ سەر 83 بازنەی هەڵبژاردن دابەشکرا.
