-18

ئەو خۆراكانەی یارمەتی منداڵەكەت دەدەن بە هێمنی بخەوێت

ماڵپەڕی seasoned pioneers چەند خۆراكێكی بڵاوكردوەتەوە كە یارمەتی  خەولێكەوتنی منداڵەكەت دەدات.

1. بادەم
یەكێكە لە چەرەساتە سودبەخشەكان، سەرچاوەی مەگنسیۆم و میلاتۆنینە، لێدانی دڵ رێكدەخات، رێژی كۆرتیزۆل لە منداڵاندا كەمدەكاتەوە، ئەمەش یارمەتی زو خەوتنی دەدات.

2. ماسی
بەتایبەتی ماسی تونا و سەلەمون، بە گشتی بۆ تەندروستی منداڵ سودی هەیە و سیستمی خەوتنی هاوسەنگ دەكات، ڤیتامین D و ئۆمێگا-3ی تێدایە.

3. جای گوڵەبەیبون
یەكێكە لە چا سودبەخشەكان، دژە ئۆكسانی تێدایە و یارمەتی چارەسەربونی كەمخەوی دەدات.

4. برنجی سپی
رێژەیەكی زۆر لە كاربۆهیدراتی تێدایە، یارمەتی زو خەو لێكەوتنی منداڵ دەدات.

5. گێلاس
سەرچاوەیەكی دەوڵەمەندە بە میلاتۆنین، خواردنی پێش خەوتن یارمەتی دەدات زو خەوی لێبكەوێت.

6. مۆز
سەرچاوەی مەگنسیۆم و پۆتاسیۆمن، كە هەردوكی پشو بە دەمارەكان و ماسولكە دەدات، خواردنی پێش خەوتن فشاری دەرونی كەمدەكاتەوە.

هەواڵ

ئەمریکا دەستوەردان لە نەوت و غازی هەرێم دەکات

چاوەڕواندەکرێت وەفدێکی باڵای وزەی ئەمریکا بگاتە هەرێمی و کوردستان و لەسەر پرسی هەناردەکردنەوەی نەوت و راکێشانی بۆری غاز گفتوگۆ لەگەڵ بەرپرسانی عێراق و هەرێم بکات .

جگە لە دەستپێکردنەوەی هەناردەی نەوت، پرسی هەناردەی غازی کۆرمۆریش پرسێکی دیکەیە کە وەفدەکەی ئەمریکا گفتوگۆی لەبارەوە دەکەن، بەتایبەت بۆ ناردنی غاز لەکۆرمۆرەوە و بۆ دهۆک و هەندێک ناوچەی دیکەی عێراق.

وەفدەکەیا به‌ سه‌رۆكایه‌تیی جیۆفری پایات، یاریدەدەری وەزیری دەرەوەی ئەمریکا بۆ سیاسەتی وزەی جیهانی  سەردانی عێراق و هەرێمی کوردستان دەکەن.

لەگەڵ بەرپرسانی عێراق و هەرێمی کوردستان، په‌ره‌پێدانى غازى سروشتى، ڕاكێشانى بۆریى غازی چه‌مچه‌ماڵ بۆ دهۆک و هه‌نارده‌كردنى غازى سروشتى و فرۆشتنى بە به‌غدا، هەناردەکردنەوەی نەوت و زیانەکانی ڕاگرتنی نەوت، وزەی خاوێن تاوتوێ دەکات.

چاوەڕوان دەکرێت دوای سەردانی وەفەکەی ئەمریکا ڕێککارەکانی دەستپێکردنەوەی هەناردەی نەوت خێرا بکرێت، هەروەها لە هەرێمی کوردستانەوە غاز بۆ عێراق دابین بکرێت.