-18

چەند رێگەیەك بۆئەوەی زیرەكیی منداڵەكەت زیادبكەیت

1. چیرۆك بۆ منداڵەكەت بخوێنەرەوە، ئەگەر تازە فێری قسەكردن بوە، یارمەتی باشتركردنی قسەكردنی دەدات، ئەگەریش گەورەیە و خوێندنەوە دەزانێت یارمەتی باشتر رێكخستنی وشەكانی دەدات و یادەوەری بەهێزدەكات.

2. یارمەتی منداڵەكەت بدە یاری بە پەزڵ یان میكانۆ بكات، چونكە رۆژانە وێنا لە مێشكی دروستدەكات و بە زیرەكیی خۆی شێوە دروستدەكات.

3. بیركاری فێربكە، پێش چونە قوتابخانەی، فێری كۆكردنەوە و لێدەركردنی بكە، دواتر دابەشكردن و جاران.

4. باوەڕت بە منداڵەكەت هەبێت، چونكە باوەڕبونی دایك و باوك گەورەترین پاڵپشتی منداڵە بۆئەوەی خۆی زیرەك بكات و هەوڵبدات.

5. ستایشی بكە كاتێك هەر بابەت یان زانیارییەكی نوێ فێردەبێت.

6. كاتێك منداڵەكەت دەبەیتە دەرەوە پێی بڵێ كە رێگەكە بناسێتەوە، جاری داهاتو با منداڵەكەت رێگەكەتان نیشان بدات.

7. كاتێك لە دەرەوە دەگەڕێنەوە، بە منداڵەكەت بڵێ كە چی بینیوە و چی سەرنجی راكێشاوە، چونكە وایلێدەكات یادەوەرییەكان بە بیری خۆی بهێنێتەوە.

هەواڵ

ئەمریکا دەستوەردان لە نەوت و غازی هەرێم دەکات

چاوەڕواندەکرێت وەفدێکی باڵای وزەی ئەمریکا بگاتە هەرێمی و کوردستان و لەسەر پرسی هەناردەکردنەوەی نەوت و راکێشانی بۆری غاز گفتوگۆ لەگەڵ بەرپرسانی عێراق و هەرێم بکات .

جگە لە دەستپێکردنەوەی هەناردەی نەوت، پرسی هەناردەی غازی کۆرمۆریش پرسێکی دیکەیە کە وەفدەکەی ئەمریکا گفتوگۆی لەبارەوە دەکەن، بەتایبەت بۆ ناردنی غاز لەکۆرمۆرەوە و بۆ دهۆک و هەندێک ناوچەی دیکەی عێراق.

وەفدەکەیا به‌ سه‌رۆكایه‌تیی جیۆفری پایات، یاریدەدەری وەزیری دەرەوەی ئەمریکا بۆ سیاسەتی وزەی جیهانی  سەردانی عێراق و هەرێمی کوردستان دەکەن.

لەگەڵ بەرپرسانی عێراق و هەرێمی کوردستان، په‌ره‌پێدانى غازى سروشتى، ڕاكێشانى بۆریى غازی چه‌مچه‌ماڵ بۆ دهۆک و هه‌نارده‌كردنى غازى سروشتى و فرۆشتنى بە به‌غدا، هەناردەکردنەوەی نەوت و زیانەکانی ڕاگرتنی نەوت، وزەی خاوێن تاوتوێ دەکات.

چاوەڕوان دەکرێت دوای سەردانی وەفەکەی ئەمریکا ڕێککارەکانی دەستپێکردنەوەی هەناردەی نەوت خێرا بکرێت، هەروەها لە هەرێمی کوردستانەوە غاز بۆ عێراق دابین بکرێت.