ژیان

تایبەتمەندییەکانی بورجی دووپشک

لە ماڵپەڕی "پریپ سکۆلار" لە بابەتێکدا، باس لە پێنج تایبەتمەندی لەدایکبووانی بورجی دووپشک کراوە، بەمشێوەیە:
١. ئەرێنی بوون، لەگەڵ پێداگری و هەڵچوونیان لەکاتی کاردا، بەڵام هێشتا گەشبینن بە کارکردنی دەوروبەریان و دەرفەتی زیاتر دەبەخشن بەوانەی کاریان لەگەڵ دەکەن، بڕوایان بە تواناکانی ئەوانی تر هەیە و لەو رووەوە بە هیچ شێوەیەک خۆپەرست نین.
٢. زیرەک، بەردەوام توانای فێربوونیان لەسەرووی ئەوانی ترە، بەخێرایی کاردەکەن و هیلاک بوونیان کەمە، بەهەمان شێوە لە فێرکردنی ئەوانی تریشدا لێهاتوون و توانای تێگەیاندنیان لەئاستێکی بەرزدایە.
٣. بەوەفان، ئەمەش تایبەتمەندییەکی ترە لە دووپشکدا، کە بە ئاسانی هاوڕێ و کەسە نزیکەکانی لەبیرناکات و دوورکەوتنەوەی ئەوان نابێت بە هۆکار بۆ لەبیرکردنیان و بەردەوام حەزی بە هەواڵ پرسینیان هەیە.
٤. راستگۆ بوون، لەدایکبووانی دووپشک بەو پێیەی متمانەیەکی زۆریان بە خۆیان هەیە، زۆربەی کات راستگۆن تەنانەت لەگەڵ خۆشیان، بە هیچ جۆرێک ترسیان لە وتنی راستییەکان نییە لە هەر بارودۆخێکدا بن.
٥. کەسانی سەرسەختن، هەرچییەک لەدەستیان بێت بۆ بەدەستهێنانی باشترین ئەنجام دەیکەن، هەرگیز بە کەم رازینابن و دوا هەوڵی خۆیان دەدەن بۆ سەلماندنی تواناکانیان.

هەواڵ

ئەمریکا دەستوەردان لە نەوت و غازی هەرێم دەکات

چاوەڕواندەکرێت وەفدێکی باڵای وزەی ئەمریکا بگاتە هەرێمی و کوردستان و لەسەر پرسی هەناردەکردنەوەی نەوت و راکێشانی بۆری غاز گفتوگۆ لەگەڵ بەرپرسانی عێراق و هەرێم بکات .

جگە لە دەستپێکردنەوەی هەناردەی نەوت، پرسی هەناردەی غازی کۆرمۆریش پرسێکی دیکەیە کە وەفدەکەی ئەمریکا گفتوگۆی لەبارەوە دەکەن، بەتایبەت بۆ ناردنی غاز لەکۆرمۆرەوە و بۆ دهۆک و هەندێک ناوچەی دیکەی عێراق.

وەفدەکەیا به‌ سه‌رۆكایه‌تیی جیۆفری پایات، یاریدەدەری وەزیری دەرەوەی ئەمریکا بۆ سیاسەتی وزەی جیهانی  سەردانی عێراق و هەرێمی کوردستان دەکەن.

لەگەڵ بەرپرسانی عێراق و هەرێمی کوردستان، په‌ره‌پێدانى غازى سروشتى، ڕاكێشانى بۆریى غازی چه‌مچه‌ماڵ بۆ دهۆک و هه‌نارده‌كردنى غازى سروشتى و فرۆشتنى بە به‌غدا، هەناردەکردنەوەی نەوت و زیانەکانی ڕاگرتنی نەوت، وزەی خاوێن تاوتوێ دەکات.

چاوەڕوان دەکرێت دوای سەردانی وەفەکەی ئەمریکا ڕێککارەکانی دەستپێکردنەوەی هەناردەی نەوت خێرا بکرێت، هەروەها لە هەرێمی کوردستانەوە غاز بۆ عێراق دابین بکرێت.