ژیان

گەیتس و زوکەربێرگ بە جلوبەرگی هیندییەوە لە ئاهەنگی هاوسەرگیری کوڕی دەوڵەمەندترین پیاوی ئاسیا

ملیاردێری هیندی موکیش ئەمبانی (دەوڵەمەندترین پیاوی ئاسیا) بە ئامادەبوونی هەزار و ٢٠٠ کەس لە هەموو جیهانەوە ئاهەنگی هاوسەرگیری کوڕەکەی سازکرد، لەنێویاندا مارک زوکەربێرگ و بیل گەیتس.

لەم چوارچێوەیەدا، ڕۆژنامەی بەریتانی "دەیلی مەیل" نووسیویەتی - دوێنێ، دووشەممە - کە "لە کۆتایی هەفتەدا، بەڕێوەبەرانی تەکنەلۆژیا، لەنێویاندا مارک زوکەربێرگ، بەڕێوەبەری جێبەجێکاری کۆمپانیای مێتا و بیل گەیتس، دامەزرێنەری کۆمپانیای مایکرۆسۆفت، بەشدارییان لە ئاهەنگێکی گەورەدا کرد کە نزیکەی 150 ملیۆن تێچووی تێچووی بوو .” دۆلار و 3 ڕۆژی خایاند پێش هاوسەرگیری کوڕی ملیاردێری هیندی موکێش ئەمبانی سەرۆکی کۆمپانیای ڕیلایەنس ئیندستریز کە بە دەیەمین دەوڵەمەندترین کەسی جیهان دادەنرێت.

هەواڵ

بۆ دواخستنی هەڵبژاردن دەچێتە تاران

پرسی دواخستنی هەڵبژاردنی پەرلەمانی کوردستان، نێجیرڤان بارزانی سەرۆکی هەرێمی کوردستان و جێگری سەرۆکی پارتی دیموکراتی کوردستان، ناچار دەکات روو لەتاران بکات و لەوێیەوە پرسەکە یەکلایی بکاتەوە.

بەگوێرەی زانیارییەکان، تائێستا ئێرانییەکان، هاوشێوەی کۆمەڵگەی نێودەوڵەتی و لایەنە ئۆپۆزسیۆنە ناوخۆییەکانی هەرێم سورە لەسەر ئەنجامدانی هەڵبژاردن لە 10 ئ حوزەیرانی ئەمساڵدا، بەڵام پارتی دیموکراتی کوردستان دەیەوێت هەڵبژاردنەکە جارێکی دیکە دوابخات.

بەرپرسانی پارتی، کورسی کۆتاکان و هەندێک کێشەی نەخوێندنەوەی پەنجەمۆری دەنگدانیان کردۆتە بیانوو بۆ ئەوەی بەشداری هەڵبژاردنەکە نەکەن و داوای دواخستنی بکەن، بەڵام خوێندنەوەی ئەوەی دەکرێت پارتی بەتەواوی ترسی لە ئەنجامی هەڵبژاردنەکە هەیە و پێیوایە زۆرینەی کورسییەکانی پەرلەمانی کوردستان لەدەستدەدات و ئەگەری زۆرە نەتوانێت سەرۆکایەتی حکومەت بەدەستبهێنێتەوە.

هەر ئەوەشە وایکردوە کە زیاتر لە هەفتەیەکە نێچیرڤان بارزانی کەوتۆتە جوڵە بۆ دواخستنی هەڵبژاردن و هەفتەی رابردووش لە بەغدا بوو، بەڵام ئەنجامێکی لەسەدا سەدی دەستنەکەوت.

رووی ئەمجارەی نێچرڤان بارزانی لە تارانە و دەیەوێت لەڕێگەی ئێرانییەکانەوە هەڵبژاردن دوابخات و رەزامەندی ئەوان بەدەستبهێنێت.

بڕیارە ئەمڕۆ یەکشەممە نێچیرڤان بارزانی بۆ ئەو پرسە بگاتە تاران و لەگەڵ بەرپرسانی باڵای ئەو وڵاتە کۆبێتەوە.

داوای دواخستنی هەڵبژاردنی پەرلەمانی کوردستان لەکاتێکدایە کە زۆربەی رێکخرا و لایەنە نێودەولەتی و ناوخۆییەکان داوای ئەنجامدانی دەکەن و دواخستنی بە مەترسی بۆ سەر هەرێم دادەنێن.