تەندروستی

شوکولاتە خەمۆکی کەمدەکاتەوە

توێژینەوەیەک لە چین دەریدەخات، شوکولاتە ئەگەری تووشبوون بە لەبیرچوونەوە کەمدەکاتەوە.

توێژینەوەیەکی زانکۆی ژینگ ژۆو لە چین ئاماژە بەوەدەکات، شوکولاتە مادەی دژەهەوکردنی بەهێزی تێدایە کە یارمەتیی پاراستنی خانەکانی مێشک دەدات، بەوەی کە مەترسیی نەخۆشیی ئەلزەهایمەر کەمدەکاتەوە.

د. مێنگ ژون ژانگ، سەرپەرشتیاری توێژینەوەکە دەڵێت: تەنانەت شوکولاتە دەتوانێت سیستمی بەرگریی جەستە بەرزبکاتەوە بەهۆی تایبەتمەندیی دژە هەوکردنی.

سەرپەرشتیاری توێژینەوەکە دەڵێت: مادەی 'تیۆ بڕۆمینی' نێو شوکولاتە رۆڵی هەیە لە باشترکردنی تواناکانی مێشک و دەتوانێت خەمۆکیش کەمبکاتەوە.

بە گوێرەی ناوەندی مایۆکلنیکی پزیشكی لە ئەمریکا، شوکولاتەی رەش چەند تایبەتمەنییەکی هەیە وەکو 'دژەهەوکردن، چالاککردنی سووڕی خوێن، کەمکرنەوەی چەوریی کۆلیستڕۆڵ، کەمکرنەوەی هەوکردنەکان، بەهێزکردنی تواناکانی بڕیاردان و یادگە و دەوڵەمەندیشە بە مادە کانزاییەکان'.

هەواڵ

بۆ دواخستنی هەڵبژاردن دەچێتە تاران

پرسی دواخستنی هەڵبژاردنی پەرلەمانی کوردستان، نێجیرڤان بارزانی سەرۆکی هەرێمی کوردستان و جێگری سەرۆکی پارتی دیموکراتی کوردستان، ناچار دەکات روو لەتاران بکات و لەوێیەوە پرسەکە یەکلایی بکاتەوە.

بەگوێرەی زانیارییەکان، تائێستا ئێرانییەکان، هاوشێوەی کۆمەڵگەی نێودەوڵەتی و لایەنە ئۆپۆزسیۆنە ناوخۆییەکانی هەرێم سورە لەسەر ئەنجامدانی هەڵبژاردن لە 10 ئ حوزەیرانی ئەمساڵدا، بەڵام پارتی دیموکراتی کوردستان دەیەوێت هەڵبژاردنەکە جارێکی دیکە دوابخات.

بەرپرسانی پارتی، کورسی کۆتاکان و هەندێک کێشەی نەخوێندنەوەی پەنجەمۆری دەنگدانیان کردۆتە بیانوو بۆ ئەوەی بەشداری هەڵبژاردنەکە نەکەن و داوای دواخستنی بکەن، بەڵام خوێندنەوەی ئەوەی دەکرێت پارتی بەتەواوی ترسی لە ئەنجامی هەڵبژاردنەکە هەیە و پێیوایە زۆرینەی کورسییەکانی پەرلەمانی کوردستان لەدەستدەدات و ئەگەری زۆرە نەتوانێت سەرۆکایەتی حکومەت بەدەستبهێنێتەوە.

هەر ئەوەشە وایکردوە کە زیاتر لە هەفتەیەکە نێچیرڤان بارزانی کەوتۆتە جوڵە بۆ دواخستنی هەڵبژاردن و هەفتەی رابردووش لە بەغدا بوو، بەڵام ئەنجامێکی لەسەدا سەدی دەستنەکەوت.

رووی ئەمجارەی نێچرڤان بارزانی لە تارانە و دەیەوێت لەڕێگەی ئێرانییەکانەوە هەڵبژاردن دوابخات و رەزامەندی ئەوان بەدەستبهێنێت.

بڕیارە ئەمڕۆ یەکشەممە نێچیرڤان بارزانی بۆ ئەو پرسە بگاتە تاران و لەگەڵ بەرپرسانی باڵای ئەو وڵاتە کۆبێتەوە.

داوای دواخستنی هەڵبژاردنی پەرلەمانی کوردستان لەکاتێکدایە کە زۆربەی رێکخرا و لایەنە نێودەولەتی و ناوخۆییەکان داوای ئەنجامدانی دەکەن و دواخستنی بە مەترسی بۆ سەر هەرێم دادەنێن.