زانست

مێرووەکان چۆن گوڵەکان دەبینن؟

Mic
2021-06-22

بۆ چاوی مرۆڤ باخچەیەکی پڕ لە خونچە وەک تەقینەوەی ڕەنگەکان وایە، گوڵەکان بەشێوەیەک هەوڵدەدەن سەرنجمان
ڕابکێشن کە هەوڵدەدەن گشت ڕەنگەکانی پەلکەزێڕینە دروست بکەن.  
بەڵام لەڕاستیدا ئەوەی هەوڵی بۆ دەدەن سەرنجی ئێمە نیە، بەڵکو سەرنجی مێرووەکانە، کە باشترین جۆری زیندەوەرن بۆ گواستنەوەی هەڵاڵەی ڕووەکەکان. جوانی گوڵەکان وادەکات پیتێنەرەکان(هەنگ، پەپوولە، زەردەواڵە، پەروانە...هتد) ڕابکێشن بەلای خۆیاندا.
گوڵەکان زۆر لەوە زیاترن کە چاوی مرۆڤ دەیانبینێت، زۆرینەی ڕەچەڵەکی بوونەوەرەکان کە هەنگیش یەکێکە لەو بوونەوەرانە، شەبەنگی زیاتری ڕووناکی دەبینن وەك لە ئێمە، ئەمەش دەبێتە هۆی کردنەوەی جیهانێکی تەواو نوێ بەڕوویاندا.
پیتێنەرەکان دەبنە میوانی گوڵەکان و لە شیلەکەی دەخۆنەوە و لەگەڵیدا دەنکەهەڵاڵەکان هەڵدەگرن، لەڕێیی سەردانییان بۆ گوڵەکانی دیکە، دەنکەهەڵاڵەکان بڵاودەبنەوە. 
بەهۆی ئەوەی بەشێک لە مێرووەکان تیشکی سەروو وەنەوشەیی دەبینن، گوڵەکان زنجیرەیەک لە ڕەنگ و شێوازی جووڵە دەکەنەوە بەڕوویاندا کە سەرنجی مێرووەکان ڕابکێشێت بەلای هەڵاڵە و شیلەکانیاندا، گشت ئەمەش شاراوەیە بۆ مرۆڤ.
ئەم وێنانە وەک نموونەیەک وان بۆ تێگەیشن لە شێوازی بینینی مێرووەکان.

بابەتی لێکچو

More News

Most Popular

هەواڵ

دوو کۆبونەوەی باڵا نەیتوانی مووچە دابەشبکات و ئەنجامی دوو کۆبونەوەی دیکە ماوە

Mic
2025-07-14


کۆبونەوەی دادگای باڵای فیدراڵی و کۆبونەوەی لوتکەی یەکێتی و پارتی هیچ هەواڵێکی خۆشیان بۆ مووچە خۆران پێنەبوو، بڕیارە لە 24 کاتژمێری داهاتوودا دوو کۆبونەوەی باڵا لە بەغدا بەڕێوەبچێت و تێدا پرسی موچەی هەرێم تەوەری سەرەکی دەبێت.

ئەمڕۆ 14ـى تەمموز، دادگای باڵای فیدراڵی عێراق تایبەت بە دوو سکاڵا لەبارەی نەناردنی مووچەی هەرێمی کوردستانەوە کۆبووەوە، هەرچەندە موچە خۆران چاوەڕێبوون دادگا بڕیاری ناردنی مووچە بدات، بەڵام دادگاکە بڕیاردانی لەسەر سکاڵاکان بۆ 28ـی تەمموز دواخست.

پرسی مووچەی مووچە خۆرانی هەرێم، ئەمڕۆ پارتی و یەکێتی لە ئاستی باڵادا کۆکردەوە، شاندی یەکێتی بە سەرۆکایەتی بافڵ تاڵەبانی، سەرۆکی یەکێتی لەگەڵ شاندی پارتی بە سەرۆکایەتی مەسعود بارزانی، سەرۆکی پارتی کۆبونەوە.

دوای کۆتاییهاتنی کۆبونەوەکە، راگەیەندراوێکیان بڵاوکردەوە کە بەشێکی تایبەتبوو بە پرسی مووچە و ئاماژە بەوەکراوە، هەموو هەوڵەکان چڕ بکرێنەوە بۆ چارەسەری کێشە و دابینکردنی مووچە شایستە داراییەکانی هەرێمی کوردستان
وابڕیارە ئەمشەو، کۆبونەوەی چوارچێوەی هەماهەنگیی بەڕێوەدەچێت، کە لە لایەنە سەرەکیە شیعەکانی ناو حکومەت پێکهاتووە، سەرۆک وەزیرانی عێراق ئامادەی کۆبونەوەکە دەبێت و پرسی ناردنی مووچەی هەرێم تەواوەرێکی کۆبونەوەکە دەبێت.

سبەینێ، ئەنجومەنی وەزیرانی عێراق کۆدەبێتەوە و تاوتوێی ئەو راپۆرتە دەکات، کە لیژنە وەزارییەکەی حکومەتی عێراق ئامادەی کردووە لەسەر پرسی مووچەی هەرێم.

شێروان دووبەردانی، پەرلەمانتاری فراکسیۆنی پارتی لە پەرلەمانی عێراق بە میدیای حزبەکەی راگەیاندووە، دواخستنی دانیشتنەکەی ئەمڕۆی دادگای فیدراڵی هیچ یاسایی نەبوو، تەنیا نەیانویست بڵێن لە تواناماندا نییە بڕیار بدەین، دواخستنی دادگای فیدراڵی بۆ 28 مانگ پەیامێکی ناراستەوخۆیە کە ناتوانن مووچە بنێرن.

لەبارەی هەڵوێستی فراکسیۆنی پارتی لە بەرامبەر دواخستنی مووچەی فەرمانبەرانی هەرێمی کوردستان وتی: کۆتا وادەی چاوەڕوانیمان یەک هەفتەی دیکەیە و ئەگەر تا ئەو کاتە پرسی مووچەی فەرمانبەرانی هەرێمی کوردستان چارەسەر نەکرێت، هەڵوێستمان دەبێت.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved