ژیان

چه‌ند ئامۆژگارییه‌ك بۆ ساڕێژکردنه‌وه‌ی برینە سۆزدارییەکان و زەبرە دەروونییەکان

ساڕێژکردنی دڵ شکاندن، برین و زەبرە دەروونییەکان کارێکی قورسە، هەندێکجار هەست دەکەیت جارێکی تر ناتوانیت دڵخۆش ببیتەوە، وا دەزانیت لە تاریکییەکدا گیرت خواردووە و هەرگیز نابیتەوە بە کەسەکەی جاران، بەڵام تیپەراندنی ئەم ساتە سەختانە هێندەش سەخت نییە. 

چاکبوونەوە لەم زەبرە دەروونییانە مەحاڵ نییە، بۆیە لێرەدا هه‌شت ئامۆژگاری دەخەینە ڕوو بۆ یارمەتیدان لە پڕۆسەی ساڕێژبوونەوە.

یەکەم: هەنگاوی بچووک بنێ

هەوڵدان بۆ ئەنجامدانی گۆڕانکارییەکی زۆر لە یەکجاردا ئەگەری زۆرە سەرەنجامی پێچەوانە و خراپی هەبێت، ئەمە ڕەنگە وات لێبکات هەست بە شکست و پێشبینی ناواقیعی بکەیت چونکە ئەم گۆڕانکارییانە کاریگەرییەکی کەم بەجێدەهێڵن.

لەلایەکی ترەوە هەنگاوی بچووک و ورد هەستی سەرکەوتن، هاندان و هیوات پێدەبەخشن کە ئەمەش بۆ پڕۆسەی ساڕێژبوون زۆر گرنگە.

دووەم: ساڕێژبوون یان ساڕێژنەبوونی تەواوەتی

زۆربەی خەڵک وا دەزانن دەبێت بە تەواوەتی لەو برینە سۆزدارییانە ڕزگارت ببێت یان بە پێچەوانە، ئەمەش لە بنەڕەتدا هەڵەیە. پێویست ناکات لە 100٪ چاک ببیتەوە بۆ باشترکردنی کوالێتی ژیانت، چونکە ئەم جۆرە بیرکردنەوەیە دەکرێت بتڕوخێنێت و خاوت بکاتەوە.

هەر هەوڵدانێکت بۆ چاکبوونەوە، گۆڕان لە جۆرییەتی ژیانتدا دروست دەکات، هەربۆیە هەنگاوی هێواش و بچووک بە دڵنیاییەوە گۆڕانکاری لە میزاجت، پەیوەندیەکانت و کاروباری ڕۆژانەت درووست دەکات.

سێیەم: ئارامگر و بەردەوامبە

ئەم پڕۆسەیە هەوڵدانی زۆری دەوێت، بۆیە پێویستە ئارامگربیت و ڕێگە بە کاتی پێویست بدەیت بۆ ساڕێژبوونەوەی برینەکانت. هەروەها دەبێت ئاڵەنگاری خۆت بکەیت و ڕێگەی نوێ تاقیبکەیتەوە.

چوارەم: پێشبینی واقیعی دابنێ

دەگونجێت خەیاڵ و ئامانجی خێرا و گەورە بێ هیواکەر بێت، ئەمەش خراپترت دەکات نەک باشتر.

لە کاتی ساڕێژبوونەوەدا هەندێکجار دوو هەنگاو دێیتە دواوە و دانەیەک دەچیتە پێشەوە، ئەمە دۆڕان نییە بەڵکو ڕاستییە. ئەم بیرکردنەوە واقیعییە لەپاڵ ئارامگری و بەردەوامی بەرەوپێشت دەبات تا لە کۆتاییدا بە ئەنجامی باشتر دەگەیت.

پێنجەم: کەوتنەکانت دەرفەتی فێربوونن و بەشێکن لە پڕۆسەکە

هاتنە دواوە و کەوتن ئاساییە، نەک تەنها ئاسایی بەڵکو زۆر گرنگیشن. ئێمە زیاتر لەوشتانەوە فێردەبین کە سەرناگرن بەراورد بەوانەی سەردەگرن، هەربۆیە لە جیاتی خۆلادان لە کەوتن و شکست هەوڵبدە وەک بەشێک لە پڕۆسەکە قبوڵی بکەیت و لێوەی فێربە.

شەشەم: خوود گرنگیپێدان پێش هەموو شتێکە

چاکبوونەوە لە زەبری دەروونی ڕەنگە ماندووکەر بێت بۆ جەستە و دەروون، گرنگە ئاگاداری خۆت بیت و کات تەرخان بکەیت بۆ پاراستنی جەستەت لە هەموو ئەو قورسیانەی دەروونت بۆی دروست دەکەن وەک سەرئێشە و ماندوێتی..هتد تا بتوانیت بەشێوەیەکی تەندرووستانە گۆڕانکاری لە خۆتدا بکەیت.

حەوتەم: داوای یارمەتی بکە و قبوڵی بکە

ئەم پڕۆسەیە مەرج نییە بەتەنها ئەنجام بدرێت. داواکردنی یارمەتی ئاسان نییە، بەتایبەتی کاتێک پێشووتر لەلایەن چواردەورت ئازار درابیت.

لەگەڵ ئەوەشدا داواکردنی یارمەتی سوودی زۆرە وەک پشتگییری سۆزداریی، ڕێنیشاندان و زاڵبوون بەسەر شەرمدا.

هەشتەم: بگەڕی بۆ سەقامگیریی دەروونی

ساڕێژبوون مەحاڵە ئەگەر لە ڕووی جەستەیی و دەروونییەوە هەست بە پارێزراوی نەکەیت. کاتێک تووشی زەبرێکی دەروونی دەبیت سیستەمی دەروونیت دەیەوێت پارێزگاریت لێبکات.

زۆرجار ئەمە پشتگوێ دەخەیت و تەنها سەرنج دەخەیتە سەر ئەو ئازارەی تووشت دەبێت، هەربۆیە قورس دەبێت مامەڵە لەگەڵ دەوروبەر بکەیت و هەست بە لاوازی دەکەیت. بۆیە گرنگە لە ئاماژەکانی جەستەت تێبگەیت کە دەیەوێت پارێزگارییت لێبکات و پێویستە بەقسەی بکەیت.

هەواڵ

موقتەدا سەدر هەڵبژاردن رەتدەکاتەوە و چاوەڕێی دوو ئەگەرە

سەرەڕای کشانەوەی لە پرۆسەی سیاسی و بەشدارینەکردنی لە هەڵبژاردنی داهاتووی پەرلەمانی عێراق، بەڵام موقتەدا سەدر هێشتا مۆتەکەی دەسەڵاتدارانی عێراقە، ئەمەش وایکردووە لەلایەک چاویان لەسەر هەڵبژاردن بێت و لەلایەکیش چاویان لەسەر سەدر بێت، خودی موقتەدا سەدریش چاوەڕێی روودانی دوو ئەگەرە لە عێراق.

موقتەدا سەدر سەرکردەی ڕەوتی سەدر، هێشتا یەکێکە لە گەورەترین مەتەڵە سیاسییەکان، کە ڕووبەڕووی نەیارەکانی دەبێتەوە لە چوارچێوەی هەماهەنگیدا، یان تەنانەت لایەنگران و هاوپەیمانە نزیکەکانی.

لەدوای بڕیارە بەناوبانگەکەی سەدر بۆ کشانەوەی کوتلە پەرلەمانییەکەی کە خاوەنی 72 کورسی پەرلەمانی بوو، لە هاوینی 2022 و راگەیاندنی ڕەتکردنەوەی کارکردن لەگەڵ "گەندەڵکاران" کە مەبەستی چوارچێوەی هەماهەنگی بوو، پێشبینیەکان سەبارەت بە هەنگاوی داهاتووی سەدر بەردەوام مشتومڕی لە نێوان سیاسەتمەداران و شیکەرەوەکان و تەنانەت هاوڵاتیانی ئاسایی دروستکردووە.

موقتەدا سەدر لە هەموو پەیامەکانیدا سەبارەت بە کشانەوەی لە پرۆسەی سیاسی و هەڵبژارد، تەنها ئاماژەی بە چینێکی گەندەڵی دەسەڵاتدار کردووە، بەبێ ئەوەی هیچ نیازێکی تری خۆی بخاتەڕوو، بەڵام سەرکردەویەکەی چوارچێوەی هەماهەنگی خواستی سەدر ئاشکرا دەکات.

سەرکردەیەک لە چوارچێوەی هەماهەنگی کە نەیویست ناوی ئاشکرا بکرێت، بە ڕۆژنامەی «الشرق الأوسط»ـى راگەیاندووە، سەدر سیستەمێکی دەوێت کە لەگەڵ تێڕوانینی خۆیدا بگونجێت، کە لەوانەیە لەگەڵ تێڕوانینی ئەوانی تردا نەگونجێت.

ئەو سەرکردەیەی چوارچێوەی هەماهەنگی پێیوایە، کشانەوەی ئێستای موقتەدا سەدر لە پرۆسەی سیاسی و بایکۆتی هەڵبژاردن، لەم دیدگایەوە سەرچاوە دەگرێت نەک ڕق لە کاری سیاسی.

ئاماژە بە پێگە و بەهێزی سەدر دەکات لە دەرەوەی پرۆسەی سیاسی و دەڵێت: لەوانەیە یارییەکە بە تەواوی بگۆڕێت تەنانەت ئەگەر لە پێشبڕکێی هەڵبژاردنیش دوور بێت، هەر بۆیە، چوارچێوەی هەماهەنگی چاوێکیان لەسەر هەڵبژاردنەکان و چاوەکەی دیکەش لەسەر سەدرە.

لەگەڵ ئەوەی لایەنەسیاسییەکان و چاودێرانی سیاسی پێیانوابوو، سەدر لە چوار ساڵی رابروودا، شەقامی لە بەرژەوەندی خۆی ساز و ئامادەکردووە بۆ چوونە سەر سندوقەکانی دەنگدان، بەڵام لە بڕیارێکی چاوەڕواننەکراودا، سەدر بایکۆتکردنی هەڵبژاردنی راگەیاند، هەرچەندە سەرۆک کۆماری عێراق بە فەرمی داوای لێکرد بە بڕیارەکەیدا بچێتەوە، بەڵام ئەو سوربوو لەسەر بڕیارەکەی.

لە ناوەڕاستی مانگی تەمووزی ساڵی ڕابردوودا، موقتەدا سەدر بڕیارێکی دەرکرد بۆ دوورخستنەوەی 31 کەس لە بزووتنەوەکە و باڵی سەربازی سەرایا سەلام، بەهۆی ئاماەکارییان بۆ بەشداریکردنیان لە هەڵبژاردنەکانی داهاتوودا.

سەرکردەیەکی رەوتی سەر بە رۆژنامەی «الشرق الأوسط»ـى وتووە، ڕەوتی سەدر پشتگیری لە هیچ لیست و کاندیدێک ناکات لە هەڵبژاردنەکانی داهاتوودا، ئەو سەرکردەیە ڕەتی دەکاتەوە پێشبینی هەنگاوەکانی داهاتووی سەدر بکات و دەڵێت: هەموو شتێک دەگونجێت، بەڵام کەس نازانێت چۆن و کەی ڕوودەدات.

ئەو سەرکردەیە ئاماژەی بەوەکردووە، کە سەدر درکپێدەکات و گرەو لەسەر ئەگەری داڕمانی چوارچێوەی هەماهەنگی دەکات بە تێپەڕبوونی کات، چونکە بڕوا وایە سیستەمی سیاسی ئێستا بە ئاسانی چاکسازی ناکرێت.

دەشڵێت: سەدر هەموو جۆرە کارێکی سیاسی تاقیکردۆتەوە. بەشداری کردن لە پەرلەمان و کشانەوەی لێی و بەشداریکردن لە حکومەت و کشانەوەی لێی و هەروەها دژایەتیکردنی چالاکی لە شەقامدا و پێدەچێت گەیشتووەتە ئەو ئەنجامەی کە ئەم سیستەمە توانای چاکسازی نییە.

یەکێکی تر لەو ئەگەرانەی کە سەدر چاوەڕێی دەکات، شوێنگرتنەوەی عەلی سیستانی مەرجەعی باڵای شیعەکانە لە عێراق، خودی سەدریش خواستی خۆی بۆ جێگرتنەوەی نەشاردووەتەوە و بەپێی بنەماکانی مەزهەبی شیعە، موقتەدا سەدر هەموو مەرجەکانی تێدایە.