ژیان
كتێبى (گومان له‌چاو) چۆن لێكۆڵینه‌وه له فۆتۆ و ڤیدیۆ بكه‌ین ؟
2022-05-23
نوسه‌رى كتێبه‌كه رێبوار ئه‌وڕه‌حمان هه‌وڵیداوه له‌رێگه‌ى ئه‌زمونى كارى میدیایى و رۆژنامه‌وانیى خۆى تیشكێك بخاته‌سه‌ر بواره جیاوازه‌كانى كارى ڕۆژنامه‌نوسیى له‌بواره‌كانى چاپكراو و ڕادیۆ و ته‌له‌فزیۆن به‌تایبه‌تیش كاتێك نوسه‌ر به‌رپرسیارێتیى هه‌بوه وه‌ك لێپرسراوى ناوه‌ندى هه‌واڵ و به‌رنامه‌كانى كه‌ناڵێكى گه‌وره‌ى وه‌ك ئێن ئاڕتى كه چۆن ڕووبه‌ڕووى كێشه‌ى ده‌ستكه‌وتنى وێنه‌و گرته‌ى ڤیدیۆیى ئه‌و ڕووداوانه بونه‌ته‌وه كه ئه‌وان له‌كاتى كاركردندا تیشكیان خسته‌وه‌ته سه‌ر.
نوسه‌ر به‌پێى ئه‌زمونى خۆى باسى له‌وه كردوه كه ئه‌و وێنه‌و گرته ڤیدیۆیى و ده‌نگانه‌ى له‌ڕێگه‌ى تۆڕه كۆمه‌ڵایه‌تیه‌كانه‌وه بڵاوده‌كرێنه‌وه, ده‌كرێت هه‌ندێكیان ببنه سه‌رچاوه‌ى باش و به‌شێكیشیان ببنه چه‌كێكى ترو له‌نێو ئه‌و فه‌وزا سیاسی و ئیداریه‌ى كوردستان, وه‌ك چه‌كێك دژى نه‌یاره سیاسیه‌كان و كه‌سایه‌تیه دیاره‌كانى كۆمه‌ڵگه به‌كاربهێنرێن.
نوسه‌ر ده‌ڵێ به‌شاهیدى ده‌وروبه‌ره‌كه‌ى و ئه‌وانه‌ى كارى له‌گه‌ڵ كردون, هه‌میشه وردبینى كاركردنى خستوه‌ته پێش هه‌موو شتێكى تره‌وه.
هه‌ر بۆیه به‌شێك له‌ڕۆژنامه‌نوسان و ده‌زگاكانى ڕاگه‌یاندن له‌پێناو زوو دابه‌زینى هه‌واڵ و گرته‌و وێنه‌كان, هه‌ڵپه‌ده‌كه‌ن و وێنه‌و گرته ڤیدیۆییه‌كان, بێ هیچ به‌دوادواچون و لێكۆڵینه‌وه‌یه‌ك داده‌به‌زێنن, ئه‌وه‌ش گرفت و كێشه‌ى یاسایى لێده‌كه‌وێته‌وه.
نوسه‌ر رێبوار ئه‌وڕه‌حمان له‌پێشه‌كى كتێبه‌كه‌یدا ڕه‌خنه له‌كه‌ناڵ و ده‌زگاكانى ڕاگه‌یاندن ده‌گرێت و ده‌ڵێ كه‌میان هه‌یه وۆركشۆپ و به‌دواداچون و لێكۆڵینه‌وه‌ى ورد رێكبخه‌ن بۆ ڕۆژنامه‌نوس و كارمه‌نده‌كانیان و ده‌وڵه‌مه‌ندیان بكه‌ن به زانیارى و زانستى نوێ له‌بواره جیاكانى میدیا.
نوسه‌ر له‌كتێبه‌كه‌یدا هه‌وڵیداوه ڕۆژنامه‌نوس به‌و میكانیزم و ئامرازانه ئاشنا بكات كه‌ده‌توانێت له‌ڕێگه‌یانه‌وه لێكۆڵینه‌وه له‌وێنه‌یه‌ك یاخود گرته‌یه‌كى ڤیدیۆیى بكات كاتێك له‌سۆشیال میدیا بڵاوده‌كرێنه‌وه, تا بتوانرێت به‌وردیى‌و ڕاسترین زانیارى بگه‌یه‌نرێته وه‌رگران.
له‌م كتێبه‌دا زانیاریه‌كان و وشه‌كان به‌زمانێكى ساده نوسراون و هه‌وڵدراوه له‌به‌كارهێنانى ئه‌و زاراوانه‌ى په‌یوه‌ست به‌سایت و بزوێنه‌ره‌كانه, ئه‌و وشانه به‌كاربهێنرێن كه‌له‌ناو خه‌ڵكدا زۆر باوه‌و ئاسانن له‌سه‌ر زمانى خه‌ڵك.
هه‌روه‌ك نوسه‌ر پۆزشى هێناوه‌ته‌وه بۆ ئه‌وه‌ى كه‌ناوى هه‌ندێك ده‌زگاو ناوه‌ندى ڕاگه‌یاندنى هێناوه له‌كتێبه‌كه‌یدا, مه‌به‌ست شكاندن و سوكایه‌تیى نه‌بوه, به‌ڵكو ئامانج لێى خستنه‌ڕووى تێپه‌ڕبونى چه‌ند هه‌ڵه‌یه‌ك بوه له‌نێو ئه‌و ده‌زگاو ناوه‌نده ڕاگه‌یاندنانه‌ى هه‌ڵه تیایاندا تێپه‌ڕیوه‌و كاریگه‌ریشى له‌سه‌ر وه‌رگر دروستكردووه.
(گومان لەچاو)
كتيَبيَكى گرنگ بۆنرۆژنامەنووسان
نووسین و ئامادەکردنی: رێبوار ئەورەحمان
یەکەمین کتێب لەبواری لێکۆڵینەوە لە وێنە و ڤیدیۆی دروستکراو
More News
 copy.jpg)
Most Popular
تەندروستی
بەکارهێنانی مەیکەپی دژە ئاو مەترسیدارە؟
2025-10-04
توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.
ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.
