زانست

بۆ یەكەم جار ناسا لە ئوسترالیاوە كەشتی ئاسمانی ڕەوانەی بۆشایی دەكات

ڕۆژی دووشەمە ناسا یەكەم كەشتی ئاسمانی خۆی لە ئوسترالیاوە ڕەوانەی بۆشای ئاسمانكرد،ناسا دەڵێت ئەم كەشتیە ئاسمانیە ڕێگە بە توێژینەوەكانی فیزیایی ئەستێرەناسی دەدات كە تەنها دەتوانرێت لە نیوەگۆی باشوردا ئەنجام بدرێت.
ڕەوانەكردنی ئەم موشەكەی ناسا یەكەم جار بوو لە ئوسترالیادا لەماوەی ٢٥ ساڵدا، موشەكەكە یەكەم موشەكە لە سێ موشەكەكی ناسا كە لە ڕێڕەوی ناوەندی ئاسمانی تازە دروستكراوی ئارنهیم لە لێواری خاكی باكوور ڕەوانەكراوە.
دریژی موشەكەكە ١٣ مەترە، هەروەها ئەو زانیاریانەی لەو موشەكەوە كۆكراونەتەوە بە وتەی زانایان لە ئاژانسی ناسا هاوكاردەبن بۆ لێكۆڵینەوە لەسەر ئەو ئەستیرانەی كە ٤٣٠ ملیۆن ساڵی ڕووناكی لیمانەوە دوورە.
هەروەها زانایان هیواخوازن كە بتوانێت یارمەتییان بدات لە لیكۆڵینەوە لە كاریگەری ڕووناكی ئەستێرەیەك لەسەر توانای نیشتەجیبوونی هەسارە نزیكەكان.
تەماشاكەرانی مووشكەكە ئاماژەیان بەوەداوە ماوەی سەرنجدانی موشەكەكە پێش ئەوەی لەچاو ونبێت ١٠ چركەی خایاندووە،مووشەكەكە دوای ١٥ خولەكی پلان بۆ داڕێژراو كەوتەوە سەرزەوی.
ئەمە یەكەمجارە ناسا لەڕێگەی وڵاتێكی دیكەوە جگە لە ئەمریكا كەشتی ئاسمانی ڕەوانەی بۆشایی ئاسمان بكات.

هەواڵ

راپرسییەک بۆ پێوانەکردنی ئاستی دابڕانی کلتوریی لە هەرێمی کوردستان

دامەزراوەی ڤیژن فاوندەیشن، بۆ لێکۆڵینەوەی ستراتیژی، کار لەسەر پرۆژەیەک دەکات بۆ پێوانەکردنی ئاستی دابڕانی کلتوریی لە ناوچە جیاجیاکانی لە هەرێمی کوردستان، بۆ ئەومەبەستە فۆرمێکی ئەلیکترۆنی بڵاودەکاتەوە.

لە پێناسەی پرۆژەکەدا دامەزراوەی ڤیژن ئاماژە بەوەدەکەن، "کۆمەڵگای کوردستانی لە هەرێمی کوردستان سەرەڕای بوونی ژێرخانێکی دەوڵەمەندی کلتووری و تۆڕێک پەیوەندی هەمەجۆر لەناو کۆمەڵگاکەماندا، بەڵام هێشتا بەربەست و گرفتی گەورەی ناوخۆیی و بگرە جۆرێک لەدابڕانی کلتوریش هەیە، کە دەکرێ وەکو مەترسی سەیر بکرێ، بۆ هاوبەشی و یەکگرتویی کۆمەڵگا".

ئاماژە بەوەکراوە کە ئەو ناوچانەی هەرێمی کوردستان کە بە "شێوەزاری بادینی" دەدوێن و دەنوسن و دەخوێننەوە، لەگەڵ ئەو ناوچانەی کە بە "سۆرانی" دەدوێن و دەنوسن و دەخوێننەوە دابڕانە کلتورییەکە زیاتر بەدیدەکرێت.

ئامانجی پرۆژەکە دەرخستنی راستی و روونی و قەبارەی ئەو دابڕانە کلتووریەی لە نێوان ناوچە جیاوازەکانی هەرێمی کوردستاندا هەن، بۆ دەستنیشانکردنی بەربەست و رێگرییەکانی بەردەم ئاڵوگۆڕی کلتوورییە.

بەپێی پرۆژەکەی دامەزراوەی ڤیژن، لەکۆتاییدا پەڕاوێکی پێشنیاز بۆ حکومەتی هەرێمی کوردستان و پەرلەمان ئامادەدەکرێت و لەپێناوی "گەشەپێدانی کلتووری و چارەسەرکردنی گرفت و لابردنی بەربەستەکان". 

لێرە دەتوانیت فۆرمەکە پڕبکەیتەوە:

https://docs.google.com/forms/d/e/1FAIpQLSdJmmTCgpRhFI-5XhJlNMNmci6tLRQdgDAm7DtiRf_pbr5sHw/viewform?pli=1