ژیان
مارمێلكە خەریكە پەیوەندیەكانی میسر و ئیسرائیل تێكدەدات
2022-10-02
بڵاوبوونەوەی جۆرە مارمیلكەیەكی میسری لەناوچە نیشتەجێبوونەكانی ئیسرائیل كە هاوسنوری میسرن خەریكە پەیوەندیەكانی ئەو دوو وڵاتە تێكدەدات، هەرچەندە میسر رایگەیاندووە كە ئەوجۆرە مارمێلكەیە چەندین ساڵە لەوڵاتەكەیان دەژی و كێشەی نییە بەڵام ئیسرائیلیەكان بە مەترسی ناودەبەن.
بڵاوبوونەوەی مارمێلکەی میسری لە کۆمەڵگەکانی نیشتەجێبوونی ئیسرائیل کە هاوسنوورن لەگەڵ ئەو وڵاتە، ئیسرائیلییەکانی نیگەرانکردووە، هۆشداری دەدرێت لەوەی ئەو مارمێلکەیە کە چۆلەکەش دەخوات، هاوسەنگیی ژینگەیی لە ئیسرائیل تێکبدات، بەڵام وەزارەتی کشتوکاڵی میسر رەتیدەکاتەوە مەترسییەکانی مارمێلکەکان مەترسی بن و دەڵێت: لە کۆنەوە مارمێلکەکە لە میسر دەژی و کێشە نەبووە.
لە دوایین هەوڵەکانی ئەو وڵاتە بۆ لەناوبردنی مارمێلکەکە، دەستەی سرووشت و پارکەکانی حکومەتی ئیسرائیل داوای یارمەتی لە هاووڵاتییانی نیشتەجێی باشووری وڵاتەکە دەکات بۆ ئەوەی شوێنی بڵاوبوونەوەی ئەو مارمێلکەیە بدۆزنەوە.
مەترسییەکان لەو مارمێلکە بۆ ئەوە دەگەڕێتەوە زۆر دڕندەیە و لە قەبارەدا گەورەترە و هەموو شتێک دەخوات و خێرا زاوزێ دەکات و هەموو خشۆکەکانی دیکە و مێرووەکان و هەرچییەک لە خۆی بچووکتر و هەندێکجار گەورەتریش بێت دەخوات.
بەوتەی بەرپرسانی ئیسرائیل، مارمێلکەی میسری دوور نییە لە ئایندەدا ببێتە هۆکارێک بۆ تێکدانی پەیوەندییەکانی ئەو دوو وڵاتە، رۆژنامەی "یەدیعۆت ئەحرەنۆت"ی ئیسرائیلی بڵاویکردووەتەوە: جەنگ لە دژی دووژمنەکان بۆ ئیسرائیل تەنیا پسپۆڕیی هێزە ئەمنییەکانی ئیسرائیل نییە، وەکو ئاماژەیەک بۆ ترسناکیی مارمێلکەکە.
More News
 copy.jpg)
Most Popular
-
شەڕی هیندستان و پاکستان ئاسایشی جیهان دەخاتە مەترسییەوە
هەواڵ2025-05-07
1
-
عێراق ڕۆژانه ملیۆنێک دۆلار له دەستدەدات بەهۆی خۆڵبارینەوه
هەواڵ2025-05-07
2
-
دابەشکردنی مووچە دواکەوت.. بەغدا بۆ مووچەی هەرێم نانێرێت؟
هەواڵ2025-05-06
3
-
لەسەر دواکەوتنی مووچە هەولێر و بەغدا دەتوانن یەکتر بدەنە دادگا
هەواڵ2025-05-10
4
-
ڤیدیۆی ناو زیندانەکانی عێراق وەزارەتی داد رووگیردەکات
هەواڵ2025-05-10
5
-
پەرلەمانی کوردستان دەخرێتەوە ژێر رەحمی چەکوشی دادگای فیدراڵی عێراق
هەواڵ2025-05-08
6
-
ڤیدیۆی هۆکاری خۆڵبارینەکەی ئەم چەند رۆژە، "رادیۆ بوو"
هەواڵ2025-05-07
7
هەواڵ
ڤیدیۆی ناو زیندانەکانی عێراق وەزارەتی داد رووگیردەکات
2025-05-10
لەناو زیندانەکانی عێراقەوە ڤیدیۆی
توندوتیژییەکانی تاوانباران بڵاودەبنەوە کە بەبێ ئاگاداریی ئیدارەی گرتووخانەکان،
دەستدرێژیی دەکەنە سەر یەکتریی و بە مۆبایل وێنەی دەگرن و پاشان لە تۆڕە
کۆمەڵایەتییەکان بڵاویدەکەنەوە.
کەسێک ناوی "باسمی نەجەف"ە، تاکێک
پێڵاوی بەدەستەوەیە و دەیکێشێت بە شان و ملی زیندانییەکانی دیکەدا لە گرتووخانەی تاجی و بەجوێن و قسەی ناشرین سوکایەتییان پيدەکات.
ڤیدیۆکە مێژووەکەی دەگەڕێتەوە بۆ مانگێک
لەمەوبەر، کاتێک تۆمارکراوە کە توانراوە ئەو کەسە دەستگیربکرێت کە ویستویەتی
ماددەی هۆشبەر بگەیەنێتە دەستی زیندانییەکان.
بەڕێوەبەرێتی چاکسازییەکان عێراق، جەخت لەوە
دەکاتەوە کە لەڕێگەی کامێرای چاودێرییەوە لەکاتی خۆیدا روداوەکەیان بینیوە و سزای
یاسایی ئەو کەسانەش دراوە کە مۆبایل و کەرەستەکانی بەنهێنی گەیاندووەتە دەستی
زیندانییەکان.
هەروەها لە ڤیدیۆیەکی دیکەدا، زیندانییەکان
بەشێوەیەکی نائاکاریی پاڵکەوتوون و وا دەردەکەوێت کە سوکایەتی بە کەسێتیی یەکتریی
دەکەن.
دیمەنەکان زۆر بەخێرایی بون بە ترێند لە تۆڕە
کۆمەڵایەتییەکان و وەزارەتی دادی عێراقی ناچارکرد روونکردنەوە لەوبارەیەوە
بڵاوبکاتەوە.
وەزارەتی داد، کە وەزیرەکەی کوردە و ناوی خالید شوانییە، ئەگەرچی ئەوە پشتڕاستدەکەنەوە کە دیمەنەکان لە
زیندانەکاندا تۆمارکراون، بەڵام جەخت لەوە دەکەنەوە کە "زۆرینەی ئەو
ڤیدیۆیانە کۆنن".
سەبارەت بە ڤیدیۆ تازەکانیش وەزارەتەکە
دەڵێت: "دەستیان بە لێکۆڵینەوە کردووە بۆ زانینی هۆکاری بڵاوکردنەوەی ئەو ڤیدیۆیانە".
بەپێی ئامارەکانی وەزارەتی داد، 300٪ی
زیندانەکانی عێراق پڕبون لە سزادراو، بە واتایەکی دیکە زیندانەکان سێهێندەی توانای
ئاسایی خۆیان سزادراویان تێدا گلدراوەتەوە.
