ژیان
هۆکار چییە گومان لە تواناکانی خۆت دەکەیت؟
2023-11-18
گەورەترین پەشیمانی كە كەسێك لە داهاتو هەیبێت ئەوەیە،
"ئەو ژیانە نەژیا كە دەیویست، بەڵكو دەیویست لە ئاستی چاوەڕوانی كەسانی
دیكەدا بێت"، ئەمەش بەهۆی زۆر بیركردنەوەی لە كەسانی دیكە، گومانی لە
تواناكانی خۆی بۆ دروستدەبێت.
ماڵپەڕی tracking happiness سێ هۆكاری بڵاوكردوەتەوە كە
وایكردوە بەردەوام گومانت هەبێت لە خۆت:
1. كەمیی متمانە بەخۆبون
ئەو كەسانەی متمانەیان بە خۆیان نییە، بەردەوام پێیان وایە
تواناكانیان لە ئاستی پێویستدا نییە، دەكرێت هۆكاری كەمیی متمانە بەخۆبون پەیوەندی
بە شێوازی پەروەردە، پەیوەندی ژەهراوی، ئەزمونی ژیان؛ وەكو بونی روداوێكی ناخۆش،
یان دۆخی جەستەیی و دەرونی بێت.
2. ئەزمونی ناخۆشی رابردوو
كاتێك لە رابردو ئەزمونێكی ناخۆشت هەبوە، وادەكات بەردەوام
هەست بكەیت تواناكانت لە ئاستی پێویستیدا نین، دەكرێت كەسێك رەخنەی لێگرتبیت،
یاخود هەڵەیەكت كردبێت، بەڵام دەبێت بزانیت هەموان ئەزمونی ناخۆش تێدەپەڕێنن،
ئەنجامدانی هەڵەیەك لە رابردو واتای ئەوە نییە كەسێكی بێ توانا بیت.
3. ترس لە شكست
هەموان ئەم ئەزمونەیان كردوە، بەڵام لە كەسێكەوە بۆ كەسێكی
دیكە ترسەكە زیاد یان كەم دەكات، زۆركات بەهۆی ئەم ترسە زۆر دەرفەتی گرنگی ژیانیان
لەدەست دەدەن، بەڵام گرنگە بزانن، لە داهاتودا پەشیمان دەبنەوە لەوەی كە هەوڵیان
نەداوە بۆی، نەك ئەوەی هەوڵیان داوە.
More News
 copy.jpg)
Most Popular
تەندروستی
بەکارهێنانی مەیکەپی دژە ئاو مەترسیدارە؟
2025-10-04
توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.
ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.
