ژیان

یەک لە سەیرترین تەکنەلۆجیای جیهان

مۆدێلی 360 لە زنجیرەی قەرەوێڵەی کۆمپانیای دۆشەکی اسلیپ نامبر(Sleep Number) دەتوانێت خەوتنت ئارامتر و ئاسوودەتر بکات.
دەتوانیت ڕێکخستنەکانی ئەم جێگایە بەپێی ئارەزووەکانت بگۆڕیت بۆ ئەوەی شێوازی خەوتنت تۆمار بکات و پێشنیاری تایبەت پێشکەش بکات بۆ باشترکردنی کوالێتی خەوتنت، ئەم جێگایە بە درێژایی شەو بە تێکەڵەیەک لە هەستەوەرەکان و ئەلگۆریتمەکانی جیاواز دۆخی خەوتن و لێدانی دڵ و شێوازی هەناسەدانت تۆمار دەکات و پشکنین دەکات، بەم شێوەیە ڕەقبوون و بەرزی و پلەی گەرمی دۆشەکەکە بە شێوەیەکی ئۆتۆماتیکی ڕێکدەخرێت بۆ ئەوەی ئەزموونی خەوتنت باشتر بێت.

هەروەها بە بژاردەی “Foot Warming” دەتوانیت پێیەکانت گەرم و ئاسوودەیی بهێڵیتەوە، هەروەها بە بژاردەی “Smart Alarm” دەتوانیت لە باشترین کاتدا بە پشتبەستن بە شێوازی خەوتنت لە خەو هەڵبستیت. جگە لەوەش بژاردەی “دۆزینەوەی پرخه” دەتوانێت یارمەتیدەر بێت لە کەمکردنەوەی پرخه کردن بە ڕێکخستنی بەرزی جێگاکە.
ڕەنگە بەکارهێنانی ئەم جێگایە بۆ تۆ ئایدیاڵ بێت، بەڵام دەبێت لە نێوان هەزار بۆ پێنج هەزار دۆلار بۆ مۆدێلە جیاوازەکان خەرج بکەیت، لەکاتێکدا کێشەکانی خەوتن لەوە ئاڵۆزتر دەبن، وە ئەگەر پرسێکی گرنگ لە مێشکتدا بێت، ڕەنگە ڕێکخستنی پلەی گەرمی جێگاکە چارەسەری تۆ نەبێت.

زانست

ئایا ماسی دوای بەستنی دووبارە زیندوو دەبێتەوە؟

لە بابەتێکی ماڵپەڕی " earthdate" دا باس لەوە دەکات کە ماسی بە گشتی توانای خۆگونجاندن لەگەڵ گۆڕانی پلەی گەرمیدا هەیە و دەتوانێت لە ئاوی سارددا بۆ ماوەیەکی زۆر بژی، بەڵام ئەگەر ئاوێک بە تەواوی بەستوو بێت، ئەگەری ئەوە هەیە هەندێک لە ماسییەکان بمرن.
لێرەدا پرسیارەکە ئەوەیە چۆن ماسییەکان لە دەریاچە بەستووەکان و ئاوەکانی ناوچە جەمسەرییە سەهۆڵاوییەکانی زەویدا دەژین؟
ماسییەکان کۆمەڵێک ستراتیژی بەکاردەهێنن بۆ مانەوەیان لە ژیاندا، ئەوانیش بریتین لە:
- خاوبوونەوەی میتابۆلیک، ماسی دەچێتە دۆخێکەوە پێی دەوترێت "torpor" ئەمەش هاوشێوەی خەوی زستانەیە، بەڵام بەو شێوەیە قووڵ نییە، پلەی گەرمی جەستەیان لەگەڵ پلەی گەرمی ئاوەکەدا دادەبەزێت و لێدانی دڵ و هەناسەدان و ئاستی چالاکی و جوڵەکانی بە شێوەیەکی سەرنجڕاکێش کەم دەبنەوە، بەم شێوەیەش وزە دەپارێزێت چونکە جەستەیان پێویستی بە جوڵە نییە.
- دەڕۆنە قووڵاییەکی زۆرترەوە، زۆرێک لە جۆرەکانی ماسی دەچنە ناوچە قووڵاییەکانی دەریاچەکانەوە کە پلەی گەرمی ئاوەکە جێگیرتر دەمێنێتەوە و کەمتر ئەگەری بەستنی تەواوەتی هەیە، ئەمەش ماسییەکە دەپارێزێت وادەکات لە ژیاندا بمێنێتەوە.
- کەمبوونەوەی ئارەزووی خواردن، بەو پێیەی ئاستی چالاکییەکانیان زۆر کەم دەبێتەوە، ماسییەکان پێویست ناکات لە وەرزی زستاندا وەکو جاران خۆراک بدۆزنەوە، لەوانەیە زۆر کەم بخۆن یان پشت بە وزەی یەدەگی خۆیان ببەستن.
- گونجاندنی فیزیۆلۆژی، هەندێک جۆری ماسی گونجانی تایبەتیان لە جەستەیاندا هەیە کە یارمەتیان دەدات لە سەرمادا بمێننەوە، بۆ نموونە هەندێکیان پرۆتینی دژە بەستن لە خوێنیاندا هەیە کە ڕێگری لە بەستنی خانەکانیان دەکات.
هەر بۆیە بە بەکارهێنانی ئەم ستراتیژانە، ماسییەکانی دەریاچە بەستووەکان دەتوانن وزەی خۆیان بپارێزن و لە بارودۆخی سەختی زستاندا بژین تا بەهار دێت.