ژیان

خانمێک هۆتێلێکی تایبەت بە مریشکەکان دەکاتەوە

خانمێکی بەریتانی ئارەزوویەکی زۆری بۆ باڵندە هەیە، هۆتێلێکی تایبەتی کردووەتەوە بۆ گرنگیدان بە مریشک، کە تاییدا مامەڵەیەکی نایابیان لەگەڵدا دەکرێت و خواردنەکانیان بە ئاوازی بیۆنسێوە دەخۆن، ئەمەش وایکردووە ئەم مریشکانە بەختەوەرترین بن لە جیهانی ئاژەڵەکاندا.

بەپێی ڕۆژنامەی "زە سەنی" بەریتانی کاتریۆنا شوفلینی تەمەن ٣١ ساڵ بۆ هەر شەوێک ٣ پاوند (٣.٨ دۆلار) وەردەگرێت بۆ مانەوە پەلەوەرەکان لە هۆتێلەکەدا کە ناوی "Hen Weekend Chicken Boarding"ە.
کاتریۆنا هەوڵدەدات پارەی زیاتر لەو کەسانە وەربگرێت کە باڵندە وەکو ئاژەڵی ماڵی بەخێو دەکەن، بەتایبەتی لەدوای داخستن و قەدەغەکردنی بەهۆی ڤایرۆسی کۆرۆناوە، هەروەها کەمی هێلکە لە بازاڕەکاندا.
کاتریۆنا لە پاییزی ساڵی ڕابردووەوە بە تەواوی هۆتێلەکەی لە باخچەی ماڵەکەی خۆی دروستکردووە، کاتریۆنا دەڵێت " بە زۆری میوزیکی کلاسیک دەژەنین بۆ ئەوەی مریشکەکان ئارامببنەوە" ئاماژەی بەوە کرد مریشەکەکان هەست بە خۆشییەکی زۆر دەکەن کاتیک گوێیان لە میوزیکەکە دەبێت، جگە لەوەش مریشکەکان چێژ لە بوفێیەکی تایبەتی خواردن و یاریکردن وەردەگرن.
کاتریۆنا خاوەنی هەشت مریشکە،ڕوونیکردەوە کاتێک هەست دەکەن شتەکان تەواو جیاوزن لە هۆتێلەکەیدا ئەوا خواستیان زیاتر دەبێت بۆ ئەوەی باڵندەکانیان بهێنن بۆ ناو هۆتێلەکە.

هەواڵ

پەرلەمانی کوردستان دەخرێتەوە ژێر رەحمی چەکوشی دادگای فیدراڵی عێراق

دوو سکاڵا بۆ هەڵوەشاندنەوەی ئەم خولەی پەرلەمانی کوردستان لە دادگای فیدراڵی تۆمار دەکرێت، کە ئەنجامدانی هەڵبژاردنەکەی بە بڕیاری هەمان دادگا بووە.  

 هەڵبژاردنی خولی شەشەمی  پەرلەمانی کوردستان دوای دوو ساڵ دواخستن لە وادەی خۆی، دواجار بە بڕیاری دادگای فیدراڵی کۆتایی ساڵی رابردوو ئەنجام درا.

دادگای فیدراڵی بەشێکی چیرۆکی دواخستنی هەڵبژاردنی پەرلەمانی کوردستان بوو، نزیکەی ساڵێک تاتوێی سکاڵایەکی لەبارەی هەڵبژاردنەکەوە کرد، کە دواجار بە هەڵوەشاندنەوە و دواتر کەمکردنەوەی ژمارەی کورسی کۆتایی پێکهاتەکان کۆتاییهات.

ئێستا جارێکی دیکە ئەنجامی ئەو هەڵبژاردنە خراوەتەوە بەر دەستی دادگای فیدراڵی عێراق، کۆمەڵی دادگەری کوردستان و جوڵانەوەی نەوێ نوێ رایگەیاندووە، لە دادگای فیدراڵی سکاڵایان بۆ هەڵوەشاندنەوەی خولی شەشەمی پەرلەمانی کوردستان تۆمارکردووە.
سکاڵاکەی کۆمەڵی دادگەری کە یەکەم سکاڵایە بۆ هەڵوەشاندنەوەی خولی شەشەم لەلایەن عومەر گوڵپی کاندیدی سەرکەتووی حزبەکە دژی پەرلەمانی کوردستان تۆمار کراوە.

عومەر گوڵپى سەبارەت بە تۆمارکردنی ئەو سکاڵایە رایگەیاندووە،"داوامان لە دادگاى فیدراڵی کردووە، خولەکە هەڵوەشێندرێتەوە و هەڵبژاردن دووبارە بکرێتەوە، هەروەها هەموو ئەو ئیمتیازە ماددییانەى لە پێنج مانگى ڕابردوودا پەرلەمانتاران وەریان گرتووە، لێیان وەربگیرێتەوە".

کۆمەڵى دادگەرى کە لە هەڵبژاردنى خولى شەشەمى پەرلەمانى کوردستاندا سێ کورسیى بەدەستهێنا، دواتر هەڵبژاردنەکەی بە" دیزاینکراو" وەسفکرد و بڕیاریدا بایکۆتی خولەکە بکات.

دوای چوار رۆژ لە سکاڵاکەی کۆمەڵی دادگەری، جوڵانەوەی نەوەی نوێش رایگەیاند، سکاڵایان بۆ هەڵوەشاندنەوەی پەرلەمانی کوردستان تۆمار کردووە. 

نەوەی نوێ رایگەیاندووە، سکاڵاکەی ئەوان دژی سەرۆکی هەرێمی کوردستان، ئەوەیش بەهۆی ئەوەی تا ئێستا بڕیاری هەڵوەشاندنەوەی پەرلەمانی کوردستانی دەرنەکردووە.

ڕۆژی 20ـی تشرینی یەکەمی 2024، هەڵبژاردنی خولی شەشەمی پەرلەمانی کوردستان ئەنجام درا، بەپێی ئەنجامی کۆتایی هەڵبژاردن کە لەلایەن کۆمسیۆنەوە بڵاوکراوەتەوە، پارتی 39 کورسی، یەکێتی 23 کورسی، نەوەی نوێ 15 کورسی، یەکگرتوو 7 کورسی، هەڵوێست 4 کورسی، کۆمەڵ 3 کورسی، بەرەی گەل 2 کورسی و هەریەک لە گۆڕان و هاوپەیمانی کوردستانیش یەکی کورسییەکیان بەدەستهێناوە.

دوای نزیکەی حەوت مانگ لە ئەنجامدانی هەڵبژاردن، تا ئێستا پەرلەمانی کوردستان کارا نەبووە و تەنها پەرلەمانتاران سوێندی یاسایان خواردووە، بەڵام هەموو مانگێک مووچە وەردەرگن.