زانست
عێراق له پێوه‌ره‌كانی زیره‌كی ده‌ستكرددا له پله‌ی 77ی جیهانیدایه
2024-09-26
عێراق پله‌ی هه‌شته‌می وڵاتانی عه‌ره‌بی و پله‌ی 77ی جیهانی به‌ده‌ستهێنا له پێوه‌ره‌كان بۆ زیره‌كی ده‌ستكرد كه له‌لایه‌ن نه‌ته‌وه یه‌كگرتوه‌كانه‌وه په‌سه‌ندكرابو، ده‌سته‌ی ڕاوێژكاری زیره‌كی ده‌ستكردیش نوێنه‌رایه‌تی ده‌كات له كۆی 83 وڵات.
ئه‌م پێوه‌ره كه له ساڵی 2019ه‌وه ده‌ستیپێكردوه، دیمه‌نی زیره‌كی ده‌ستكرد له سه‌رانسه‌ری حه‌وت پێوه‌رێكی سه‌ره‌كیدا پۆلێن ده‌كات، ستراتیژی حكومه‌ت، ژینگه‌ی كاركردن، ژێرخان، توێژینه‌وه و په‌ره‌پێدان، لێهاتوییه‌كان، بازرگانی، هه‌روه‌ها 122 ستاندارد دابه‌شكراون به‌سه‌ر 83 وڵاتدا.
پێوه‌ری جیهانی بۆ زیره‌كی ده‌ستكرد له‌لایه‌ن كۆمپانیای "تورتویس إنتلیجینس Tortoise Intelligence" ده‌رچوه كه كۆمپانیایه‌كی جیهانییه و ده‌سته‌یه‌كی ڕاوێژكاری نێوده‌وڵه‌تی هه‌یه كه پسپۆڕانی زیره‌كی ده‌ستكرد له سه‌رانسه‌ری جیهان له‌خۆده‌گرێت.
بابەتی لێکچو
More News
 copy.jpg)
Most Popular
تەندروستی
ئەم خۆراکانە پێویستە زیاتر بخورێت لە وەرزی پایز و زستاندا
2024-11-06
دکتۆر کامەران ڕەسوڵ ژاژڵەیی پزیشکی پسپۆڕی زانستی خۆراک لە نوێترین بڵاوکراوەیدا ئاماژە بە دیارترین ئەو خۆراکانە دەکات کە پێویستە لە وەرزی پایز و زستاندا بخورێت، کە گرنگترینیان بریتین لە:
١. میوە مزرەمەنیەکان و کێوی و هەنار و سێو کە دەوڵەمەندن بە ڤیتامین سی و ئەی و ماددە دژە ئۆکسانەکانی تر.
٢. سەوزە گەڵا تۆخەکان وەک کەلەرم ، قەڕەنابیت ، نەعنا.
٣. پاقلەمەنیەکان بە تایبەت شۆربای نیسک ، نۆکاو ، لۆبیا ، ماش.
٤. سیر و پیاز یارمەتیدەرە بۆ بەهێزکردنی بەرگری جەستە.
٥. هەنگوینی سروشتی.
٦. زەنجەفیل، : گرنگە بۆ کەمکردنەوەی ئاوسانی قوڕگ و کەمکردنەوەی هەوکردنی کۆئەندامی هەناسە و بەهێزکردنی بەرگری جەستە.
٧. خواردنەوەی چای گژوگیا وەک چای گوڵەبەیبوون، ڕازیانە ، گوڵەمێخەک ، زەنجەبیل ، چای سەوز لەبری ئەو خواردنەوەی بڕێکی زۆر ماددەی کافاینیان تێدایە وەک چا و قاوە بە تایبەت ئەگەر شەکری تێ بکرێت ، شەوان لە بری چا و قاوە کوپێک شیری گەرم یا چای گژوگیا بخۆرەوە.
٨. ماسی سەلموون و توونە و هەموو جۆرە ماسیەکانی تر.
٩. سینگی مریشک و قەل و پەلەوەر ، هەروەها گۆشتی سووری بێ چەوری.
١٠. دانەوێڵە تەواوەکان وەک ئاردی بۆر و برنجی بۆر و قاوەیی ، تۆووی شیا و شۆڤان لە بری ئاردی سپی و برنجی سپی.
١١. چەرەساتوەک گوێز ، بادەم ، ناوکە کولەکە ، گازۆ.
١٢. خواردنی بڕی پێویست لە ماددە ڕێشاڵیەکان لە ڕێگای خواردنی سەوزە و میوە ڕۆژانە دوو بۆ سێ جار.
١٣. خواردنەوەی بڕی پێویست لە ئاو ڕۆژانە لە نێوان ژەمەکان لانی کەم زیاتر لە شەش پەرداخ ڕۆژانە.
