تەندروستی

ئاماژەکانی پچڕانی بەستەرەکانی ئەژنۆ

پچڕانی به‌سته‌ر یان ریباتی ئه‌ژنۆ، یه‌کێکه‌ له‌ پێکانه‌ باوه‌کان‌‌، ئه‌و که‌سانه‌ی که‌ یاری تۆپی پێ ده‌که‌ن، چ له‌ یاریگای گه‌وره‌ یان بچووک، مه‌ترسییان له‌سه‌ره‌ بۆ توشبوون به‌م پێکانه‌.

  له‌ ئه‌ژنۆدا چوار به‌سته‌ری سه‌ره‌کیمان هه‌یه‌ که‌ ئێسکەکانی ڕان به‌ ئێسکەکانی خوار ئه‌ژنۆوه‌ ده‌به‌ستنه‌وه‌ و به‌رپرسن له‌و جێگیرییه‌ی له‌ ئه‌ژنۆدا هه‌یه‌. ئه‌م چوار به‌سته‌ره‌ پێیان ده‌وترێت، ه‌ ACL,PCL,LCL,MCL  ئه‌و به‌سته‌ره‌ی زۆرترین مه‌ترسی له‌سه‌ره‌ ACL. 

کێن ئه‌و که‌سانه‌ی زیاتر توشی ئه‌م پێکانه‌ ده‌بن؟

بێگومان ئه‌و که‌سانه‌ زیاتر توش ده‌بن که‌ به‌شداری له‌و جۆره‌ وه‌رزشانه‌دا ده‌که‌ن که‌ جوڵه‌ی خێرا و وه‌ستانی له‌ ناکاو و ئاراسته‌ گۆڕینی خێرای تێدایه‌، وه‌ک تۆپی پێ، باسکه‌، تێنسی سه‌ر زه‌وی، باله‌ یان یاری خلیسکانی سه‌ر سه‌هۆڵ.

چۆن بزانیت بەستەرەکانت دەپچڕێن؟
‌له‌ کاتی ڕوودانی پێکان و پچڕانی به‌سته‌ره‌که‌دا، که‌سی پێکراو گوێی له‌ قرته‌یه‌ک ده‌بێت، گه‌ر گوێشی لێنه‌بێت هه‌ست به‌ پچڕانه‌که‌ ده‌کات. هه‌ر له‌ ساتی پێکانه‌که‌دا، هه‌ست به‌ ئازارێکی زۆر ده‌کات و ناتوانێت یارییه‌که‌ ته‌واو بکات، ئه‌ژنۆ ناجێگیر ده‌بێت و زۆرجار که‌سی پێکراو ناتوانێت له‌سه‌ری بڕوات و ته‌نانه‌ت له‌سه‌ریشی بوه‌ستێت. پاش نزیکی کاتژمێرێکیش له‌ ڕووداوه‌که‌، ئه‌ژنۆی ده‌ئاوسێت.

لەکاتی پچڕانی بەستەرەکان پێویستە نەخۆش چی بکات؟
نه‌خۆش له‌ کاتی بوونی ئه‌م نیشانانه‌دا، ده‌بێت به‌ زوویی سه‌ردانی پزیشکی پسپۆری ئێسک و شکاوی بکات. هه‌ڵبه‌ت ئه‌و یاریزانه‌ پیشه‌گه‌رانه‌ی له‌ یانه‌کاندا یاری ده‌که‌ن، خۆپارێزی ته‌واو ده‌که‌ن بۆ خۆ به‌ دوورگرتن له‌م پێکانه‌، به‌ڵام سه‌ره‌ڕای ئه‌وه‌ش هێشتا یاریزانان توش ده‌بن و ماوه‌یه‌کی زۆر له‌ یاریگاکان دوور ده‌که‌ونه‌وه‌.

بێگومان چه‌ند پله‌یه‌کی پچڕانی به‌سته‌ری ئه‌ژنۆمان هه‌یه‌ و ‌گه‌ر پچڕانی به‌سته‌ره‌که‌ پچڕانێکی ته‌واو نه‌بێت و پله‌ی 1 یان 2 بێت، ڕه‌نگه‌ به‌ چاره‌سه‌ری فیزیایی و وه‌رگرتنی ده‌رمان و وه‌رزشکردن، نه‌خۆش به‌ره‌و باشتر بوون بچێت و پێویست به‌ نه‌شته‌رگه‌ری نه‌کات. به‌ڵام گه‌ر پله‌ی 3 بێت که‌ پچڕانی ته‌واوه‌تییه‌، نه‌خۆش بۆ چاره‌سه‌ر ده‌بێت نه‌شته‌رگه‌ری ئه‌نجام بدات. گه‌ڕانه‌وه‌ بۆ وه‌رزشکردنیش به‌ ڕاوێژکردن له‌گه‌ڵ پزیشکی پسپۆر‌دا ده‌بێت پاش نه‌شته‌رگه‌ری.

ئه‌وه‌ی گرنگه‌ بیزانین، ئه‌و که‌سانه‌ی که‌ بۆ خۆشی خۆیان یاری تۆپی پێ ده‌که‌ن و یاریزانی یاریگای بچووکن، پێویسته‌ کۆمه‌ڵێک ڕێکار بگرنه‌ به‌ر تا مه‌ترسی توشبوون به‌م پێکانه‌ که‌م بکه‌نه‌وه‌، لەوانە:

یەکەم: خۆگه‌رمکردنی پێش یاری زۆر گرنگه‌ بۆ ئه‌وه‌ی ماسولکه‌کان به‌ ته‌واوی ئاماده‌ بن.

دووەم: خۆبه‌دورگرتن له‌ گۆڕینی خێرای ئاراسته‌ و ڕاوه‌ستانی له‌ ناکاو و بازدان بۆ تۆپی قورس له‌ کاتی یاریدا، چونکه‌ هه‌موو ئه‌مانه‌ ته‌کنیکی وردی وه‌رزشی و جه‌سته‌ییان هه‌یه‌ و یاریزانه‌ پیشه‌گه‌ره‌کان به‌رده‌وام ڕاهێنانیان له‌سه‌ر ده‌که‌ن به‌ر له‌وه‌ی له‌ یاریگادا ئه‌نجامیان بده‌ن.

سێهەم: به‌هێزکردنی ماسولکه‌کانی پێشه‌وه‌ و پشته‌وه‌ی ڕان و پوز و ماسولکه‌کانی حه‌وز و به‌شی خواره‌وه‌ی پشت زۆر گرنگن بۆ ئه‌وه‌ی پەستانێکی که‌متر بکه‌وێته‌ سه‌ر ئه‌ژنۆکان له‌ کاتی یاریدا.

هەواڵ

دوو کۆبونەوەی باڵا نەیتوانی مووچە دابەشبکات و ئەنجامی دوو کۆبونەوەی دیکە ماوە

کۆبونەوەی دادگای باڵای فیدراڵی و کۆبونەوەی لوتکەی یەکێتی و پارتی هیچ هەواڵێکی خۆشیان بۆ مووچە خۆران پێنەبوو، بڕیارە لە 24 کاتژمێری داهاتوودا دوو کۆبونەوەی باڵا لە بەغدا بەڕێوەبچێت و تێدا پرسی موچەی هەرێم تەوەری سەرەکی دەبێت.

ئەمڕۆ 14ـى تەمموز، دادگای باڵای فیدراڵی عێراق تایبەت بە دوو سکاڵا لەبارەی نەناردنی مووچەی هەرێمی کوردستانەوە کۆبووەوە، هەرچەندە موچە خۆران چاوەڕێبوون دادگا بڕیاری ناردنی مووچە بدات، بەڵام دادگاکە بڕیاردانی لەسەر سکاڵاکان بۆ 28ـی تەمموز دواخست.

پرسی مووچەی مووچە خۆرانی هەرێم، ئەمڕۆ پارتی و یەکێتی لە ئاستی باڵادا کۆکردەوە، شاندی یەکێتی بە سەرۆکایەتی بافڵ تاڵەبانی، سەرۆکی یەکێتی لەگەڵ شاندی پارتی بە سەرۆکایەتی مەسعود بارزانی، سەرۆکی پارتی کۆبونەوە.

دوای کۆتاییهاتنی کۆبونەوەکە، راگەیەندراوێکیان بڵاوکردەوە کە بەشێکی تایبەتبوو بە پرسی مووچە و ئاماژە بەوەکراوە، هەموو هەوڵەکان چڕ بکرێنەوە بۆ چارەسەری کێشە و دابینکردنی مووچە شایستە داراییەکانی هەرێمی کوردستان
وابڕیارە ئەمشەو، کۆبونەوەی چوارچێوەی هەماهەنگیی بەڕێوەدەچێت، کە لە لایەنە سەرەکیە شیعەکانی ناو حکومەت پێکهاتووە، سەرۆک وەزیرانی عێراق ئامادەی کۆبونەوەکە دەبێت و پرسی ناردنی مووچەی هەرێم تەواوەرێکی کۆبونەوەکە دەبێت.

سبەینێ، ئەنجومەنی وەزیرانی عێراق کۆدەبێتەوە و تاوتوێی ئەو راپۆرتە دەکات، کە لیژنە وەزارییەکەی حکومەتی عێراق ئامادەی کردووە لەسەر پرسی مووچەی هەرێم.

شێروان دووبەردانی، پەرلەمانتاری فراکسیۆنی پارتی لە پەرلەمانی عێراق بە میدیای حزبەکەی راگەیاندووە، دواخستنی دانیشتنەکەی ئەمڕۆی دادگای فیدراڵی هیچ یاسایی نەبوو، تەنیا نەیانویست بڵێن لە تواناماندا نییە بڕیار بدەین، دواخستنی دادگای فیدراڵی بۆ 28 مانگ پەیامێکی ناراستەوخۆیە کە ناتوانن مووچە بنێرن.

لەبارەی هەڵوێستی فراکسیۆنی پارتی لە بەرامبەر دواخستنی مووچەی فەرمانبەرانی هەرێمی کوردستان وتی: کۆتا وادەی چاوەڕوانیمان یەک هەفتەی دیکەیە و ئەگەر تا ئەو کاتە پرسی مووچەی فەرمانبەرانی هەرێمی کوردستان چارەسەر نەکرێت، هەڵوێستمان دەبێت.