هەواڵ

هەرێم، 9000 کۆمپانیا هیچ باجێک نادەن و سەدان ملیۆن دۆلاریش قازانج دەکەن

Mic
2021-06-27

هەرێمی کوردستان، باشترین شوێنە بۆ دەستکەوتنی قازانجی زۆر و خێرا، بۆ کۆمپانیا ناوخۆیی و دەرەکییەکان.
هەزاران کۆمپانیا، لەڕێگەی وەرگرتنی دەیان هەزار پرۆژەوە، توانیویانە لەماوەیەکی کورت و خێرادا، سەرمایەکانیان لەسفرەوە بگەیەننە ملیاران، بێ ئەوەی بە هیچ فلتەرێکی لێپرسینەوە و وەرگرتنی باجدا بڕۆن.
لەهەرێمێکی 5 ملیۆنیدا کە لەچوار پارێزگادا کۆبۆتەوە، زیاتر لە 25 هەزار کۆمپانیا هەن، کە 9 هەزار کۆمپانیایان کە زۆربەی هەرە زۆریان لە کۆمپانیا زەبەلاحەکانن، هیچ باجێک نادەن بە حکومەت.
لەکاتێکدا ساڵانە بە ملیۆنان دۆلار قەزانجی زیاتر لەسەر سەرمایەکانیان کەڵەکە دەکەن، لەبەرامبەردا، هاوڵاتیان خراونەتە ژێر باجێکی قورسەوە، بێ ئەوەی خزمەتگوزارییەکانیان بەتەواوەتی پێبگات.

ماددەی هەشتەمی كارنامەی هێڵە گشتییەكانی كابینەی نۆیەمی حكومەتی هەرێمی كوردستاندا، دەڵێ: چاكسازی لەسیستەمی باج دەکرێت و "دەبێت دادپەروەریی لەوەرگرتنی باج جێگیر بێت وهەموو رێكارێكی یاسایی و كارگێڕی، بۆ رێگەگرتن لەخۆدزینەوە، لەباج و میكانیزم و پێوەری تازە دەگرنە بەر".
بەڵام وادەرەکەوێ، بڕیارەکە هەر لەناو کارنامەکەی کابینەی نۆیەمدا مابێتەوە و لەسەر ئەرزی واقیع جێبەجێ نەکرێت.
كەمال تەیب، بەڕێوەبەری گشتیی باجەكان و خانووبەرەی میری لەهەرێم، دەڵێ نۆ هەزار کۆمپانیا کە هیچ مەلەفێكیان نییە و بەجۆرێک لەجۆرەکان خۆیان لە پێدانی باج دزیوەتەوە".
بەپێی یاسا باج لەكوردستان، هەموو كۆمپانیایەك دەبێت ساڵانە لە 15%ی داهاتەكەی وەكو باج بداتە حكومەتی هەرێم و ئێستا داهاتی ساڵێكی باج لەكوردستان، نزیكەی200 ملیار دینارە.
شێركۆ جەودەت، سەرۆكی فراكسیۆنی یەكگرتوو، بە دیجیتاڵ میدیای (مایك)ی وت: ئەوەی ئێستا روودەدات هەڵمژینی خوێنی خەڵكی هەرێمە كە باجیان لەسەر زیادكراوە، لەبەرامبەر نەبوونی خزمەتگوزاریی و مافەكان و سیستمی باج زۆر خراپە".
شێركۆ جەودەت  بڕیارەكانی ئەمدواییەی حكومەتی هەرێم بە نایاسایی ناودەبات و دەشڵێت "بەرزكردنەوەی باج لەسەر خەڵكێكە لەنیشانەكانی داڕمانی هەر حكومڕانیەك لەدنیا، چونكە هەتا حكومەت باج و قوڕسایی لەسەر خەڵك زیاد بكات، نیشانەی ئەوەیە بەرەو شكست دەڕوات".
لەبارەی ئەوەی بۆچی هێشتا پەرلەمانی كوردستان، نەیتوانیوە فشار لەحكومەت بكات لەسەر ئەو یاسایانەی دەریكردوون، شێركۆ جەودەت، ئاشكرایكرد "پارلەمان پەكخراوە و رێگریی لێدەكرێت و تەنیا ئەو كارانە دەكات كە حكومەت لێی داوا دەكات ".

بابەتی لێکچو

More News

Most Popular

هەواڵ

چاوەڕوان دەکرێت ئەمڕۆ بەغدا مووچەی مانگی حوزەیران خەرج بکات

Mic
2025-08-27

بڕیارە ئەمڕۆ ئەنجومەنی وەزیرانی عێراق نووسراوی فەرمی خەرجکردنی پارەی مووچەی هەرێمی کوردستان رادەستی وەزارەتی دارایی عێراق بکات.

دوای ئەوەی وەزارەتی دارایی عێراق، نووسروای فەرمی ئەنجومەنی وەزیرانی پێ دەگات دەست بە رێکارەکانی خەرجکردنی پارەی مووچەی مانگی حوزەیرانی هەرێمی کوردستان دەکات.

بڕیارە هەر ئەمڕۆش وەزارەتی دارایی و ئابووریی هەرێمی کوردستان رێکارەکانی خەرجکردنی مووچەی مانگی شەشی مووچەخۆرانی هەرێمی کوردستان دەستپێدەکات.

بەپێی زانیارییەکانی دیجیتاڵ میدیای MIC هەر کات ڕێکارەکان لە بەغدا دەستپێبکات، وەزارەتی دارایی هەرێم-یش 120 ملیار دیناری داهاتی نانەوتی بۆ وەزارەتی دارایی عێراق دەنێرین.

دیجیتاڵ میدیای MIC زانیویەتی وەزارەتی دارایی و ئابووریی هەرێمی کوردستان 120 ملیار دینارەکەی ئامادەیە، تەنها چاوەڕێی فەرمانن بۆ ئەوەی پارەکە بخەنە سەر هەژماری بانکی وەزارەتی دارایی عێراق.

هەرێمی کوردستان چاوەڕێی تەیف سامی، وەزارەتی دارایی عێراقە، نوسراوی ئەنجومەنی وەزیرانی پێبگات بۆ خەرجکردنی مووچەی مانگی حوزەیران.

هەر بەگوێرەی زانیارییەکانی دیجیتاڵ میدیای MIC وەزارەتی دارایی حکومەتی هەرێمی کوردستان لیستی مووچەی ئامادەکردووە و چاوەڕێی پارەیە، لەگەڵ هاتنی پارە لە بە‌غداوە لیستەکە بڵاودەکاتەوە

ڕۆژی سێشەممە ئەنجوومەنی وەزیرانی عێراق کۆبوونەوە، لە کۆبوونەوەکەدا محەمەد شیاع سودانی، سەرۆک وەزیرانی عێراق بڕیاری دا مووچەی مانگی حوزەیرانی فەرمانبەرانی هەرێمی کوردستان خەرج بکات، بەو مەرجەی هەرێمی کوردستان 120 ملیار دیناری داهاتی ناوخۆ بداتە بەغدا.

TVPodcastهەواڵبنکۆڵکاری دەربارەی ئێمە 18-

ریکلاممان لەگەڵ بکە

+964 (0)770 153 6483

[email protected]

Designed and developed by AVESTA GROUP

Mic News. ©2021 All rights reserved