هەواڵ

ئێران داوای تۆمەتبارانی دۆسیەی کوژرانی قاسم سولەیمانی لە عێراق دەکات

کەسی یەکەمی پۆلیسی ئینتەر پووڵ لەعێراق بە MIC ی وت کە کۆماری ئیسلامی ئێران داوای رادەستکردنەوەی ژمارەیەک کەسی لێکردوون، کە تۆمەتبارن بە دۆسیەی کوژرانی قاسم سولەیمانی.

بەڵام بێ ئەوەی ئاماژە بەناو و ژمارەی ئەو کەسانە بکات، کە لەلایەن ئێرانەوە وەک تۆمەتباری دۆسیەکە تەماشا دەکرێن.

ئێران تەنها ووڵات نییە کە داوای تۆمەتباری دۆسیەکان بکات، بەڵکو تەنها لەهەرێمی کوردستانەوە و 60 کەس وەک داواکراوی دادگای ووڵاتان، رادەستی وڵاتان کراونەتەوە.

گەرمیان خەلیل خەڵكی باشووری كوردستانە، لەلایەن پۆلیسی ئینتەرپوڵ لەسەر بنەمای داوایەكی سوید بە تۆمەتی كوشتن و رفاندن داواكراوە، ناوی لە لیستی سوردایە.
 سامان حوسێنی تەمەن 64 ساڵیش یەكێكی دیكە لەو كوردانەی كە خەڵكی هەولێرە و لەلایەن بۆسنە و هەرسك كە وڵاتێكی ئەوروپییە بە تۆمەتی خراپ بەكارهێنانی دامودەزگاكانی دەوڵەت و گەندەڵی دارایی داواكراوە.
رەمەزان تاهیریش خەڵكی شێخانە، لەلایەن وڵاتی سویدەوە بە تۆمەتی كوشتن داواكراوە.
ئازاد ستار ئەحمەدیش كە خەڵكی خانەقینە، لەلایەن نەرویجەوە بە تۆمەتی دەستدرێژی سێكسی و ئازاردانی ژنان لەرێگەی سێكسەوە داواكراوە.
ئەمانە نمونەیەكن لە سەدان نمونەی داواكراوی ئینتەرپوڵ لە عێراق و ناویان لە لیستی سوردایە.

پۆلیسی ئینتەرپوڵ
عێراق هەرچەندە لە ساڵی 1967 ەوە بە ڕەسمی ئەندامی ئەو ڕێكخراوەیە ، بەڵام بەهۆی ڕووداوەكانی عێراقەوە چەند جارێك عێراق لە ئەندامیەتی ئینتەرپوڵ دابڕاوە.
 بەتایبەت دوای شەڕی كەنداو و ڕووخاندنی ڕژێمی بەعس لە ساڵی 2003 ، پۆلیسی نێودەوڵەتی "ئینتەرپوڵ" لقی خۆی لە عێراق كردەوە.
 پۆلیسی ئینتەرپوڵ گەورەترین ڕێكخراوی پۆلیسیە لە جیهان و 194 وڵات تێیدا ئەندامن.
ئەو ڕێكخراوە بۆ هەماهەنگیكردن لەئاڵوگۆڕی زانیاری پۆلیسی لەنێوان وڵاتان و ڕادەستكردنەوەی تۆمەتباران لەنێوان وڵاتان دروستبووە.
ئینتەرپوڵ " Interpol" كورتكراوەی پۆلیسی نێودەوڵەتییە و ناوە تەواوەكەی (International Criminal Police Organization) ڕێكراوی پۆلیسی تاوانی نێودەوڵەتییە .
ئەو ڕێكخراوە لە 7 ی سێپتەمبەری ساڵی 1923 دامەزراوە و بارەگای سەرەكی لە شاری لیۆنی فەڕەنسایە.

بودجەی ئینتەرپوڵ
بودجەی ئینتەرپوڵ ساڵانەیە و بەپێی بەشدارییەكەیان وڵاتان پارە دەدەنە ئەو ڕێكخراوە و فەرمانبەری 80 دەوڵەت بەشێوەی هەمیشەیی لەو ڕێكخراوەدان.
 لە ساڵی 2009 بودجەی ساڵانەی ئینتەرپوڵ زیاتر لە 47 ملیۆن یۆرۆ بووە.
ئینتەرپوڵ بە هەر چوار زمانی ئینگلیزی و فەڕەنسی و ئیسپانی و عەرەبی بەكاردەهێنێت، و پێگەیەكی ئەلیكترۆنیشیان هەیە(www.interpol.int  )  بۆ بڵاوكردنەوەی چالاكیەكانیان.

بودجە و خەرجی ئینتەرپوڵ لەلایەن وەزارەتی ناوخۆی عیراقەوە دابین دەكرێت
بەپێی ئەو زانیاریانەی کە MIC لە سەرچاوەیەكی باڵای وەزارەتی ناوخۆ دەستیكەوتووە، پۆلیسی ئینتەرپوڵ لە هەرێم بەشێكە لە پۆلیسی ئینتەرپوڵی عێراق، لە ساڵی 2007 دامەزراوە.
سەرچاوەكە وتیشی :ئینتەرپوڵ نوێنەرایەتی لە سەرجەم پارێزگا و ئیدارە سەربەخۆكان هەیە.
وەك ئەو سەرچاوەیە باسیكرد: 1117 كەیس لە 2007 ەوە تا 2020 لە رێگەی ئینتەرپوڵەوە لە هەرێم جوڵێندراوە، لەو ژمارەیە تا ئێستا زیاتر لە 60 كەس ڕادەستی وڵاتان كراوە.
سەرچاوەكەی وەزارەتی ناوخۆ دەشڵێت: ئینتەرپوڵ زیاتر هەماهەنگی لەگەڵ پۆلیس و ئاسایش دا هەیە، لە ڕێگەی بەڕێوەبەری گشتی وەزارەتی ناوخۆ و نوێنەرایەتی وەزارەتی ناوخۆی عێراق لە هەرێم.

لەسەر دۆسیەی قاسم سولەیمانی، ئێران داوای كردووە چەند كەسێكی رادەست بكرێت

لیوای یاسایی  سادق فەرەج، بەڕێوەبەری پۆلیسی ئینتەرپوڵ لە عێراق، بۆ MIC ڕایگەیاند، عێراق لە ساڵی 1967 ەوە پەیوەندی بە پۆلیسی ئینتەرپوڵەوە كردووە، لەوكاتەشەوە ئینتەرپوڵ بنكەی لە عێراق هەیە.
بەڕێوەبەری پۆلیسی ئینتەرپوڵ وتیشی: لە هەرێمی كوردستان سێ بەشی ئینتەرپوڵ هەیە كە سلێمانی و هەولێر و دهۆكە.

لیوا سادق فەرەج: هەرێمی كوردستان هەماهەنگ نین لەگەڵمان
بەڕێوەبەری پۆلیسی ئینتەرپوڵی عێراق باسی لەوەشكرد کە ئەوان هیچ عێراقییە رادەستی وڵاتان ناکەن، بەڵکو داوای دۆسیەکانیان دەکەن و لەعێراق دادگاییان دەکەن.
وەك بەڕێوەبەری پۆلیسی ئینتەرپوڵ لەعێراق ئاماژەی پێدا، لەسەر دۆسیەی قاسم سولەیمانی، ئێران داوای كردووە چەند كەسێكی بەتۆمەتی كوشتنی سلێمانی و ئەبو مەهدی موهەندیس رادەست بكەن.

تەندروستی

بەکارهێنانی مەیکەپی دژە ئاو مەترسیدارە؟

توێژینەوەیەک کە لە گۆڤاری زانستی ژینگە و تەکنۆلۆژیادا بڵاو کراوەتەوە ئاماژەی بەوە داوە، بەشێک لە بابەتی جوانکارییەکان کە ئەمڕۆ بەکار دێت، ڕێژەیەکی زۆر لە ماددە کیمیایییە ژەهراوییەکان لە پێکهاتەیاندا هەیە وەک پۆڵی فلۆرۆ ئەڵکیل (PFAS ) . کە بەداخەوە لە پێکهاتەی ماددە جوانکارییەکاندا ئەم ماددە نانووسرێت بۆ ئەوەی خەڵک هۆشیار بێت.

ئیدارەی خۆراک و دەرمانی ئەمریکی (FDA) باس لەوە دەکات، بەشێک لە بابەتە جوانکارییەکانی وەکوو بۆیەی نینۆک و کرێمەکان و سوراو و قەڵەم چاو و ماسکەرا، دەکرێت ئەم ماددانەی تێ بکرێت بۆ ئەوەی زۆرتر بە درەوشاوەیی دەربکەوێت. بۆیە زۆر گرنگە ئەو بابەتە جوانکارییانە بەکار دێت کە دڵنیان لەوەی ئۆریجیناڵە و کوالێتی بەرزە.