هەواڵ

فەیسبووک و ئینستاگرام واتس ئاپ لەسەر ئاستی جیهان لەکارکەوتن

بەشێوەیەکی چاوەڕواننەکراو لەسەر ئاستی جیهان، هەرسێ سۆشیاڵمیدیای فەیسبووک، ئینستاگرام و واتس ئاپ لەکارکەوتن

هەرسێ تۆرەکە سەر بەکۆمپانیای فەیسبووکە و بەرپرسانی دەڵێن لەهەوڵدان بۆ چارەسەرکردنی کێشەکە، بێ ئەوەی روونکردنەوە لەبارەی هۆکاری لەکارکەوتنیان بڵاوبکەنەوە.

هەواڵ

کۆمسیۆن کارەکانی ڕاگرت و هەڵبژاردن ناکرێت

بەڕاگرتنی کارەکانی کۆمسیۆنی هەڵبژاردنەکانی عیراق بۆ هەڵبژاردنی پەرلەمانی کوردستان جارێکی دیکە هەڵبژاردنەکە لەوادەی خۆیدا ناکرێت و هێشتا دیاریش نییە وادەی نوێ کەیە.

ئەمڕۆ چوارشەممە، جومانە غەلای، وتەبێژی کۆمیسیۆنی باڵای سەربەخۆی هەڵبژاردنەکانی عێراق رایگەیاند "دوای بڕیارەکەی دادگەی باڵای فیدراڵی، دوێنێ سێشەممە 7ی ئایاری 2024 ئەنجوومەنی کۆمیسیارانی کۆمیسیۆنی باڵای سەربەخۆی هەڵبژاردنەکانی عێراق بڕیاری دا سەرجەم رێکارە تەکنیکی و داراییەکانی تایبەت بە هەڵبژاردنی پەرلەمانی کوردستان رابگرێت، تاوەکو ئەو سکاڵایە یەکلا دەبێتەوە کە لە دادگەی باڵای فیدراڵی تۆمار کراوە."

وتەبێژی کۆمیسیۆن جەختی لەوە کردەوە، بڕیاری ئەنجوومەنی کۆمیسیاران بە راگرتنی رێکارەکانی هەڵبژاردنی پەرلەمانی کوردستان، دەکرێت لە دەستەی دادوەری تانەی لێبدرێت."

سەبارەت بە وادەی یەکلاکردنەوەی سکاڵاکە و دەستپێکردنەوەی رێکارەکانی کۆمیسیۆن، جومانە غەلای گوتی، "تائێستا دیار نییە."

راگرتنی کارەکانی کۆمسیۆن بەبڕیاری دادگای فیدراڵییە لەسەر سکاڵایەکی مەسرور بارزانی سەرۆکی حکومەتی هەرێمی کوردستانە،