بەوێنە… ئەشکەنجەدانی گەنجێکی کورد لە کەرکووک لەلایەن لیوای ٦١ ی سوپای عێراقەوە

شەوی سێشەممە لەهەڵمەتێکی رەشبگیریدا لیوای ٦١ ی سوپای عێراق زیاتر لە ٥٠ گەنجی کوردی لە گەڕەکەکانی شۆریجە و رەحیماوا دەستگیرکرد، کە بەشێک لەدەستگیرکراوەکان ئەشکەنجە دراون.

لیوای ٦١ دەیان تانک و هەمەری سەربازی لە هەردوو گەڕەکەکدا بڵاوەپێکردوە و هەڵیانکوتاوەتە سەر دەیان ماڵ و خێزان.

لەتۆمارێکی ڤیدیۆیدا دەردەکەوێت کە هێزەکەی لیوای ٦١ دەرگای ماڵەکان دەشکێنن و ترس و دڵەڕاوکێ دەخەنە ناو هاوڵاتیانەوە.

هەواڵ

کۆبوونەوەی لوتکە…. پاڤڵ تاڵەبانی و لاهور شێخ جەنگی کۆدەبنەوە

پاڤڵ تاڵەبانی هاوسەرۆکی یەکێتی نیشتیمانی کوردستان بە مەکتەبی سیاسی حزبەکەی راگەیاندوە کە ئامادەیە لەگەڵ لاهور شێخ جەنگی هاوسەرۆک کۆبێتەوە.

بەگوێرەی ئەو زانیاریانەی کە MIC لە دوو سەرچاوەی جیاواز و ئاگادارەوە دەستیکەوتوە، پاڤڵ تاڵەبانی لە کۆبوونەوەی مەکتەبی سیاسی حزبەکەیدا، رایگەیاندوە ئامادەیە لەگەڵ لاهور جەنگی کۆبێتەوە. بەڵام وردەکاری زیاتر لەبارەی جۆر و مەبەستی کۆبوونەوەکە نەزانراوە کە ئاخۆ بۆ چارەسەرکردنی کێشە ناوخۆییەکانی حزبەکەیە، یان بەتەواوەتی ناکۆکییەکانیان دەگەنە بنبەست.

هەفتەی رابردوو، فەرید ئەسەسەرد سکرتێری ئەنجوومەنی سەرکردایەتی یەکێتی وتی کە لەهەوڵدان هەردوو هاوسەرۆک لە کۆبوونەوەیەکدا بەیەکبگەیەنن.

لە ٨ تەمووزی ئەمساڵەوە ناکۆکی قوڵ کەوتە نێوان هاوسەرۆکان، پاڤڵ تاڵەبانی و لاهور شێخ جەنگی، کە تاڕادەیەک ناکۆکییەکان مەترسی پێکادانی چەکداری لێکەوتەوە.

بەڵام چەند مانگێکە دۆخی ناکۆکی هاوسەرۆکان تاڕادەیەک هێوربوونەوەیەکی پێوەدیارە.بەڵام هێشتا رووننیە کۆتایی ناکۆکییەکان بەرەو چی دەچن.

حاڵی حازر بەگوێرەی زانیارییەکان ئەنجومەنی سەرکردایەتی لەدۆزینەوەی میکانیزمێکە بۆ رێکخستنی کۆبوونەوەکە.