هەواڵ

بەشێک لە زیندانیانی چاکسازی گەورانی سلێمانی مانیان لە خواردن گرتووە

 سەرچاوەیەک لە زیندانی چاکسازی گەورانی سلێمانی رایگەیاند، بەشێک لە زیندانیەکان مانیان لە خواردن گرتووە بەهۆی کەمبوونەوی بڕی ئەو خۆراکەی بە زیندانییەکان دەدەرێت. 

چاوگێک لە زیندانی چاکسازی گەورانی سلێمانی رایگەیاند، ماوەی مانگێکە بە بیانوی پێنەدانی پارە بە کۆمپانیای دابنکەری خۆراکی زیندانەکە، بڕ و رێژەی خواردن و کەرەستەخۆراکیەکان لە زیندانی چاکسازی گەورانی سلێمانی کەمبووەتەوە بۆ نیوە و ئەوەش بووەتە جێگەی نیگەرانی ئەوان. 

ئاماژەی بەوەشکردووە، بەهۆی ئەو کێشەیەوە و وەک دەربڕینی ناڕەزایی لەو دۆخە، لە ئەمڕۆوە زیندانیەکان مانیان لە خواردن گرتووە. 

سەرچاوەکە باسی لەوەشکردووە، زیندانییەکان داوادەکەن خواردن و خواردنەوەی تەواویان بۆ دابین بکرێت و هۆشیاری دەدەنە لایەنە پەیوەندیدارەکان کە مانگرتنەکەیان ناشکێنن تا داواکاریەکەیان جێبەجێ نەکرێت.

هەواڵ

لە قەڵادزێ بەڕێکەوت و لە فەرەنسا خنکا

لە قەڵادزێ بەڕێکەوت و لە فەرەنسا خنکا
سلێمانی - MIC
ژیلان محەمەد ئەمین، کچە کوردێکی تەمەن 24 ساڵە و یەکێکە لە قوربانییەکانی رووداوەکەی دوێنێ سێشەممەی نێوان فەرەنسا و بەریتانیا.
ژیلان لەگەڵ چەند کەسێکی دیکەدا و یەکێک بووە لەو 100 سەرنشینەی کە لەناو بەلەمێکی پەڕینەوەدابوون لە فەرەنساوە بۆ بەریانیا.
بەڵام پێش گەیشتنیان چەند کەسێک دەکەونە ناو ئاوەکەوەو دەخنکێن کە یەکێکیان ژینایە.
زانیاری ئەوە هەیە، رووداوەکە بەهۆی زۆری ژمارەی سەرنشینانی سەر بەلەمەکەوە بوبێت، بەتایبەت کاتێک کە بەلەمەکە کەوتوەتە ڕێ، ژمارەیەک کۆچبەری ئەفریقیش لەڕێگەی بەکارهێنانی فشارەوە چونەتە ناو بەلەمەکەوە و هەندێکیش دەڵێن شەڕ و ئاڵۆزی روویداوە.
هێشتا بەتەواوی هۆکاری خنکانی ژیلان و ئەوانی دیکە نییە، روونیش نییە کە ئاخۆ جگە لە ژیلان لەناو خنکاوەکاندا کوردی دیکە هەیە یان نا، بەڵام ئەوەی دەزانرێت کە بەشێکی زۆری کۆچبەرەکانی سەر بەلەمەکە عێراقی بوون و لەناو عێراقیەکانیشدا ژمارەیەک کورد هەبوون.
تائێستا نازانرێت کە ئاخۆ ژیلان محەمەد بەتەنها کۆچیکردوە یان خزم و کەسوکاری لەگەڵدا بووە.
ساڵانە لەکاتی پەڕێنەوەی کۆچبەران لەنێوان فەرەنسا بۆ بەریتانیا دەیان کۆچبەر دەخنکێن، ئەوەش لەپێناو گەیشتنیان بۆ ئەو وڵاتە و مافی بەدەستهێنانی مانەوەیان.
هەرچەندە لەچەند رۆژی رابردوودا پەرلەمانی بەریتانیا یاسای ناردنی کۆچبەرانی نایاسایی وڵاتەکەی بۆ رواندا پەسەند کرد ئەوەش وەک هەولیک بۆ رێگریکردن لە چوونی کۆچبەران بۆ ئەو وڵاتە، بەڵام لەگەڵ ئەوەشدا هێشتا کۆچبەران بە یەکێک لە وڵاتە دڵخوازەکەی خۆیان دەزانن بۆ مانەوەیان و وەرگرتنی مافی پەنابەری.