تەندروستی

ئەو نەخۆشیانە چین كە دەبنە هۆی سكچوون و ڕشانەوەی تووند؟

Mic
2022-06-19

سكچوون و ڕشانەوەی تووند، نیشانەی باوی چەندین نەخۆشی جیاوازن كە لەهەمان كاتدا ڕوودەدەن لە كەسی نەخۆشدا، لە هەموو تەمەنە جیاوازەكاندا دەردەوكەوێت.
لە گرنگترین هۆكارە باوەكانی كە دەبنە هۆی سكچوون وڕشانەوە:
1.هەوكردنە ڤایرۆسیەكانی ڕیخۆڵە: چەندین ڤایرۆسی جایواز هەن كەدەبنە هۆی سكچون وڕشانەوە.
ئەم ڤایرۆسانە لەباوترین ئەو ڤایرۆسانەن، كە لەڕیخۆڵەكاندا هەوكردن درووست دەكەن ودەبنە هۆی سكچون و ڕشانەوەی توند.
 ئەم ڤایرۆسانە لەڕیگەی پیسببوونی خۆراك وخورادنەوە بە پیسایی،بەركەوتنی دەستلێدان بە كەلوپەلی پیسبوو بە ڤایرۆسەكە یان كەسی تووشبوو، هەروەها بەهۆی باش نەشۆردنی دەستەكان لەدوای توالێت.
ئەم ڤایرۆسانە لەهەموو تەمەنیكدا تووشی تووشبوو دەبن
norovirus
rotavirus
adenovirus
astrovirus
2. ژەهراوی بوونی خۆراك بە بەكتریا: باوترین ئەو هەوكردنانەی بەهۆی بەكتریا لە ڕیخۆڵەدا ڕوودەدەن، دەبنە هۆی سكچون و ڕشانەوەی تووند لە ڕێی خواردن وخواردنەوەی ژەهراوی بوو بە بەكتریاكان سكچون ڕشانەوەی تووند لە نەخۆشدا درووست دەكەن.
باوترین بەكتریاكان كە خواردن وخواردنەوە ژەهراوی دەكەن وسكچون ڕشانەوەی تووند درووست دەكەن:
E. coli
Campylobacter
Listeria monocytogenes
Salmonella
Shigella
Staphylococcus aureus
3-سكچوون وڕشانەوەی گەشت: ئەم جۆرە لە سكچوون و ڕشانەوەبەزۆری لەوكەسانەد اڕوودەدات كە گەشت دەكەن  و بەركەوتنیان دەبێت بە ئاو وخۆراك و ژینگەی جیاواز كە لەوەی ماڵەكەی خۆی جایوازە، ئەمەش سكچونی تووندی ئاوی لەكەسەكەدا درووست دەكات.
ئەم جۆرە لە سكچوون دەكرێت بە هۆی هەریەك لە زیندەوەرە وردەكانی وەك بەكتریا، ڤایرۆس، مشەخۆرەكان كە لەو ناوچەیەی گەشتت بۆی كردووە ڕووبدات.
4.خەمۆكی و قەلەقی: ئەو هۆرمۆنانەی كە لەكاتی سترێس و قەلەقی دەردەدرێن كاریگەری دەكەنە سەر جووڵەی ڕێخۆڵەكان، بۆیە لەكاتی سترێس وقەلەقی درێژ مەودادا كەسەكە لەبەردەم مەترسی تووشبوون بە سكچون وڕشانەوەدایە.
5.زۆر خۆری و خورادنەوە كحولیەكان: خواردن وخواردنەوەی زۆر دەبنە هۆی تێكدانی سیستەمی كۆئەندامی هەرس، بەمەش لەئەگەری حاڵەتی زۆر خۆری وزیادەرەوی زۆردا دەبێتە هۆی سكچوون ڕشانەوە.
جگە لەوانەش چەند جۆرە خۆراكی تایبەت دەبنە هۆی سكچوون لەكەسەكەدا بەتایبەت خواردنە پڕ ڕۆن وچەوریەكان، هەرچی دەربارەی خواردنەوە كحولیەكانە دەبێتە هۆی هەوكردنی ڕیخۆڵەی كحولی كە ئەمەش لە كاتی زیادەڕەیكردندا سكچون ڕسانەوەی تووندی لێدەكەویتەوە.
6. دەرمان: سكچون ڕشانەوە جگە لەوەی نیشانەی باوی چەندین هەوكردنی جیاوازن، نیشانەی لاوەكی بەكارهێنانی بەشێك لەدەرمانەكانن، كە دەكرێت بگۆڕێت لە كەسێكەوە بۆ كەسێكی دیكە بەپێی بارودۆخی گشتی تەندرووستی كەسەكە، تەمەن، ڕەگەز.
دەرمانەكانی:
دەرمانە نەنستیۆرۆیدەكانی وەك ئیبۆپرۆفین، پاراسیتامۆڵ
دەرمانە كیمایایەكانی چارەسەری شێرپەنجە
بەشیك لە دەرمانی دژە هەوكردنەكان

More News

Most Popular

هەواڵ

وردەكاری گیانلەدەستدانی 46 كۆچبەر لەئەمریكا

Mic
2022-06-28

لە شاری سان ئەنتینۆی ویلایەتی تەکساس لە هەوڵێکی قاچاخیدا لەنێوان سنوری ئەمریکا و مەکسیک نزیکەی 46 کەس بە مردوویی دۆزرانەوە.

لە شاری سان ئەنتینۆی  ویلایەتی تەکساس لەنا ترێلەیەکدا 46 کەس بەمردوویی دۆزرانەوە، کە پێدەچێت هەوڵێکی قاچاخچێتی بێت لە نێوان ئەمریکا ومەکسیک، لەگەڵ ئەوەشدا چارڵز هود بەڕێوبەری ئاگرکوژینەوەی سان ئەنتۆنیۆ ڕایگەیاندووە کە 16 کەسی دیکە هەر لەو ترێلەیەدا ڕۆژی دووشەممە دۆزراونەتەوە کە بەهۆی جەڵدەی گەرما تەندروستیان تێکچووە وگەیەنراونەتە نەخۆشخانە، کە لە نێوانیاندا چوار کەسیان تەمەنیکی کەمیان هەبووە.
بەهۆی ڕووداوەکەوە سێ کەس دەستگیرکراون 
ئە و بارهەڵگرە بارهەڵگرێکی ساردکەرەوە بوو، بەڵام هیچ یەکەیەکی تەندرووستی تیدا نەبووە، لە تەنیشت هێڵی شەمەندەفەر لە ناوچەیەکی دوور لە بەشی باشوری شارەکە دۆزرایەوە.
بەڕێوەبەری ئاگرکوژێنەوەی سان ئەنتۆنیۆپ وتیشی:  لەناو کوژراوەکاندا دوو هاوڵاتی گواتیمالای تێدا بووە کە بە ناسنامەی ساختەی یەکێتی ئەوروپا هاتوونەتە سان ئەنتۆنیۆ.
ڕووداوەکە لە ڕۆژی دووشەمەدا روویداوە کە پلەکانی گەرما لە سان ئەنتۆنیۆ کە نزیکەی 260 کیلۆمەتر لە سنوری مەکسیکەوو ودوورە بۆ نزیکەی  39 پلەی سیلیزی بەربۆتەوە لەگەڵ شێداریەکی زۆر.
ڕۆن نیربێرگ سەرۆکی شارەوانی سان ئەنتۆنیۆ ڕوداوەکەی رۆژی دووشەممەی بە کارەساتیکی ترسناك و مرۆیی ناوبرد، هەروەها وتیشی کە کوژراوەکان خێزانیان هەبووە و پێدەچیت بۆ ژیانیکی باشتر هەوڵیان دابێت.
 ڕەنگە کارەساتەکە یەکێک بێت لە کوشندەترین ڕووداوەکانی قاچاخکردنی مرۆڤ لە سنوری ئەمریکا ومەکسیک لە دەیەکانی ڕابردوودا.
هاوکات لە ساڵی 2017 شدا 10 کەس لەناو بارهەڵگرێکدا گیریان خواردبوو لە سان ئەنتۆنیۆ وەستابوو، گیانیان لەدەست دا، لە ساڵی 2019شدا 19کەسی دیکە لە بارهەڵگرێکی دیکەدا لەبەشی باشووری ڕۆژهەڵاتی شارەکە بە مردوویی دۆزرانەوە.