هەواڵ
شاندە باڵاكەی عێراق دوێنێ بۆچی لەهەولێر بوو؟
2022-06-20
رێكخەری راسپاردە نێودەوڵەتییەكان لە حكومەتی هەرێمی كوردستان لە نیویۆرك رایگەیاند، هێزی پێشمەرگە بەربەستێكی گەورە بوون بۆ ئەوەی تیرۆر زیاتر پەرەنەسێنێت و لە بری جیهان بە پاڵپشتیی هێزی هاوپەیمانان رووبەڕووی داعش بووەوە و قوربانییەكی زۆری داوە.
دیندار زێباری، رێكخەری راسپاردە نێودەوڵەتییەكان لە حكومەتی هەرێمی كوردستان لەگەڵ ئەلیز ندریتۆ، یاریدەدەری سكرتێری گشتیی نەتەوە یەكگرتووەكان بۆ نەهێشتنی كۆمەڵكوژی كۆبووەوە.
لەوبارەیەوە دیندار زێباری بەمیدیای پارتی راگەیاند: تیشكم خستووەتە سەر ئەو تاوانانەی دەرهەق بە گەلی كوردستان كراون و هەرێمی كوردستان باجی زۆری داوە لە پێشێلكارییەكانی دژی مرۆڤایەتی وەك ئەنفال، كیمیاباران، وێرانكردنی گوند و شارەكان تا دەگاتە هێرشە تیرۆریستییەكانی قاعیدە و داعش، لە شەڕی دژی تیرۆر حكومەتی هەرێمی كوردستان و هێزی پێشمەرگە بەربەستێكی گەورە بوون بۆ ئەوەی تیرۆر زیاتر پەرەنەسێنێت و لە بری جیهان بە پاڵپشتیی هێزی هاوپەیمانان رووبەڕووی داعش بووەوە و قوربانییەكی زۆری داوە".
پابەندبوون بە پرەنسیپەكانی مافی مرۆڤ تەوەرێكی گفتوگۆی نێوان رێكخەری راسپاردە نێودەوڵەتییەكان و راوێژكاری تایبەتی سكرتێری گشتی UN بۆ نەهێشتنی جینۆساید بوو، لەوبارەیەشەوە رێكخەری راسپاردە نێودەوڵەتییەكان وتی: پەسەندكردنی پلانی هەرێمی بۆ مافەكانی مرۆڤ لەلایەن مەسرور بارزانییەوە نیشانەی گرنگیدانی حكومەتی هەرێمی كوردستانە بە پاراستنی پرەنسیپەكانی مافی مرۆڤ، ئەم پلانە گشتگیرە و UN و رێكخراوەكان بەشدارن لە جێبەجێكردنی و چەند تەوەرێكی گرنگ لەخۆدەگرێت وەك نەهێشتنی ئەشكەنجەدان، نەهێشتنی بازرگانیكردن بە مرۆڤ، ئازادیی رۆژنامەوانی و رادەربڕین.
دیندار زێباری بە ئەلیز ندریتۆی راگەیاندووە: حكومەتی هەرێمی كوردستان رژدە لە هاوكاریكردنی تیمی یونیتاد و دامەزراندنی دادگەیەك بۆ دادگاییكردنی تیرۆریستانی داعش و باسی لە هەنگاوەكانی حكومەت كردووە بەتایبەتی پڕۆژەیاسای دامەزراندنی دادگەیەكی تایبەتمەند و داوای كرد، كە UN و لایەنە نێودەوڵەتییەكان هاوكاری دادوەر و لێكۆڵەرانی هەرێمی كوردستان بكەن لە بواری مەشق و راهێنان لەسەر تاوانە نێودەوڵەتییەكان كە پێشتر ئەزمونیان لەو بوارەدا نەبووە، هەروەها جەختكراوەتەوە لەوەی پێویستە حكومەتی هەرێمی كوردستان بەشدارییەكی كارای هەبێت لە كۆنفرانس و كۆبوونەوە نێودەوڵەتییەكانی تایبەت بە جینۆساید، چونكە قوربانیی سەرەكیی تاوانی جینۆساید بووە.
رێكخەری راسپاردە نێودەوڵەتییەكان لەبارەی گەڕانەوەی ئاوارەكان رایگەیاند: بوونی میلیشیا و هێزی چەكداری دەرەكی لە شنگال و نەبوونی خزمەتگوزاریی پێویست هۆكاری سەرەكیی نەگەڕانەوەی ئاوارەكانە بۆ سەر زێدی خۆیان بوون، بۆیە پێویستە UN و كۆمەڵگەی نێودەوڵەتی بە ئەركی خۆیان هەستن لە جێبەجێكردنی رێككەوتننامەكە كە دەبێتە هۆكاری گەڕانەوەی ئاوارەكان و هێنانەدی ئارامی و سەقامگیری و نەهێشتنی مەترسییەكانی داعش.
قسەكانی دیندار زێباری لەكاتێكدایە دوێنێ، شاندێكی باڵای سەربازیی و ئەمنیی عێراق بە سەرۆكایەتیی جەنەراڵ عەبدولئەمیر ڕەشید یارەڵا، سەرۆك ئەركانی سوپای عێراق سەردانی هەرێمی كوردستانی كرد. بەپێی زانیاریەكان، لە كۆبونەوەی شاندی باڵای سەربازیی عێراق و نێچیرڤان بارزانی سەرۆكی هەرێم و مەسعود بارزانی سەرۆكی پارتی دیموكراتی كوردستان، پارتی داوای جێبەجێكردنی ڕێككەوتننامەی حكومەتی هەرێم و عێراق لەسەر شەنگال كردووە.
لە ڕاگەیەندراوی كۆتایی كۆبونەكەی شاندەكە و سەرۆكی هەرێمدا باس لە هەماهەنگی پێشمەرگە و سوپای عێراق و جموجوڵەكانی داعش كراوە.
هەرچەندە لە ڕاگەیەندراوی كۆتایی كۆبوونەوەی هەردوو بارزانییەكەدا لەگەڵ شاندە سەربازییەكەی عێراقدا، تەوەری سەرەكیی كۆبوونەوەكان باس نەكراوە، بەڵام بەپێی زانیارییەكان سەرۆكی پارتی و جێگرەكەی داوایان لە شاندەكە كردووە، پلانی (ڕێككەوتننامە)ی حكومەتی هەرێم و بەغدا لەسەر شەنگال جێبەجێبكەن.
ڕێككەوتننامەی شەنگال ڕۆژی نۆی تشرینی یەكەمی ساڵی ٢٠٢٠ لە نێوان حكومەتی هەرێم و حكومەتی عێراقدا واژۆكرا، بەپێی ڕێككەوتنەكە حكومەتی عێراق دەسەڵاتی خۆی دەگەڕێنێتەوە شەنگال.
بابەتی لێکچو
-
رێککەوتن نەکراوە… حکومەتی عێراق کەی پارەی مووچە رەوانە دەکات؟
هەواڵ2025-07-16
-
کەمکردنەوەی سەقفی داواکارییەکان حکومەتی عێراق و هەرێمی لەسەر مووچە گەیاندە لێکتێگەیشتن
هەواڵ2025-07-16
-
هێرشە درۆنییەکان نەوتی هەرێمی کوردستان دەخەنە دوو ریانی رادەستکردن و داخستنەوە
هەواڵ2025-07-16
-
توانا عوسمان: بێ قەیدوشەرت بەهەموو مەرجێکی بەغدا ڕازیبن
هەواڵ2025-07-16
More News
 copy.jpg)
Most Popular
-
ئەتاتورک لە ئەشکەوتی جاسەنە بەڵێنی سەربەخۆی بە کورد دا و جێبەجێی نەکرد
هەواڵ2025-07-12
1
-
Mic Exclusive: یەکێتی پێشنیازێک بۆ رادەستکردنی نەوت دەداتە پارتی
هەواڵ2025-07-14
2
-
توانا عوسمان: بێ قەیدوشەرت بەهەموو مەرجێکی بەغدا ڕازیبن
هەواڵ2025-07-16
3
-
رێککەوتن نەکراوە… حکومەتی عێراق کەی پارەی مووچە رەوانە دەکات؟
هەواڵ2025-07-16
4
-
قاسملۆ ئەو سەرکردە کوردەی لەسەر مێزی دانوستان و ئاشتی تیرۆر کرا
هەواڵ2025-07-13
5
-
بارزانی و تاڵەبانی بۆ تێپەڕاندنی ئاڵنگارییەکان کۆدەبنەوە
هەواڵ2025-07-13
6
-
دادگای فیدراڵی لەسەر مووچە کۆدەبێتەوە و مەسرور بارزانیش پەیامێک بۆ سەرۆکی دادگاکە دەنێرێت
هەواڵ2025-07-13
7
-
جێگری سەرۆکی پەرلەمانی عێراق داوادەکات کورد هەڵوێست رابگەیەنێت دژی بەغدا
هەواڵ2025-07-12
8
هەواڵ
رێککەوتن نەکراوە… حکومەتی عێراق کەی پارەی مووچە رەوانە دەکات؟
2025-07-16
حکومەتی عێراق و حکومەتی هەرێمی کوردستان تا ئێستا لەسەر
نەوت و داهاتی نانەوتی رێککەوتنیان نەکردووە، وتەبێژی حکومەت دەڵێت، لێک تێگەیشنەکە
سەرەتاییە و دواتر دەبێت رێککەوتنێکی فراوان.
پرسی نەوت و داهاتی نەوتی خاڵی ناکۆکی حکومەتی هەرێمی
کوردستان و حکومەتی عێراق بوو، دوای چەندین جار توانرا بگەنە لێکتێگەیشتنێکی سەرەتایی.
ئەنجومەنی وەزیرانی هەرێمی کوردستان لە راگەیەندراوەکەیدا
بە روونی دانی پێداناوە لێکتگەیشتنە نەک رێککەوتن و رایگەیاندووە، پێشوازیی لێ دەکەن.
بەپێی لێکتێگەیشتنەکە هەرێمی کوردستان 230 هەزار بەرمیل
نەوتی رۆژانە و 120 ملیار دینار داهاتی نانەوتی رادەستی حکومەتی عێراق دەکات. حکومەتی
عێراق لە بەرامبەردا مانگانە مووچەی مووچەخۆرانی هەرێمی کوردستان رەوانە دەکات.
پێشەوا هەورامانی، وتەبێژی حکومەتی هەرێمی کوردستان بە دیجیتاڵ
میدیای Micـی راگەیاند،
لێکتگەیشتنەکە سەرەتاییە، دواتر هەردوو حکوومەت دەچنە ناو ڕێککەوتنێکی فراوانترەوە.
بەپێی زانیارییەکانی دیجتاڵ میدیایMic، تا ئەنجامدانی رێککەوتن پارە رەوانەی هەرێمی کوردستان ناکرێت و
دوای رێککەوتنەکە حکومەتی عێراق دەست بە ناردنی پارە بۆ هەرێمی کوردستان دەکات.
تا ئێستا وادەی رێککەوتنەکە بە فەرمی دیاریی نەکراوە، بەڵام
هەموو چاوەڕوانییەکان بەو ئاڕاستەیەن کە لە چەند رۆژی داهاتوودا رێککەوتنەکە بکرێت.
بەپێی رێککەوتنەکە وەک حکومەتی هەرێمی کوردستان بۆ دیجتاڵ میدیای Mic پشتراستکردوەتەوە،
نابێت هیچ مووچەیەکی مووچەخۆرانی هەرێمی کوردستان بفەوتێت.
