هەواڵ

لەهەولێر خوێندكارێك دوو مامۆستای كوشت و پاسەوانێكی زانكۆی سەڵاحەدینیشی برینداركرد

Mic
2022-06-28

خوێندكارێكی زانكۆ لەهەولێر تەقە لەڕاگری كۆلێژی یاسای زانكۆی سەڵاحەدین دەكات و برینداری دەكات پاش برینداربوونیشی گیانی لەدەستدا هەر بەهۆی ڕووداوەكەش كارمەندێكی پرسگەی زانكۆی سەڵاحەدین گیانی لەدەستدا، هۆگر عەزیز وتەبێژی پۆلیسی هەولێر  دەڵێت لێكۆڵینەوە لەڕووداوەكە دەستیپێكردووە، پێش تەقەكردن لەزانكۆكەش ئەو تۆمەتبارە چووەتە سەر ماڵی مامۆستایەكەی زانكۆ  و پاش رفاندنی كوشتوویەتی، تەرمەكەش پاش چەند كاتژمێرێك دۆزراوەتەوە.
لەبارەی ڕووداوەكە،   د كامەران یونس محەممەدئەمین، سەرۆكی زانكۆی سەلاحەدین لە شاری هەولێر، رایگەیاند: بەیانی ئەمڕۆ خوێندكارێكی زانكۆی سۆران تەقەی لە د.كاوان ئیسماعیل گەردی، راگری كۆلێژی یاسای زانكۆی سەلاحەدین كردووە و پاسەوانێكی كۆلێژەكەشی بریندار كردووە، هەردوو بریندارەكە گەیەنراونەتە نەخۆشخانە .
  سەرۆكی زانكۆی سەلاحەددین وتیشی:  كێشەكە بەهۆی گواستنەوە بووە و ئەو خوێندكارە چەند جارێك داوای گواستنەوەی كردووە.
 بەپێی زانیاریەكان راگری كۆلێژی یاسای زانكۆی سەڵاحەدین گولـلەیەك بەر سەری و گوللەیەكیش بەر سنگی كەوتووە، ئەو كەسەشی لە پرسگە گوللەی بەركەوتووە، پاسەوان بووە و یەك گوللە بەر سنگی كەوتووە، تۆمەتبارەكەش دوای هێرشەكە هەڵاتووە، هەر بەپێی زانیاریەكانیش ئەو خوێندكارە كوڕی بەرپرسێكی باڵای هەرێمی كوردستانە.
 سەبارەت بە هۆكاری رووداوەكەش، سەرۆكی زانكۆی سەلاحەددین دەڵێت: كێشەكە بەهۆی گواستنەوە بووە و ئەو خوێندكارە چەند جارێك داوای گواستنەوەی كردووە.
لەلایەن خۆشیەوە هۆگر عەزیز وتەبێژی پۆلیسی هەولێر بەمایكی وت:  بكوژەكە دەستگیركراوە، پەڕاوی لێكۆڵینەوەش بۆ ڕووداوەكە كراوەتەوە و لێكۆڵینەوە دەستیپێكردووە.
هەر بەپێی زانیاریەكان ئەو كەسەی تەقەی لە راگری كۆلێژی یاسای زانكۆی سەڵاحەدین كردووە، پێشتر كێشەی لەگەڵ مامۆستایەكی دیكە هەبووە پێش تەقەكردن لەزانكۆكەش ئەو تۆمەتبارە چووەتە سەر ماڵی مامۆستاكە و  كوشتوویەتی، تەرمەكەش پاش چەند كاتژمێرێك دۆزراوەتەوە، ئەو خوێندكارە دوو مامۆستای بەوە تۆمەتبار كردووە كە لەزانكۆى سؤران دەریان كردووە، بڕیاربووە ئەمڕۆ دانیشتنی دادگایی كردنیان بەڕێوەبچێت.

هۆکاری کوشتنی ئەو مامۆستایەی کۆلێژی ئەندازیاری و تەقەکردن لە راگری کۆلێژی یاسا و پاسەوانێکی کۆلێژەکە بەمشێوەیەیە بووە:
هاوسةرى د.ئیدریس عیزەت حەمەخان ناوی نیشتمانە و لە زانکۆی سۆران مامۆستایە. پێشتر لەگەڵ تۆمەتباری رووداوەکە [ ئ.م.ق] لەسەر گواستنەوەی لە زانکۆی سۆران بۆ زانکۆی سەلاحەدین کێشەیان هەبووە و بووەتە دەمەقاڵێیان. دواتر هاوسةرى د.ئیدریس سکاڵای لەسەر ئەو خوێندکارە تۆمارکردووە و ئەمڕۆ یەکەم رۆژی دادگاییکردنەکەیان بووە. بەڵام بەر لە دادگاییکردنەکە تۆمەتبارە چووەتە ماڵی د. ئیدریس و تەقەی لێکردووە و ئەویش رایکردووە پاشان لە ماڵی دراوسێکەیان کوشتوویەتی. 
دوای ئەو رووداوە تۆمەتبارەکە دەچێتە کۆلێژی یاسای زانکۆی سەلاحەدین و تەقە لە د. کاوان و پاسەوانێکی کۆلێژەکە دەکات و برینداریان دەکات.
هەر سەبارەت بەڕووداوەكە، ئومێد خۆشناو پارێزگاری هەولێر رایگەیاند: تۆمەتبار پێشتریش پێشینەی تاوانی هەبووە و كەسێكی ناسراوە.
 لەلایەكی دیكەوە شەوی رابردوو پۆلیسیك كە لە گرتوخانەی گرتن و گواستنەوەی هەولێر دەوامدەكات، لەكاتی ئەركەكەیدا خۆی كوشت.
تائێستا بەرپرسانی گرتوخانەكەو بەڕێوەبورایەتی پۆلیسی هەولێر هیچ روونكردنەوە و زانیارییەكیان لەبارەی رووداوەكەوە بڵاونەكردووەتەوەو ئامادەش نین لەوبارەیەوە ڕوونكردنەوە بدەن.


More News

Most Popular

هەواڵ

زیاتر لە 300 هەزار خانووی زیادەڕەو لەهەرێمی كوردستان تاپۆ دەكرێن

Mic
2022-08-17

زیاتر لە 300 هەزار خانووی زیادەڕەو لە هەرێمی كوردستان هەن كە دەتوانن تاوەكو بەرواری 9-9-2022، داواكاری بۆ تاپۆكردنی خانووەكانیان پێشكەش بكەن، سەرۆكایەتی شارەوانی سلێمانیش ڕێنمایی بۆ تاپۆكردنیان دەركرد.
ئەو خانووانەی پێش 31-12-2020، بەزێدەڕۆ درووستكراون تاپۆدەكرێن، تاوەكو ئێستا لیژنەی خەمڵاندنی تێچووی تاپۆی هەر خانوویەكی زێدەڕۆ نەچووەتە گەڕەكەكان، بەڵام تێچووی هەر یەكێكیان بەپێی بە یاسای ژمارە 7ـی ساڵی 2021ـی پەرلەمانی كوردستان دیاریدەكرێت: 
- ئەگەر ئەو زەوییەی زێدەڕۆیی كراوەتەسەر، پێشتر شارەوانی جیایكردبێتەوە، تێچووەكەی بە 25%ـی نرخی راستەقینەی زەوییەكە دەخەمڵێنرێت.
- ئەگەر كەسەكە پێشتر سوودمەندبووبێت لە دەوڵەت، تێچووەكەی بە 35%ـی نرخی راستەقینەی زەوییەكە دەخەمڵێنرێت. 
- ئەگەر شارەوانی پێشتر ئەو زەوییەی جیانەكردبێتەوە، تێچووەكەی بە نرخێك دەخەمڵێنرێت كە كەمترنەبیت لە 5%ـی نرخی راستەقینەی زەوییەكە. 
- ئەگەر شوێنی خانوویەك سەرپێچی بوو بۆ سەر ماستەرپلان یان نەخشەی كەرتی، تاپۆكردنەكەی رەتدەكرێتەوە و بە زەوییەكی دیكە قەرەبوو دەكرێتەوە.
- ئەگەریش كەسێك ئامادەنەبوو ئەو بڕە پارەیە بۆ تاپۆكردن بدات، زەوییەكەی بەناوی شارەوانی سنوورەكەیەوە تۆماردەكرێت.
لوقمان وەردی، سەرۆكی لیژنەی شارەوانی و گواستنەوە و گەیاندن و گەشتوگوزار بە مایكی وت: بۆ دیاریكردنی نرخی تاپۆكردن، لیژنەیەك لەیەكە ئیدارییەكان دروستدەكرێت و نوێنەری وەزارەتە پەیوەندیدارەكانی تێدایە و خەمڵاندن بۆ ئەو زەوییانە دەكات و نرخەكەی دیاریدەكات، ئێمەش لە نزیكەوە چاودێری نزیكی ئەو كارانە دەكەین.
لە 70%ـی داهاتی پڕۆسەكە بۆ خزمەتگوزاری ئەو گەڕەكانە بەكاردێت كە خانووەكانیان لێ تاپۆكراون.
سە‌رۆكایە‌تی شارە‌وانی سلێمانی ئەمرۆ رایگەیاند: لە ڕێكەوتی ٢٠٢٢/٨/١٤، كۆبونەوەیەك ئەنجامدرا لە دیوانی پارێزگا، بە ئامادەبوونی نوێنەری پارێزگای سلێمانی، بەڕێوەبەرایەتی گشتیی شارەوانییەكان، قائیمقامیەتی سلێمانی، بەڕێوەبەرایەتی ناحیەی بەكرەجۆ، سەرۆكایەتی شارەوانی سلێمانی-لیژنەی گوندەكان، تایبەت بە پێدانی ڕێنمایی بە (موختارەكانی) شاری سلێمانی، بەمەبەستی جێبەجێكردنی یاسای (٣)ی ساڵی  ٢٠٠٩، هەموواركراوی ژمارە (٧) ی ٢٠٢١. تایبەت بە تەملیكردنی خانووە زیادەڕۆییەكان و ڕێنماییدان، بە موختارەكان بۆ كارئاسانیكردنی مامەڵەی هاووڵاتیان زوو ڕاییكردنیان بەمشێوەیە:-
١- بە هیچ شێوەیەك داوای گرێبەستی نوسینگە نەكرێت.
٢- داوای فۆڕمی گوندەكان نەكرێت.
٣- پشتگیریی، تەنها بۆ خانووی نیشتەجێ بكەن و، بەواتا پشتگیریی بۆ زەوی، هەیكەل، ئەساس نەكرێت.
٤- بۆ هەر خانوویەك تەنها، یەك پشتگیریی بكرێت.
٥- ئەگەر خانوویەك كرێچی تێدابوو، ئاماژەی پێبدەن لە پشتگیرییەكەدا.
٦- پشتگیریی بۆ هەموو خانوویەك بكرێت، كە لەناو سنوری گوندەكەدا بێت، یان لە دەرەوەی سنورەكە بێت.
٧- پێویستە هاووڵاتی پشتگیریی موختارەكەی، لەگەڵ داواكارییەك و پێداویستییەكانی وەك (كارتی نیشتیمانی، فۆڕمی خۆراك)، هەروەها پسوڵەی ئاو، كارەبا” ئەگەر هەبوو ببەن بۆ پارێزگا.