هەواڵ

وەزارەتی دارایی سەبارەت بە خانەنشین بوونی مامۆستایانی گرێبەست روونكردنەوەیەكی بڵاوكردەوە

Mic
2022-08-02

وەزارەتی دارایی و ئابووری هەرێمی كوردستان سەبارەت بە خانەنشین بوونی مامۆستایانی گرێبەست روونكردنەوەیەكی بڵاوكردەوە و دەڵێت پلەبەرزكردنەوە راگیراوە.

وەزارەتی دارایی لەڕوونكردنەوەكەدا نوسیویەتی: تەنها بۆ مەبەستی  سەرمووچە و خانەنشینی خزمەتی گرێبەستیان بۆ هەژمار دەكرێت تاكو كردنەوەی پلە بەرزكردنەوە وەزارەتی دارایی ناتوانێ جیاواز لە بڕیارەكە كاربكات . 
باس لەوەشدەكات پلە بەرزكردنەوە ڕاگیراوە تاكو پەسەندكردنی بوودجەی هەرێمی كوردستان بۆ فەرمانبەرانی ئەم چینەش هاوشێوەی گشت فەرمانبەران هەمیشەیین . 


دەقی روونكردنەوەكە 
روونكردنەوەیەك لە لیژنەی باڵای ڕێنمایەكان –دیراساتی وەزارەتی دارایی و ئابووریەوە سەبارەت بە خانەنشین بوونی مامۆستایانی گرێبەست كە بەهەمیشەیی كراون
1-بەپێ ی یاسای  خانەنشینی یەكگرتوو ژمارە (27) ی ساڵی 2006 بەركار لە هەرێمی كورستان هەر جۆرە خزمەتێك لێبڕینی خانەنشینی (استقگاع التقاعدی) لێنەبڕێت بە خزمەت هەژمار ناكرێت وە  ئەم یاسایە هەموو پێشمەرگەكانی بزوتنەوەی رزگاری خوازی گەلی كوردستان گرتۆتەوە و ئەگرێتەوە.
2-بە بڕیاری ئەنجومەنی وەزیران ژمارە (34) لە 6/12/2019 ناوبراوان بە هەمیشەیی دامەزراون و لە خاڵی (3) بڕیارەكە هاتووە (سەبارەت بە ماوەی خزمەتی پێشووی ئاماژە پێدراوان لە بڕگەی (1) ی  سەرەوە وەك مامۆستای گرێبەست وەزارەتی دارایی و ئابووری بە پێ ی شایستەبوونیان لە چوارچێوەی یاسا و ڕێنماییە بەركارەكان مامەڵەیان دەكات) كە ماوەی خزمەتی پێشوویان بەپێ ی شایستەبوونیان لە چوارچێوەی یاسایی و ڕێنماییە بەركارەكان مامەڵەیان لەگەڵ دەكرێت وە ئێستادا بە پێ ی بڕیاری ئەنجومەنی وەزیران ژمارە (56) ی ساڵی /2015 و ڕێنماییمان ژمارە (15) ی ساڵی 2017 كە پاڵپشتە بە نووسراوی ئەنجومەنی وەزیران ژمارە (1555) لە 4/4/2017 تەنها بۆ مەبەستی  سەرمووچە و خانەنشینی خزمەتی گرێبەستیان بۆ هەژمار دەكرێت تاكو كردنەوەی پلە بەرزكردنەوە وەزارەتی دارایی ناتوانێ جیاواز لە بڕیارەكە كاربكات . 
3- پلە بەرزكردنەوە بە ڕێنمایی ژمارە (11) ی ساڵی /2016 كە پاڵپشتە بە بڕیاری ئەنجومەنی وەزیران ژمارە (56) لە 21/12/2015 و ڕێنماییمان ژمارە (15) ی ساڵی 2017 كە پاڵپشتە بە نووسراوی ئەنجومەنی وەزیران ژمارە (1555) لە 4/4/2017 پلە بەرزكردنەوە ڕاگیراوە تاكو پەسەندكردنی بوودجەی هەرێمی كوردستان بۆ فەرمانبەرانی ئەم چینەش هاوشێوەی گشت فەرمانبەران هەمیشەیین . 
4- گواستنەوەی مامۆستاكان لە شوێنی دوور بۆ شوێنی نزیك و سەنتەری شارەكان لە دەسەڵاتی وەزارەتی پەروەردە دایە پەیوەندی بە وەزارەتی داراییەوە نیە.
                                               لیژنەی باڵای ڕێنمایەكان-دیراسات


More News

Most Popular

هەواڵ

سەدر بۆچی خۆپیشاندانە ملیۆنیەكەی دواخست؟

Mic
2022-08-16

موقتەدا سەدر رێبەری ڕەوتی سەدر بەتویتێك خۆپیشاندانی ملیۆنی لایەنگرانی لەبەغدا دواخست، كە ئەوەش بڕیارێكی كتوپڕی سەدر بوو وەك هەمیشە،ئەوەش لەكاتێكدایە،  ئەمرۆ وەزیرەكەی لایەنە شیعەكانی ناو چوارچێوەی هەماهەنگی بە هەوڵدان بۆ نانەوەی شەڕی ناوخۆ تۆمەتبار كرد.
موقتەدا سەدر رێبەری ڕەوتی سەدر ئەمرۆ لەتویتێكدا رایگەیاند خۆپیشاندانی ملیۆنی رۆژی شەممەی داهاتوو دوادەخات، بەڵام راشیگەیاند تا بەدەستهێنانی داواكاری خۆپیشاندەران لەمانگرتن بەردەوام دەبن.
سەدر لەتویتەكەیدا نوسیویەتی: گەل لەمانگرتن بەردەوام دەبێت تا داواكارییەكانی جێبەجێ دەكرێت، بەڵام كاتی خۆپیشاندانە ملیۆنیەكە بۆ رۆژی شەممەی داهاتوو دوادەخەین تا كاتێكی دیكە و رێنمایی نوێ دەدەین.
هەرچەندە پێشتر سەركردەیەكی نزیك لەموقتەدا سەدر رایگەیاندبوو داواكاری خۆپیشاندانی لایەنگرانی چوارچێوەی هەماهەنگی، موقتەدا سەدر ناترسێنێت لەوەی خۆپیشاندانی ملیۆن ڕێكبخات، بەڵام وەك بەشێك لەمیدیا عێراقیەكان بڵاویانكردووەتەوە هۆكارەكەی ئەوەیە كە سەدر ترسی ئەوەی هەبووە لەكاتی خۆپیشاندانی ملیۆنی رۆژی شەممە لەنێوان لایەنگرەكانی و لایەنگرانی هەماهەنگی شیعەكان ئاڵۆزی دروست ببێت و دۆخەكە لەدەست دەربچێت.
پێشتر ساڵح محەمەد عێراقی كە بەوەزیرەكەی سەدر ناسراوە، لەتویتێكدا رایگەیاند: سێ یەكی پەكخەر یاری بە ئاگر دەكەن، كە مەبەست لێی هەماهەنگی شیعەكان و لایەنەكانی نزیك لێیەتی، هەروەها تۆمەتباریشی كردن بە نانەوەی ئاژاوە و هەوڵدان بۆ دروستكردنی شەڕی ناوخۆ لەنێوان گەلانی عێراق، هاوكات تۆمەتباریشی كردن بەوەی دەیانەوێت توندوتیژی بەرامبەر هێزە ئەمنیەكان بەكاربهێنن.
وەزیرەكەی سەدر ئەوەشی خستەڕوو: ڕەوتی سەدر بۆ چاكسازی خۆپیشاندان دەكات، بەڵام هەماهەنگی شیعەكان دژ بە چاكسازی خۆپیشاندان دەكات، وتیشی هەرچەندە تێبینیمان هەیە لەسەر ئەنجومەنی باڵای دادوەری بەڵام هێرشكردنەسەری هێڵی سورە.
رەوتی سەدر و هەماهەنگی شیعەكان شەقام بۆ فشار خستنە سەر یەكتر بەكاردەهێنن، رۆژی 30 ی مانگی رابردوو لایەنگرانی رەوتی سەدر چوونە ناو بینای پەرلەمانی عێراق و دەستیان بەسەرداگرت، دواتریش هەماهەنگی شیعەكان داوایان لەلایەنگرانیان كرد بچنە ناوچەی سەوزی بەغدا.
لە 10 ی ئۆكتۆبەری ساڵی رابردوەوە هەڵبژاردنی پەرلەمانی عێراق بەڕێوەچووە، بەڵام جگە لە هەڵبژاردنی سەرۆكی پەرلەمان لایەنە عێراقیەكان نەیانتوانیوە سەرۆكوەزیران و سەرۆك كۆمار هەڵبژێرن، ئێستاش سەدر داوای هەڵوەشاندنەوەی پەرلەمان و هەماهەنگی شیعەكانیش داوای مانەوەی دەكەن.