هەواڵ

لە هەر چوار چركەیەكدا لە جیهاندا كەسێك بەهۆی برسێتیەوە دەمرێت

Mic
2022-09-21

ڕێكخراوەكانی كۆمەڵگەی مەدەنی ڕایانگەیاند لە هەر چوار چركەیەكدا لە جیهاندا كەسێك بەهۆی برسیەتیەوە دەمرێت، داواشیان لە سەركردەكانی جیهان كرد بۆ ڕاگرتنی قەیرانی برسێتی جیهانی هەنگاو بنێن.
زیاتر لە 200 ڕێكخراوی كۆمەڵایەتی ناحكومی بۆ كۆبوونەوەی ساڵانەی ئەنجومەنی گشتی نەتەوە یەكگرتووەكان كۆبوونەوە و هۆشدارییان لە برسێتی دا، كۆبوونەوەی دەستەی گشتی بۆ ماوەی هەفتەیەك بەردەوام دەبێت.
لە راگەیەندراوی هاوبەشی رێكخراوە كۆمەڵایەتیە ناحكومیەكاندا هاتووە: رێكخراوەكان لە 75 وڵاتەوە نیگەرانی خۆیان لە برسێتی 345 ملیۆن كەس لە جیهان و دوو هێندە بوونی برسێتی لە ساڵی 2019 تاوەكو ئێستا دەردەبڕن و نامەیەكی كراوەیان واژۆ كردووە.
ڕێكخراوەكانی كۆمەڵگەی مەدەنی كاردانەوەیان پیشاندا كە لە هەر چوار چركەیەكدا لە جیهاندا كەسێك بەهۆی برسیەتیەوە دەمرێت.
واژۆكارانی نامەكە، بە پشتبەستن بە راپۆرتی قەیرانی خۆراك كە لە ساڵی 2016، لەلایەن ڕێكخراوی خۆراك و كشتوكاڵی نەتەوە یەكگرتووەكان، بەرنامەی خۆراكی جیهانی، یەكێتی ئەوروپا و ڕێكخراوەكانی كۆمەڵگەی مەدەنی، ئامادەكرابوو، نامەكەیان نووسیوە.

More News

Most Popular

هەواڵ

هێزيکی ئاسایش وێنەگری دیجیتاڵ میدیایی 'مایک'یان دەستبەسەرکرد

Mic
2024-03-25

سلێمانی ـ MIC

لەکاتی ڕووماڵی خۆپیشاندانی مامۆستایان و فەرمانبەرانی ناڕازیی ئەمڕۆ دووشەممە، هێزێکی ئاسایشی سلێمانی، گریڤان فەرمان یان بۆ ماوەیەک دەستبەسەرکرد و دەستیان بەسەر کەلوپەلە رۆننامەوانیەکدا گرت.

گریڤان فەرمان بە دیجیتاڵمیدیای MIC وت”هێزەکەی ئاسایش سەرجەم ئەو وێنە و دیمەنانەی خۆپیشاندانەکە، کە تۆمارم کردبوون سڕییانەوە و رێگەشیان نەدا رووماڵەکە بکەین.”

وتیشی” پاش سڕینەوەی دیمەنەکان ناچاریان کردین شوێنی خۆپیشاندانە جێبهێڵین.”
مامۆستایان و فەرمانبەرانی ناڕازی ئەمڕۆ لەدژی نەدانی مووچەکانیان و پرۆژەی هەژماری من، خۆپیشاندانیان ئەنجامدا و هەوڵیاندا بچنە دەباشان وچاویان بە بافڵ تاڵەبانی سەرۆکی یەکێتی بکەوێت، بەڵام لەلایەن هێزە ئەمنییەکانەوە رێگری کرا لە خۆپیشاندانەکە.

هەروەها رێگری کرا لە چەند کەناڵێکی میدیایی کە رووماڵی خۆپیشاندانەکە بکەن.