هەواڵ

پارتی و یەكێتی و گۆڕان و پێكهاتەكان لەسەر درێژكردنەوەی خولی پێنجەمی پەرلەمانی كوردستان رێككەوتن

Mic
2022-10-02

لە دانیشتنی ئەمڕۆی پەرلەمانی هەرێمدا ژمارەیەک فراکسیۆن بە واژۆی 85 پەرلەمانتار، پڕۆژە یاسای درێژکردنەوەی تەمەنی یاسایی خولی پێنجەمی پەرلەمانی هەرێمی کوردستانیان پێشکەش بە سەرۆکایەتی پەرلەمان کردووە، ئەوەش لەكاتێكدایە پێشتر نەوەی نوێ ڕایگەیاندبوو لەدوای شەشی 11 ی ئەمساڵ حكومەت و پەرلەمان شەرعیەتیان نامێنێت.
لەوبارەیەوە میدیای پارتی دەڵێت:  پڕۆژەیاساکە واژۆژی 45 پەرلەمانتاری پارتی، 22 پەرلەمانتاری یەكێتی، حەوت پەرلەمانتاری گۆڕان و11پەرلەمانتاری فراکسیۆنی پێکهاتەکان، ئەو پڕۆژە یاسایەیان واژۆ کردووە.
میدیای پارتی ئەوەشی خستووەتەڕوو: ئەو پڕۆژە یاسایە ئەمرۆ پێشکەشی سەرۆکایەتی پەرلەمانی كوردستان کراوە و لە ماوەیەکی نزیکدا دەخرێتە بەرنامەی کاری دانیشتنی پەرلەمانەوە تا دەنگی لەسەر بدرێت.
رۆژی شەشی مانگی داهاتوو، ماوەی یاسایی خولی پێنجەمی پەرلەمانی هەرێمی کوردستان کوردستان کۆتایی پێدێت.
پێشتر مایك لەراپۆرتێكدا ئەوەی بڵاوكردەوە كە هەریەك لە یەكێتی نیشتیمانی كوردستان و بزووتنەوەی گۆڕان و پێكهاتەكان ئامادەییان نیشانداوە لەدرێژكردنەوەی تەمەنی پەرلەمانی كوردستان و كابینەی نۆی حكومەتی هەرێمی كوردستان هاوكاری پارتی بن و لەبەرامبەریشدا پارتی بەڵێنی پێداون چەندین پۆستیان پێبدات.
پێشتر و لە 20-9-2022 کاوە عەبدولقادر سەرۆکی فراکسیۆنی نەوەی نوێ لە پەرلەمانی کوردستان رایگەیاند: بەهۆی تەواوبوونی ماوەی یاساییان لە دوای شەشی تشرینی دووەمەوە دەوام ناکەن لە پەرلەماندا، وتیشی هەر سێ سەرۆکایەتییەکە لەدوای ئەو ماوەیە وادەی یاساییان بەسەر دەچێت و شەرعیەتی حکومەت و پەرلەمان نامێنێت و دەچنە فەراغی یاساییەوە.
سەرۆكی فراكسیۆنی نەوەی نوێ لەپەرلەمانی كوردستان ئەوەشتی خستەڕوو: گرێبەستێکی یاسایی و ئەخلاقی لەنیوان خەڵک و پەرلەمان هەیە و خەڵک تەنها بۆ چوار ساڵ دەنگی بە پەرلەمان داوە نەک زیاتر، بەپێی دەستور و یاسا و پەیڕەو پەرلەمان ناتوانێت تەمەنی خۆی درێژ بکاتەوە.
"وەک فراکسیۆنی نەوەی نوێ بڕیارمانداوە لە دوای ٦ی ١١ وە دەوام ناکەین و نابینە بەشێک لە پێشێلکاری یاسایی و شەرعەیتدان بە نا شەرعیەتی، هەر پەرلەمانتارێکیش دەوام بکات شەرعیەت دەدات بە بڕیارێکی نا شەرعی." كاوە عەبدولقادر وای وت.
 

More News

Most Popular

هەواڵ

لە2019 ەوە لەهەرێمی كوردستان 743 ژن بەڕووداوی جیاجیا گیانیان لەدەستداوە

Mic
2022-11-30

بە پێی ئامارەكانی بەڕێوەبەرایەتی بەرەنگاربوونەوەی توندووتیژی دژی ژنان و خێزان لەهەرێمی كوردستان لەساڵی 2019 ەوە تا شەش مانگی یەكەمی 2022 ، 117 ژن كوژراون و 193 ژنیش خۆیان كوشتووە و 155 ژنیش بەهۆكاری جیاجیا "سوتاون" و 278 ژنیش خۆیان سوتاندووە كە كۆی گشتی دەكاتە 743 ژن كە بەهەر هۆكارێك بێت لەهەرێمی كوردستان گیانیان لەدەستداوە.
بەپێی ئامارەی بەڕێوەبەرایەتی بەرەنگاربوونەوەی توندوتیژی دژ ژنان و خێزان لەهەرێمی كوردستان، لەساڵی 2019 45 ژن كوژراون و لەساڵی 2020 دابەزیوە بۆ 25 ژن و لە 2021 یشدا 25 ژن كوژراون، بەڵام لەشەش مانگی یەكەمی 2022 دا 22 ژن لەهەرێم كوژراون، جگە لەوەی لە2019 دا لەهەرێم 62 ژن خۆیان كوشتووە و 155 ژن سوتاون و 104 ژنیش خۆیان سوتاندووە، لەساڵی 2020 یش 25 ژن كوژراون و 38 ژن خۆیان كوشتووە و 68 ژنیش خۆیان سوتاندووە، هاوكات لەساڵی 2021 دا 25 ژن كوژراون و 62 ژن خۆیان كوشتووە و 78 ژنیش خۆیان سوتاندووە، بەڵام لەشەش مانگی یەكەمی 2022 دا لەهەرێمی كوردستان جگە لەوەی 22 ژن كوژراون 31 ژنیش خۆیان كوشتووە و 29 ژنیش خۆیان سوتاندووە.