هەواڵ
دادگای دهۆك سزای لەسێدارەدانی بۆ بكوژی باوك و كچێك دەكرد
2022-10-05
ئەمڕۆ دادگای دهۆک لەبارەی کوژرانی ئاخین و فارووقی باوکی کە لە زاخۆ لە لایەن کەسێکەوە کوژران، دانیشتنێكی ئەنجامدا، سەرئەنجام بڕیاری لە سێدارەدانی بۆ بکوژی ئەو کچ و باوکە دەرکرد.
رۆژی چواری ئابی 2022، ئاوارەیەکی کوردی ئێزدی بەناوی فارووق میرزا خەلەف، تەمەن 42 ساڵ لەگەڵ کچە بچووکە تەمەن شەش ساڵەکەی بەناوی ئاخین لە گوندی حەسەن رەشۆی سەر بە قەزای زاخۆ بێسەروشوێن بوون، دوای چوار رۆژ پۆلیسی دهۆك تەرمی فارووقی دۆزییەوە و دوای چەند رۆژێکیش تەرمی ئاخین دۆزرایەوە.
فارووق و کچەکەی لە رۆژی پێنجشەممە 4-8-2022، لە کاتژمێر 11:00ی پێش نیوەڕۆوە لە ماڵەوە چووبوونە دەرەوە، بەڵان شەوی 11-08-2022، پۆلیسی دهۆک لە روونکردنەوەیەکدا رایگەیاند: پۆلیسی نەھێشتنی تاوان لە دھۆک دوای کۆکردنەوەی زانیاری، توانی بکوژی فارووق میرزا خەلەف و کچەکەی لە گەڕەکی سەرھەلدان دەستگیر بکات.
بەپێی زانیاریەكان بكوژەكە پێشتر تاوانی كوشتنی ئەنجامداوە و دوای سێ ساڵ ئازادكراوە، هەر بەپێی زانیارییەكان لە ساڵی 2021 بكوژەكە بە تۆمەتی رفاندنی دوو كچە منداڵی پەنابەری رۆژئاوای كوردستان دەستگیركراوە، دوای ئەوەی لە كامێراكانی چاودێرییەوە دەركەوتبوو دوو منداڵەكە دەباتە دەرەوەی شار، بەڵام بەهۆی نەبوونی بەڵگەی پێویست ئەوكات دادگا بكووژەكەی ئازادكردووە، لەكاتێكدا تا ئێستاش چارەنووسی ئەو دوو منداڵە نادیارە.
دەركردنی سزای لەسێدارەدان بۆ بكوژەكە لەكاتێكدایە سزای لەسێدارەدان لەهەرێمی كوردستان جێبەجێ ناكرێت، هەرچەندە لەعێراق جێبەجێ دەكرێت.
More News
 copy.jpg)
Most Popular
-
ڤایرۆسێکی نوێ لە هیندستان دەرکەوت کە نە چارەسەر نە ڤاکسینی هەیە
تەندروستی2024-07-22
1
-
بەهۆی دواكەوتنی گەشتەكەی بو بە ملیۆنێر
ژیان2024-07-23
2
-
کۆمپانیایەک ئۆتۆمبێلێک دروستدەکات بە وزەی تیشکی خۆر کاردەکات
زانست2024-07-22
3
-
توێژینەوەیەکی نوێ: میسڕییە کۆنەکان نەشتەرگەری شێرپەنجەیان بەسەرکەوتوویی ئەنجامداوە
زانست2024-07-22
4
-
بۆچی پێویستە سەردانی باخچەی ئاژەڵان بکەین؟
ژیان2024-07-23
5
-
درێژترین تەلەفریک لەجیهاندا
ژیان2024-07-24
6
-
چۆن لە کاتی دوودڵیدا بڕیارە راستەکە دەدەیت؟
ژیان2024-07-22
7
-
مێتا ئاپێكی ركابەری تویتەر رادەگەیەنێت
Tech2024-07-22
8
زانست
ئایا ماسی دوای بەستنی دووبارە زیندوو دەبێتەوە؟
2024-07-25
لە بابەتێکی ماڵپەڕی " earthdate" دا باس لەوە دەکات کە ماسی بە گشتی توانای خۆگونجاندن لەگەڵ گۆڕانی پلەی گەرمیدا هەیە و دەتوانێت لە ئاوی سارددا بۆ ماوەیەکی زۆر بژی، بەڵام ئەگەر ئاوێک بە تەواوی بەستوو بێت، ئەگەری ئەوە هەیە هەندێک لە ماسییەکان بمرن.
لێرەدا پرسیارەکە ئەوەیە چۆن ماسییەکان لە دەریاچە بەستووەکان و ئاوەکانی ناوچە جەمسەرییە سەهۆڵاوییەکانی زەویدا دەژین؟
ماسییەکان کۆمەڵێک ستراتیژی بەکاردەهێنن بۆ مانەوەیان لە ژیاندا، ئەوانیش بریتین لە:
- خاوبوونەوەی میتابۆلیک، ماسی دەچێتە دۆخێکەوە پێی دەوترێت "torpor" ئەمەش هاوشێوەی خەوی زستانەیە، بەڵام بەو شێوەیە قووڵ نییە، پلەی گەرمی جەستەیان لەگەڵ پلەی گەرمی ئاوەکەدا دادەبەزێت و لێدانی دڵ و هەناسەدان و ئاستی چالاکی و جوڵەکانی بە شێوەیەکی سەرنجڕاکێش کەم دەبنەوە، بەم شێوەیەش وزە دەپارێزێت چونکە جەستەیان پێویستی بە جوڵە نییە.
- دەڕۆنە قووڵاییەکی زۆرترەوە، زۆرێک لە جۆرەکانی ماسی دەچنە ناوچە قووڵاییەکانی دەریاچەکانەوە کە پلەی گەرمی ئاوەکە جێگیرتر دەمێنێتەوە و کەمتر ئەگەری بەستنی تەواوەتی هەیە، ئەمەش ماسییەکە دەپارێزێت وادەکات لە ژیاندا بمێنێتەوە.
- کەمبوونەوەی ئارەزووی خواردن، بەو پێیەی ئاستی چالاکییەکانیان زۆر کەم دەبێتەوە، ماسییەکان پێویست ناکات لە وەرزی زستاندا وەکو جاران خۆراک بدۆزنەوە، لەوانەیە زۆر کەم بخۆن یان پشت بە وزەی یەدەگی خۆیان ببەستن.
- گونجاندنی فیزیۆلۆژی، هەندێک جۆری ماسی گونجانی تایبەتیان لە جەستەیاندا هەیە کە یارمەتیان دەدات لە سەرمادا بمێننەوە، بۆ نموونە هەندێکیان پرۆتینی دژە بەستن لە خوێنیاندا هەیە کە ڕێگری لە بەستنی خانەکانیان دەکات.
هەر بۆیە بە بەکارهێنانی ئەم ستراتیژانە، ماسییەکانی دەریاچە بەستووەکان دەتوانن وزەی خۆیان بپارێزن و لە بارودۆخی سەختی زستاندا بژین تا بەهار دێت.
